4 نصايح من مصممين الأزياء إزاي تنسقي الهدوم المنقوشة!
الهدوم المنقوشة بتدى حياه للوك بتعنا خصوصا فى الصيف ، لكن رغم شياكتها و اللوك التريندى اللى بتعمله الا ان لبس الهدوم المنقوشة مش سهل ابدا ! لكن متقلقيش فى المقال ده ” بنات حوا ” هتسهلك الموضوع و تبعد عنك اى قلق من لبس الهدوم المنقوشة فى خطوات سهلة و بسيطة هتخليكى تلبسى الهدوم المنقوشة اللى كنتى بتبعدى عنها كتير و متستغنيش عنهم فى دولابك ، اعرفى معانا ازاى تلبسي الهدوم المنقوشة مع بعضها و يطلع شكلهم شيك و على الموضة .
4 نصايح من مصممين الأزياء إزاي تنسقي الهدوم المنقوشة!
خلينا نبدأ بالاساسيات ، يعنى ممكن مثلا تلبسى تيشيرت مخطط بالابيض و اللبنى بدل ما يكون لبنى سادة مع بوليرو او كارديجان منقط او polka dots على جينز و جربى شكلهم عليكى هيبدأ ازاى ، دلوقتى خلينا نبدأ بنصايحنا لازاى تلبسى الهدوم المنقوشة .
النصيحة الاولى : جربى تلبسى سكارف منقوش
خلي النقشات اللى تختاريها بسيطة ، ممكن تلبسى سكارف منقوش علشان تغيرى اللوك بتاعك . و اختارى لون رئيسى للطقم و التزمى بيه ، لانه ده بيعتبر واحده من اهم القواعد اللى لازم تاخدى بالك منها لما تيجى تلبسى الهدوم المنقوشة ، حاولى يبقى في على الاقل لون واحد مشترك بين التوب و البنطلون او الجيبة و علشان تعملى لوك متناسق اكتر شوفى ايه هو اللون المسيطر على الطقم بتاعك و يبقى هو القاعدة و اختارى الوان نقشات تتناسب معاه .
النصيحة الثانية : اختارى نقشات باحجام مختلفة
لما تيجى تدمجى نقشات مع بعضها ، اختارى قطعة ملابس بنقشة كبيرة و خلى القطعة التانية من الطقم تبقى بنقشة صغيرة علشان ميبانش الطقم بتاعك زحمة و اوفر لانه حجم النقشة مهم ، الطريقة دى هتخلى اللوك بتاعك يبان هادى و بعيد عن انه يبقى شكله زحمة .
النصيحة الثالثة : اختارى لون رئيسى :
لو لسه قلقانه اختارى لون رئيسى للطقم بتاعك و خلى كل النقاشات بتاعتك من نفس اللون، باطريثة دى هتحسى انه الطقم بتاعك مش زحمة و كمان متناس بشكل كبير .
النصيحة الرابعة : اعتمدى على نقشة الخطوط و الـ animal prints :
حاولى تعتمدى على الـanimal prints زى نقشات التيجر و القطع المخططة فى اللوك بتاعك ، لانهم بيمشوا تقريبا مع كل حاجه . جربى توفقى اطقم منقوشة شايفاهم هيليقوا مع بعض و حطيهم على السرير و وفقيهم مع بعض علشان تطلعى بأفكار تلبسيهم ازاى و ان كانوا ماشيين مع ذوقك ولا لا .
بكده تكونى عرفتى معانا ازاى تلبسي الهدوم المنقوشة مع بعضها و يطلع شكلهم شيك و تريندى ، جريبهم و قوليلنا ايه هى النتيجة .
ازاى تستغلى الاكسسوارات فى تحسين اللوك بتاعك؟!
