15 لحظة البنات مدمنين المكياج بس اللي هيفهموها!
مفيش بنت مبتحبش المكياج وتهتم بيه لكن فى مواقف معينة بتحصل للبنات مدمنين المكياج واحنا كتير جدا الصراحة :) فى المقال ده ” بنات حوا ” هتعرفك على 15 لحظة بيمروا بيهم البنات مدمنين المكياج علي طول!
15 لحظة البنات مدمنين المكياج بس اللي هيفهموها .. اعرفيهم !
1- خط الايلينر sharp winged eyeliner !
انك ترسمى خط الايلينر مظبوط بيعتبر اصعب حاجه لاى بنت وهى بتعمل مكياجها، علشان كده لما بيطلع حلو ومظبوط بنحس اننا عملنا انجاز ! لكن المشكلة اللى بتحصل انه اغلب الوقت الخط المرسوم ده ممكن يطلع عريض اوى او حاد زيادة عن اللزوم و ساعتها بنحس بالمشكلة !
2- كل فلوسك ضايعة على المكياج :
البنات مدمنين المكياج دايما بيقعوا فى الموقف ده ، لانه من كتر حبهم للمكياج و من كتر ما بيشتروه دايما فلوسهم خلصانه و كلها ضايعه على المكياج .
3- دايما متأخرة على مواعيدك :
هتلاقى البنات مدمنين المكياج دايما اصحابهم زعلانين منهم لانهم دايما متأخرين على مواعيدهم بسبب المكياج ، علشان كده لو نازله مع عيلتها مثلا هتلاقيهم بيطلبوا منها تجهز قبل الميعاد بساعات و على طول هتلاقيها معروفة وسط اصحابها او فى الكلية و الشغل بالبنت اللى دايما متأخرة على مواعيدها .
4- بتتضايقى من البنات اللى مبيحبوش المكياج :
البنات مدمنين المكياج شايفين المكياج فن و حاجه ممتعة جدا و بيستمتعوا و هما بيعملوها وعلشان كده دايما مبيفهموش البنات اللى مبيحطوش مكياج و بيتضايقوا من اللى مبيحبوش المكياج .
5- بيحطوا المكياج علشان بيحبوه :
بيحطوا المكياج علشان بيحبوه و بيستمتعوا بيه ، مش علشان يلفتوا نظر حد او علشان الناس يقولوا عليهم حلوين . بيعملوا مكياج علشان بيحبوا و يهتموا بنفسهم و بس .
6- لما حد يقول على مكياجهم حلو :
انه حد يقول على مكياجك مظبوط حاجه حلوه طبعا ، لكن البنات مدمنين المكياج بيتبسطوا اوى لما حد بيحب المكياج زيهم يقول انه مكياجهم حلو . لانهم بيحسوا انهم فاهمين الى بيعملوه و شاطرين فيه خصوصا لو كان كومنت علي حاجة جديدة بيجربوها وطلعت حلوة.
7- مش لاقيين مكان يحطوا فيه ادوات المكياج :
مدمنين المكياج عندهم ادوات مكياج بكمية كبيرة ، علشان كده مفيش شنطة مكياج بتكفى المكياج ده كله و دايما عندهم مشكلة انهم مش عارفين يحطوا المكياج فين !
8- وقتهم كله ضايع على فيديوهات المكياج :
البنات اللى مدمنة المكياج كل وقتهم ضايع على فيديوهات تعليم المكياج و ممكن يفضلوا قاعدين قدام اليويتيوب 24 ساعه من غير ما ياخدوا بالهم او يحسوا بالوقت .
9- لما يشتروا مكياج اونلاين و يوصل بسرعه :
انك تشتري مكياج من محل حاجه، وانك تشتريه من على النت و تستنيه ايام و يوصل حاجه تانية خالص ، خصوصا لو وصل بسرعه. اللحظة دى بتعتبر من اسعد لحظات اى بنت مدمنة للمكياج .
10- لما تعطسى و مكياجك ميسيحش :
واحدة من اسعد لحظات اى بنت مدمنة للمكياج هى لما تعطس و مكياج عينيها يفضل مكانه، من غير ما الماسكرا تسيح و تلغبط وشها او الكحل يسيح و يبوظ الدنيا . اللحظة دى بالنسبة لاى مدمنة مكياج لحظة سعيدة جدا .
11- لما خطيبك يشوفك من غير مكياج لاول مرة :
و اللحظة دى بتعتبر من اصعب اللحظات اللى بتمر بيها اى مدمنة مكياج ن لانه دايما بيبقى مكياجهم مظبوط و شكلهم حلو و فجأة خطيبها أو حبيبها يشوفها من غير مكياج لاول مرة ، اللحظة دى بتبقى صعبة لانها بتبقى مش عارفه خطيبها بيفكر فى ايه دلوقتى :/
12- لما مكياجك ميخليكيش تعيطى :
المكياج ساعات كتير بينقذنا من اننا نحرج نفسنا و نعيط قدام اصحابنا او فى مكان عام ، لانك لما بتبقى عاملة مكياج حلو اوى و اتعرضتى لحاجه ضايقتم مثلا بتمسكى نفسك و تمنعى العياط علشان تحافظى على مكياجك و مبتعيطيش ، ساعتها البنات مدمنين المكياج بيحسوا بالقوة :) .
13- بتلاقى كل اصحابك بيطلبوا منك تعمليلهم مكياج :
مفيش بنت مدمنة مكياج و معروفة وسط اصحابها انها شاطرة فيه الا و تقريبا كل يوم هتلاقى حد بيسألها عن نصايح المكياج او بيتطلب منها تعمل مكياج لحد .
14- لما الـhighlighter يطلع فاتح اوى :
لحظة تانية بتقابل كل بنت مدمنة للمكياج هى لما تيجى تعمل highlight لوشها و يطلع فاتح زيادة عن اللزوم ، ساعتها بيبقى فى مشكلة !
15- الروج مهم :
الروج مهم جدا لكل مدمنين المكياج ، لانه الروج بالنسبة لهم مش مجرد لون ، ده تعبير عن شخصيتهم .