9 نصايح من مدرب رياضي قدر يخس 70 كيلو! اعرفيهم

آية حسان
آية حسان
13658

قصة حقيقة عن شاب عنده 25 سنة قدر يخسر 70 كيلو من وزنه … جوي بريستين جرب الديت ومجبش نتيجة وبعدين قرر انه يغير من عادات اكله في حياته اليومية بعادات صحية أكتر وقدر يحقق المعادلة الصعبة… جوي دلوقتي شغال مدرب رياضي بيساعد الناس التانية إنها تقدر توصل للنتيجه اللي نفسهم فيها زيه..

لو إنتي بتعملى ريجيم علشان تخسي و بتحسي بتعب كبير والنتيجة مش مرضية، السبب كله فى انه فى عادات غذائية بنعملها فى حياتنا بتكون هى السبب فى انه الريجيم مبيبقاش مؤثر ومبتلاقيش النتيجة اللى انتى مستنياها ، علشان كده فى المقال ده اعرفى 9 نصايح من جوي اللي خلته يقدر يخس 70 كيلو .. شوفي صورته قبل وبعد.

جوي برينستين
جوي برينستين

1- بطلى شرب الصودا : 

الصودا و المشروبات الغازية مليانة بالسعرات الحرارية ، زيها زى العصاير اللى فيها سكر و الشاى الحلو ، علشان كده لو عندك عادة شرب المشروبات الغازية و العصاير المسكرة كتير يقى لازم تبطليها ، انك تبطلى شرب الحاجات دى هيساعدك تخسى حوالى 22 كيلو فى  3 شهور بس . لاننا ساعات مبنلاحظش اننا ممكن بسبب المشروبات دى جسمنا يكتسب حوالى 2000 كالورى فى اليوم .

بطلى تشربى سعرات حرارية
بطلى تشربى سعرات حرارية

2- ابعدى عن الاكل الجاهز : 

حاجه تانية علشان تعرفى ازاى تخسي 70 كيلو بسهوله هى انك تبعدى عن الاكل الجاهز تماما ، و تاخدى معاكى اكل بسيط معمول فى البيت سواء و انتى رايحة الشغل او الكلية زى السلطة الخضرا او سلطة التونة .

ابعدى عن الاكل الجاهز
ابعدى عن الاكل الجاهز

3- قضى وقت اقل على الطريق : 

حاجه تانية هتساعدك تخسي فى مدة قليلة هى انك تحاولى تقضى وقت اقل فى عربيتك او المواصلات و تمشي على رجلك و تركبى عجل فى ايام الاجازات ، بالطريقة دى هتحركى جسمك و تخليه يحرق سعرات اكتر و و كمان هيصفى ذهنك و يببقى عندك وقت تتمرنى .

4-اطبخى لنفسك وجبات لذيذة : 

دورى على وصفات صحية و لذيذة واطبخيها لنفسك ، هتقضى وقت ممتع اثناء الطبخ و كمان هتتبسطى . و الاكل الصحى هيفيد جسمك و يساعدك تكسبى سعرات حرارية اقل . 

اتعلمى تطبخى اكلات صحية
اتعلمى تطبخى اكلات صحية

5- اعرفى قيمة الاكل الطبيعى : 

اعدى عن اى اكل فى اكياس او الاطعمة المعلبة ، لازم تعرفى قيمة الاكل الطبيعى و الصحى ى الفواكه و الخضروات الفريش لانها بتفيد جسمك و بتبقى خالية من اى دهون . 

6- اشترى الاكل العضوى او الاورجانيك : 

نصيحة مهمة علشان تعرفى ازاى تخسي 70 كيلو بسهولة هى انك تشترى و تعتمدى فى نظامك الغذائى على الاكل العضوى او الاورجانيك ، ممكن يبقى سعره غالى شوية لكن فايدته مهمة و لما تبعدى عن الوجبات السريعه و الجاهزة هتحسي انك بتصرفى نفس المبلغ اللى انتى متعوده عليه تقريبا من غير زيادة .

اشترى اكل و خضار اورجانيك
اشترى اكل و خضار اورجانيك

7-خدى بالك من نوعية اللحمة اللى بتاكليها : 

حاولى دايما زودى من عدد الوجبات النباتية اللى تاكليها و تخليها اساسية فى نظامك الغذائى لو قدرتى ، و لو مش قادرة تبعدى عن اللحوم يبقى حاولى على قد ما تقدرى تبعدى عن اللحوم المصنعة و الجاهزة و تستخدمى اللحوم و الفراخ الفريش بس .

خدى بالك من نوعية اللحمة اللى بتاكليها
خدى بالك من نوعية اللحمة اللى بتاكليها

8- ابعدى عن العلاقات اللى بتوترك : 

مهم  كمان انك تبعدى عن العلاقات اللى بتوترك ، يعنى لو ليكى اصحاب بياكلوا بره كتير و بيعتمدوا على الاكل الجاهز و تحاولى متنزليش معاهم فى خروجات الاكل ، وكمان لو خارجة جديد من علاقة فاشلة و مكتئبة حاولى تبعدى عن الاكل و تفضى طاقتك فى رياضة مثلا او المشى.

9- غيرى من نفسك :

علشان تمنعى نفسك من ان الوزن اللى خسرتيه يرجعلك تانى ، اعملى رياضة و حافظى على نظام غذائى صحى باستمرار ، و حاولى كمان تصفى ذهنك بانك تكتسي هوايات جديدة و تبعدى عن الحاجات او الانفعالات اللى ممكن تكون بتضايقك او توترك .

مقالات متعلقه

دايت القلب لمدة 3 ايام: هيساعدك تخسي 4 كيلو مع الاطعمة الصحية للقلب

دايت القلب لمدة 3 ايام: هيساعدك تخسي 4 كيلو مع الاطعمة الصحية للقلب

7 اطعمة ابعدي عنهم تماما لو بتحاولي تخسري وزن

7 اطعمة ابعدي عنهم تماما لو بتحاولي تخسري وزن

وصفات لسد الشهية وتخسيس الوزن

وصفات لسد الشهية وتخسيس الوزن