نصايح ازاى تختارى البرفيوم perfume المناسب ليكى

بقلمآية حسان فيمكياج visibility3160

انك تعرفى ازاى تختارى البرفيوم صح حاجه مش سهلة ، لانه انواع البرفيوم مبتخلصش و بتختلف فى التركيز و بتفضل اد ايه على جسمك و هى فعلا اصلية ولا  لا و غيرها من الحاجات المختلفة اللى مبنقدرش نحدد بسببها ايه هو الاختيار الافضل و بتخلينا محتارين فى اختيار البرفيوم المناسب. علشان كده اختيار البرفيوم المناسب  له قواعد و خطوات معينة علشان تتاكدى انك بتختارى صح ، اعرفيها معانا فى المقال ده ..

نصايح ازاى تختارى البرفيوم perfume المناسب ليكى

ازاى تختارى البرفيوم المناسب
ازاى تختارى البرفيوم المناسب

1- اول حاجه هى انك ترشي رشة صغيرة من البرفيوم اللى بتكرى تشتريه و تشميها كويس اوى ، لو حسيتى انها بتدخل جوه الانف و انك اتأثرتي بيها يبقى متكمليش تدوير على برفيوم تانى  لو لسه بتفكرى لانك ممكن ببساطة تكونى لاقيتيه خلاص .

2- لو لسه مترددة حاولى ترشى رشة تانية صغيرة و تسيبيها تهدى  ، وبعدين شميها بعمق من 15 لـ 20 ثانية و حاولى تركزى اوى علشان تقدرى تميزيها كويس و تحددى ايه اللى عاجبك فيها بالضبط ، تركيزها مثلا ، ريحتها قوية اوى و لا خيفة و رقيقة . يعنى كأنك بتفهمى تركيبتها علشان تقدرى تعرفى ان كان مع استخدامك ليها قدام هتفضلى تحبيها ولا هتملى منها و تحسيها مش مناسبة . 

3- النصيحة او القاعدة التالتة هى انك تعملى اختبار اخير صغير ، رشى رشة بسيطة على منطقة معصم الايد و كملى باقى الشوبنج بتاعك فى المحل اللى انتى فيه ، بعد 5 دقايق اى كحول فى تركيبة البرفيوم هيكون اتبخر فى الهوا و هتكون ريحة البرفيوم اتطبعت على جلدك و بقت طبيعية اكتر ، ساعتها شميها مرة تانية علشان تقدرى تتأكدى ان كانت ريحتها الخام لسه عجباكى و ان كانت هتدوم على جسمك لمدة كافية ولا لا.

نصايح ازاى تختارى البرفيوم perfum المناسب ليكى
نصايح ازاى تختارى البرفيوم perfum المناسب ليكى

4- فى بعض انواع الـperfumes  او مثلا نوع محدد انتى بتحبيه و ممكن تفضلى متستخدميش غيره سنين ، و الحقيقة ده غلط ، جربى من وقت للتانى انك تغيرى من البرفيوم اللى بتستخدميه و تنوعى لانه التنويع مطلوب و هيديكى الفرصة تجربى انواع جديدة و مختلفة و ممكن تعجبك اكتر. و حاولى كمان تغيرى البرفيوم بتاعك لو بتعملى دايت او لو بتستخدمى دواء ممكن يغير من ريحة جلدك او بيخليكى تعرقى لانه استخدامك للبرفيوم اللى جسمك متعود عليه فى الحالة دى مش هيغير من ريحة جسمك لانه اتعود عليه . فى المواقف دى حاولى دايما تستخدمى برفيوم جديد مجربتيهوش قبل كده . 

5- النصيحة الاخيرة علشان تعرفى ازاى تختارى البرفيوم صح هى انك لو لاحظتى انك بقيتى تضطرى تحطى كمية اكتر من البرفيوم علشان تشميه او تحسي انك حطيتى يبقى لازم تغيريه ، لو مناخيرك و جسمك اتعودوا على ريحة البرفيوم لدرجة انك بقيتى تحطى كمية ممكن تبقى مزعجة للناس من حواليكى يبقى لازم تبطلى تستخدميه فورا و تدورى على نوع مختلف لانه مبقاش مناسب ليكى خلاص . فى الوقت ده اختارى برفيوم جديد عليكى و استخدميه لفترة و لما تحسي انه بقى صعب عليكى تميزيه بطلى تستخدميه و جربى نوع تانى ، ممكن كل شهرين مثلا تغيرى النوع اللى بتستخدميه و بعد فتره ترجعيله مرة تانية .

نصايح ازاى تختارى البرفيوم perfum المناسب ليكى
نصايح ازاى تختارى البرفيوم perfume المناسب ليكى