المرة الجاية اللى تلبسي فيها اسود جربى تعملى الحاجات دى !

اللبس باللون الاسود بيناسب اى ظرف او مناسبة ، علشان كده معظمنا بيبقى عندنا اكتر من قطعة ملابس سوداء، بس برده كتير بنقع فى مشكلة انه ممكن اللوك بتاعنا يطلع كئيب او غامق و مطفى فبيدى شكل باهت و مش حلو ، علشان كده المرة الجاية اللى تلبسي فيها اسود لازم  تبقى مختلفة ، اعرفى معانا فى المقال ده نصايح مهمة هتقولهالك ” بنات حوا ” تعمليها المرة الجاية اللى تلبسي فيها اسود علشان اللوك بتاعك يطلع اليجانت و stylish ..

المرة الجاية اللى تلبسي فيها اسود جربى تعملى الحاجات دى !

1- البسى الاسود بأقمشة مختلفة : 

علشان تخلى الطقم الاسود اللى انتى لبساه stylish ببساطة البسى قطعتين ملابس من اقمشة مختلفة ، زى انك تلبسى بلوزة دانتيل مثلا و بنطلون قماش ، او بلوزة شيفون مع جيبة او مثلا بلوزة مع سكينى جينز او جلد . الميكس ده من القماش هيخلى فى تفاوت بسيط فى درجة الاسود فهيبان اللوك بتاعك شيك اكتر .

2- اظهرى الطقم بالاكسسوار : 

خلى اللون الاسود هو خلفية الطقم و الاكسسوار هو القطعة الاساسية ، البسى كوليه او سلسلة واضحة و شكلها مختلفة علشان تفتحى و تظهرى الطقم بتاعك و تديله شوية لون ، اللون الاسود بيظهر اى قطعة اكسسوار و يخليها باينة بكل تفاصيلها علشان كده بتقدرى تحققى منها اعلى استفادة ، و كمان بالطريقة دى هتحافظى على اللوك بتاعك بسيط وشيك.

3-حطى روج بلون جرئ :

واحدة من الحاجات الى تعمليها المرة الجاية اللى تلبسى فيها اسود وهتفرق فى اللوك هى انك تحطى روج بلون جرئ و واضح زى الاحمر او النبيتى ،  الحركة دى هتدى لون للطقم بشكل غير مباشر و تنور وشك لانه باقى مكياجك مع اللون الاسود لازم يبقى هادى و بأقل كمية ممكنة. شوفى نصايح تعرفى بيها ازاى تحطى الروج الاحمر بطريقة صحيحة ..

4- اعملى مانيكير بلون واضح : 

اخر حاجه ممكن تعمليها علشان تحسنى اللوك بتاعك باللون الاسود هى انك تحطى مانيكير بلون واضح زى الدهبى المات او اللون الاحمر ، الالوان زى دى هتديلك لوك لامع و واضح اكتر و كمان هتضيف لون تانى بشكل غير مباشر للستايل بتاعك . اعرفى 7 اسرار عن ازاى تختارى مانيكيرك المناسب صح

 شوفى كمان 7 اسباب هيخلوكى ماتستغنيش عن اللون الاسود فى دولابك ابدا .