15 طريقة مبتكرة وسريعة لعمل الشعر تسريحة ديل الحصان

بقلمريهام محمود فيشعر visibility5861

تسريحة ديل الحصان من التسريحات الحلوة اوي اللي في بنات كتير بيحبوا يعملوها, لكن ساعات كتير بنمل من شكله وبنبقى عايزين نرفع الشعر ونعمله ديل حصان لكن نغير شكله شوية او مثلا نكون مستعجلين وعايزين نعمله تسريحة سريعة متاخدش وقت, عشان كده احنا النهاردة جايبين لكل بنات حوا 15 طريقة لعمل الشعر ديل حصان والتسريحات كلها سريعة جدا مش هتاخد منك اكتر من 5 دقايق لتنفيذها.

15 طريقة مبتكرة وسريعة لعمل الشعر تسريحة ديل الحصان:

1- الطريقة الاولى معانا هناخد خصلة صغيرة من جنب الشعر ونعملها ديل حصان صغير ونشبكه بالاستك وبعدين الجزء اللي تحت من الشعر هناخده نلفه في نص ديل الحصان وبعدين نشكبه باستك تاني تحت ونلف الشعر وهكذا وناخد خصلة تانية تحت الخصلة اللي احنا عملناها ونعملها بنفس الطريقة.

15 طريقة مبتكرة وسريعة لعمل الشعر تسريحة ديل الحصان
15 طريقة مبتكرة وسريعة لعمل الشعر تسريحة ديل الحصان

2- ده ديل حصان مع ضفيرة فرنسية هنعمل ديل حصان عادي ونلف عليه خصلة شعر من فوق وبعدين ناخد خصلة شعر من الجنب نضفرها مع ديل الحصان ونلفها عليها ونكمل تضفير وهكذا لحد ما  الخصلة تخلص.

15 طريقة مبتكرة وسريعة لعمل الشعر تسريحة ديل الحصان
15 طريقة مبتكرة وسريعة لعمل الشعر تسريحة ديل الحصان

3- هناخد تلت الشعر من قدام ونضفرة وبعدين ناخد الضفيرة نلمها على ورا مع باقي الشعر ونعمل ديل حصان جانبي.

15 طريقة مبتكرة وسريعة لعمل الشعر تسريحة ديل الحصان
15 طريقة مبتكرة وسريعة لعمل الشعر تسريحة ديل الحصان

4- الطريقة دي هتبقى حلوة اوي مع الشعر الكيرلي, هتعملي الشعر كيرلي وبعدين تقسميه نصين النص اللي ورا اعمليه ديل حصان والنص اللي قدام هنقسمه نصين ونلمهم على ورا عكس بعض مع ديل الحصان ونثبتهم بالبنس.

15 طريقة مبتكرة وسريعة لعمل الشعر ديل حصان
15 طريقة مبتكرة وسريعة لعمل الشعر ديل حصان

5- هناخد خصلة من الشعر من الجنب نضفرها وبعدين نلم الشعر ديل حصان وناخد الضفيرة نلفها كحكة على ديل الحصان.

15 طريقة مبتكرة وسريعة لعمل الشعر ديل حصان
15 طريقة مبتكرة وسريعة لعمل الشعر ديل حصان

6- ده ديل الحصان تقريبا التقليدي بس هنعمله مرفوع شوية هنلم الشعر كله وناخد خصلة نلفها حوالين الشعر من فوق ونثبتها بالبنس كويس عشان متتفكش.

15 طريقة مبتكرة وسريعة لعمل الشعر ديل حصان
15 طريقة مبتكرة وسريعة لعمل الشعر ديل حصان

7- الطريقة دي كمان مناسبة اوي للشعر الكيرلي, هنقسم الشعر من قدام تلات خصل واحدة من قدام واتنين من الجنب, الخصلة اللي قدام هنسرحها بالمشط بالعكس عشان ننفشها وبعدين نعملها ديل حصان ونربطها باستك ونلف الشعر جوه الخصلة وبعدين ناخد الخصلتين اللي في الجنب نلمهم على ورا على ديل الحصان اللي احنا عملناه وممكن نرش الشعر في الاخر بمثبت الشعر.

15 طريقة مبتكرة وسريعة لعمل الشعر ديل حصان
15 طريقة مبتكرة وسريعة لعمل الشعر ديل حصان

8- الطريقة دي سهلة اوي هنقسم الشعر من قدام خصلتين تلت وتلتين ونضفرهم وبعدين نلمهم على ورا ونعمل ديل حصان منخفض.

15 طريقة مبتكرة وسريعة لعمل الشعر ديل حصان
15 طريقة مبتكرة وسريعة لعمل الشعر ديل حصان

9- هنلم الشعر ديل حصان عالي وبعدين نسرح الشعر بالعكس عشان ننفش الخصل وبعدين نقسم الشعر بالاستك على مسافات.

15 طريقة مبتكرة وسريعة لعمل الشعر ديل حصان
15 طريقة مبتكرة وسريعة لعمل الشعر ديل حصان

10- هناخد تلت الشعر من قدام نعمله ديل حصان وبعدين ناخد خصل من الجنب نلفها جوه خصلة ديل الحصان اللي احنا عملناها وخصلة من الجنب التاني نعملها بنفس الطريقة بحيث انهم يبقوا عكس وبعدين نربط الشعر باستك ونلف عليه خصلة شعر.

15 طريقة مبتكرة وسريعة لعمل الشعر ديل حصان
15 طريقة مبتكرة وسريعة لعمل الشعر ديل حصان

11- هناخد خصلة شعر من قدام بطريقة مش متساوية زي ما هو باين في الصورة كده وبعدين هناخد الجزء اللي تحت نضفره والخصلة اللي قدام نسرحها بالعكس عشان ننفشها وبعدين ننزلها على باقي الشعر ونربطها باستك مع باقي الشعر.

15 طريقة مبتكرة وسريعة لعمل الشعر ديل حصان
15 طريقة مبتكرة وسريعة لعمل الشعر ديل حصان

12- هنجيب الشعر كله للجنب ونعمله عقدتين تحت بعض ونربطه باستك, وباقي الشعر نسرحه بالمشط بالعكس.

15 طريقة مبتكرة وسريعة لعمل الشعر ديل حصان
15 طريقة مبتكرة وسريعة لعمل الشعر ديل حصان

13- هنخلي الشعر من قدام متقسم تلت وتلتين ونلمه على ورا ونثبته بالبنس بس نخليه مرفوع لفوق شوية مش نايم وبعدين نعمل خصل الشعر من الجنب كيرلي ونلم الشعر كله ديل حصان بارتفاع متوسط.

15 طريقة مبتكرة وسريعة لعمل الشعر ديل حصان
15 طريقة مبتكرة وسريعة لعمل الشعر ديل حصان

14- هنقسم الشعر تلت من قدام وتلتين من ورا هناخد الجزء اللي ورا نسرحه بالمشط بالعكس وبعدين نلمه ديل حصان, وبعدين الجزء اللي قدام هنقسمه تلت وتلتين ونلمه على ورا عكس بعض على ديل الحصان ونثبته بالبنس.

15 طريقة مبتكرة وسريعة لعمل الشعر ديل حصان
15 طريقة مبتكرة وسريعة لعمل الشعر ديل حصان

15- الطريقة دي كمان سهلة اوي هنقسم الشعر اتنين تلت قدام وتلتين ورا الجزء اللي قدام هنسرحه بالمشط بالعكس وبعدين نلمه مع باقي الشعر ونعمل ديل حصان عالي ونلف عليه خصلة شعر من فوق.

15 طريقة مبتكرة وسريعة لعمل الشعر ديل حصان
15 طريقة مبتكرة وسريعة لعمل الشعر ديل حصان

شوفي كمان 21 تسريحة شعر بالبنس تعمليهم في دقايق

تسريحات شعر بالبنس
تسريحات شعر بالبنس