شوفي معانا 20 تنسيق رائع لالوان لبسك هيخلوكي تضيفيهم لدولابك

بقلمريهام محمود فيموضة وأزياء visibility132933

احنا اتكلمنا قبل كده ازاي ننسق الوان لبسنا مع بعض واتعرفنا على عجلة الالوان وازاي نستخدمها لتنسيق الالوان, لكن احنا جايبين النهاردة  لكل بنات حوا مجموعة الوان مميزة جدا وازاي تلبسيها مع بعض واللي تعتبر من احلى تنسيقات الالوان واكيد لما تشوفيهم هتحبي انك تضيفيهم لدولابك.

20 تنسيق رائع لالوان لبسك:

1- اللون البينك:

اللون البينك من الالوان المميزة اوي وعشان يطلع بشكل احلى ممكن تنسقيه مع اللون الرمادي الفاتح اوالغامق, والبيج, والبنفسجي, والازرق, كل الالوان دي من احلى الالوان اللي ممكن تنسقيها مع البينك.

اللون البينك
اللون البينك

2- التركيز على اللون الاحمر:

ممكن تعملي لوك تركزي فيه على اللون الاحمر يكون هو اللي ظاهر اوي, بس عشان نظهره مش لازم نلبس احمر طيب هنعمل ايه ؟ ممكن تلبسي ابيض وتنسقيه مع الرمادي الفاتح او الغامق, او البيج الفاتح, وتدخلي الاحمر في الشنطة والشوز بس بكده هتظهري اللون الاحمر اوي في اللوك بتاعك.

التركيز على اللون الاحمر
التركيز على اللون الاحمر

3- لون المسطردة والاخضر النعناعي:

اللوك ده مميز جدا ممكن تلبسي جاكيت بلون المسطردة مع البيج على بنطلون جينز ازرق وتنسقي معاهم شنطة بالاخضر النعناعي وشوز بلون المسطردة.

لون المسطردة والاخضر النعناعي
لون المسطردة والاخضر النعناعي

4- الالوان الباستيل:

الالوان الباستيل من الالوان اللي بتدي لوك حلو اوي وناعم  لما تنسقيها مع بعض, ومن الوان الباستيل اللي تمشي مع بعض اللون الاخضر الباستيل, والموف, والبينك, والسيمون, والازرق الفاتح.

الالوان الباستيل
الالوان الباستيل

5- اللون المرجاني:

اللون ده حلو اوي بس يمكن مش بنعرف نلبسه عشان مش بنعرف نلبسه ازاي او ننسق معاه ايه, من احلى الالوان اللي ممكن تتلبس معاه اللون البينك الفاتح, والخوخي, والفوشيا, والكحلي.

اللون المرجاني
اللون المرجاني

6- الاصفر النيون:

الالوان النيون طالعة موضة اوي الموسم ده لكن كتير مننا بيترددو يلبسوها وبيخافوا اللوك يطلع اوفر, لكن من انسب الالوان اللي ممكن تنسقيها مع الاصفر النيون اللون البنفسجي الغامق, والازرق الفاتح, والفيروزي, والكحلي.

الاصفر النيون
الاصفر النيون

7- درجات الموف:

الموف من الالوان اللي ممكن تنسقي درجاته مع بعض يعني تنسقي البنفسجي الغامق مع الموف الفاتح, ويمشي معاهم البينك اللي على موف, والازرق السماوي, والرمادي.

درجات الموف
درجات الموف

8- الازرق الفاتح مع الاخضر:

في الوان كتير مش بنفكر نلبسها مع بعض زي اللون الازرق الفاتح مع الاخضر لما تنسقيهم وتلبسيهم مع بعض هتحبي اللوك جدا, وممكن تدخلي معاهم الازرق الغامق, والبينك, والموف.

الازرق الفاتح مع الاخضر
الازرق الفاتح مع الاخضر

9- البيج مع الرمادي:

 اللون الرمادي الفاتح والغامق, والبينك, والبيج, والبني تركيبة الالوان دي من اللوك الحلوة اوي اللي ممكن نلبسها وبتبقى حلوة اوي لما ننسقها مع بعض.

البيج مع الرمادي
البيج مع الرمادي

10- الاصفر والابيض:

الاصفر مع الابيض بيطلع حلو اوي لما ننسقهم مع بعض, وممكن تدخلي معاهم الرمادي, والاصفر الغامق, والبيج.

الاصفر والابيض
الاصفر والابيض

11- التباين الدراماتيكي للالوان:

التنسيق الدراماتيكي للالوان من اللوك الجريئة والحلوة اوي, انك تنسقي لون غامق اوي مع لون فاتح اوي, زي البينك مع الكحلي, او مع الاحمر, او الرمادي الغامق, او البترولي.

التباين الدراماتيكي للالوان
التباين الدراماتيكي للالوان

12- اللون الليموني:

اللون الليموني ممكن تنسقيه مع الازرق السماوي, والرمادي, والكحلي, والبيج.

اللون الليموني
اللون الليموني

13- الازرق الغامق:

الازرق الغامق ممكن يتنسق مع البينك, ودرجات الازرق الفاتح والاغمق, ومع الاسود.

الازرق الغامق
الازرق الغامق

14- اللون الفوشيا:

اللون الفوشيا من الالوان النيون المميزة اللي ممكن تنسقيها مع الموف الفاتح, والكحلي, والاصفر, والرمادي الغامق.

اللون الفوشيا
اللون الفوشيا

15- اللون الرمادي:

الرمادي من الالوان اللي مش بتبطل ابدا وممكن تلبسيها في اي وقت ممكن تنسقيه مع الابيض, والاصفر, والفيروزي, والكحلي.

اللون الرمادي
اللون الرمادي

16- الالوان الفاقعة:

زي الاورانج, والاصفر, والازرق الغامق, والفيروزي, ممكن كتير يترددوا يلبسوا مجموعة الالوان دي مع بعض لكن بتطلع تحفة اوي لما تنسقيها, وممكن تلبسي حاجات مطبوعة بتجمع ما بين الالوان دي مع بعض.

الالوان الفاقعة
الالوان الفاقعة

17- الالوان الباستيل الهادية:

دي مجموعة تانية من الوان الباستيل اللي ممكن تنسقيها مع بعض, الموف, والسيمون, واللبني, والبني الفاتح, والاصفر.

الالوان الباستيل الهادية
الالوان الباستيل الهادية

18- الاخضر والبنفسجي:

ممكن الالوان دي مش كتير مننا بيفكر ينسقها مع بعض لكن بتطلع حلوة جدا لما بتتلبس مع بعض, الاخضر مع البنفسجي وممكن ندخل معاهم البينك, والرمادي, والخوخي.

الاخضر والبنفسجي
الاخضر والبنفسجي

19- اللون الاخضر الزمردي:

الاخضر الزمردي ممكن ننسقه مع درجاته الفاتح والغامق منه وندخل معاهم اللون البني.

اللون الاخضر الزمردي
اللون الاخضر الزمردي

20- الالوان الباردة الهادية:

الالوان الباردة اللي هي زي الرمادي بدرجاته الفاتح والغامق, والازرق الفاتح, والاسود, من تركيبات الالوان اللي بتدي لوك هادي وناعم اوي.

الالوان الباردة الهادية
الالوان الباردة الهادية

شوفي كمان دليلك الكامل ازاي تختاري الوان لبسك وتنسقيه مع بعض

دليلك الكامل ازاي تختاري الوان لبسك وتنسقيه مع بعض
دليلك الكامل ازاي تختاري الوان لبسك وتنسقيه مع بعض