10 تسريحات شعر للصيف سهلة ومتاخدش وقت

بقلمريهام محمود فيشعر visibility11256

في الصيف دايما بنبقى عايزين تسريحات شعر سريعة وحلوة وفي نفس الوقت مريحة ومناسبة لجوالصيف والرطوبة عشان نبقى في كل خروجاتنا مرتاحين وشكلنا حلو, عشان كده احنا النهاردة جايبين لكل بنات حوا 10 تسريحات شعر للصيف حلوة واستايلش وفي نفس الوقت سهلة ومش هتاخد منك وقت في تنفيذها.

10 تسريحات شعر للصيف سهلة ومتاخدش وقت:

1- تسريحة شعر مع باندانا:

دي من اسهل واريح التسريحات اللي ممكن تتعمل في الصيف انك تلمي الشعر High Bun او كحكة عالية وتلبسي عليها باندانا تكون بألوان حيوية ومبهجة مناسبة للصيف, ممكن تعمليها وانتي رايحة البحر الصبح او لو رايحة تتمشي في مكان مفتوح.

تسريحة شعر مع باندانا
تسريحة شعر مع باندانا

2- عقدة صغيرة:

التسريحة دي سهلة جدا بردو ومناسبة للشعر القصير او اللي طوله متوسط, هتاخدي خصلتين شعر من الجانبين وتلميهم على ورا مع بعض وتبرمي الشعر وتدخليه في بعضه تعملي بيه عقدة وتثبتيها بالبنس وتسيبي باقي الشعر سايب.

عقدة صغيرة
عقدة صغيرة

3- ديل حصان مزدوج:

هنعمل ديل حصان عالي عادي جدا نربطه بالاستك ونلف عليه خصلة شعر وتحت شوية هناخد خصل شعر صغيرة نلفها حوالين ديل الحصان.

ديل حصان مزدوج
ديل حصان مزدوج

4- ديل حصان قصير:

التسريحة دي مناسبة جدا للشعر القصير اوي, هنحط على الشعر موس ونركز اكتر على الجزء اللي في النص من الشعرعشان ندية Volume شوية ونجيب خصلتين من الجنب نلمهم على الشعر من ورا ونثبتهم بالبنس او باستك صغير ونخلي الجزء اللي في النص من الشعر مرفوع لفوق.

ديل حصان قصير
ديل حصان قصير

5- تسريحة الويفي او تأثير الشعر المبلول:

عشان ندي شعرنا شكل الوفي بتاع البحر ويبقى شكله كيرلي طبيعي كل اللي هنعمله اننا هندهن الشعر موس عشان نحافظ على شكله كانه مبلول شوية, والموس كمان غير انه هيحافظ على شكل التسريحة مش هيخلي الشعر يهيش.

تأثير الشعر المبلول
تأثير الشعر المبلول

6- عقدة عالية:

زي ما عملنا في التسريحة اللي قبل كده عقدة صغيرة في الشعر من ورا للشعر القصير والمتوسط هنعمل عقدة مناسبة للشعر الطويل بنفس الطريقة بس هتكون عالية على الراس من فوق.

عقدة عالية
عقدة عالية

7- ديل حصان مبروم:

هنقسم الشعر تلات خصل وهنمسك كل خصلة نبرمها وبعدين نلم الشعر كله مع بعض ونعمل ديل حصان منخفض نربطه باستك ونلف عليه خصلة شعر.

ديل حصان مبروم
ديل حصان مبروم

8- ديل حصان جانبي:

التسريحة دي سهلة اوي هي ديل حصان منخفض عادي بس هيبقى جانبي يعني تلمي الشعر كله على جنب واحد وتربطيه بالاستك, وتلفي خصلة شعر حوالين الاستك, وممكن عشان تديه شكل احلى تخلي الشعر من فوق من بعد الجزء بتاع القوصه مرفوع شوية لفوق.

ديل حصان جانبي
ديل حصان جانبي

9- كحكة غزل البنات:

الكحكة دي بيبقى شكلها حلوة واستايلش اوي وطالعة موضة اوي وباين من اسمها اكيد شكلها بيبقى عامل ازاي بتبقى شبه غزل البنات,هنلم الشعر كله ديل حصان عالي ونرش الشعر بالمثبت وبعدين نسرح الشعر بالمشط بالعكس عشان ننفشه ونلمه كحكة بس متلفيش الشعر او تبرميه اوي يعني خليه مش محكوم وهش كده عشان يديكي شكل غزل البنات وتثبتي الكحكة بالبنس كويس عشان متتفكش منك وهتبقى كده التسريحة جاهزة ومن غير وقت ولا مجهود.

كحكة غزل البنات
كحكة غزل البنات

10- لم الشعر مع الضفيرة الفرنسية:

هنسيب جزء من الشعر من قدام تقريبا تلت الشعر كده ونحط باندانا رفيعة بعد الجزء ده, هنعمل ضفيرة جانبية ونلفها على الباندانا من ورا, ونلف باقي الشعر على الباندانا من الجانبين وبعدين نبرمه كله ندخله في الباندانا من ورا ونثبته بالبنس.

لم الشعر مع الضفيرة الفرنسية
لم الشعر مع الضفيرة الفرنسية

شوفوا كمان 15 طريقة مبتكرة وسريعة لعمل الشعر تسريحة ديل الحصان

15 طريقة مبتكرة وسريعة لعمل الشعر تسريحة ديل الحصان
15 طريقة مبتكرة وسريعة لعمل الشعر تسريحة ديل الحصان