وصفات من الزيوت العطرية مفيدة لصحتك و جمالك

آية حسان
آية حسان
في
بشرة
5091

الزيوت العطرية معروفة من زمان و بنستخدمها كتير بسبب ريحتها الحلوة و القوية و علشان كده بنلاقى فى وصفات من الزيوت العطرية كتيرة للاهتمام بالجمال و البشرة وريحة الجسم . لكن اللى كتير مننا ميعرفهوش هى انه الزيوت العطرية ليها استخدامات و فوايد علاجية متعددة و مهمة لصحة الجسم بشكل عام ، علشان كده فى المقال ده هنقولك على وصفات من الزيوت العطرية لصحة جسمك و بشرتك ..

وصفات من الزيوت العطرية مفيدة لصحتك و جمالك .. يلا نبدأ؟

1- وصفة حمام البخار : 

الوصفة دى مفيدة لو متوترة و جسمك مشدود و محتاجة تسترخى و تريحى جسمك ، املى البانيو بميية سخنة بيطلع منها بخار المية و حطى فى المياة كام نقطة من اى زيت عطرى تفضليه زى زيت النعناع، اللافندر ، او زيت الليمون العطرى . و اتنفسى بخار المياة الممزوج بالزيت العطرى ببطئ و فى نفس عميق و خدى حمام فى طويل و هادى فى المية الممزوجة بالزيت العطرى، الوصفة دى من وصفات الزيوت العطرية مش بس هتهديكى و تخليكى تسترخى ، لكن كمان بتزود من الدورة الدموية فى الجسم و هتخلى بشرتك تبان متألقة و شباب .

وصفة حمام البخار
وصفة حمام البخار

2- وصفة تنشيط فروة الرأس : 

واحدة من وصفات الزيوت العطرية المهمة و اللى هتنقذك لو بتعانى من قشرة الشعر او فروة الرأس الجافة ، امزجى نقطتين من زيت الليمون العطرى، زيت النعناع العطرى، زيت اللافندر العطرى مع حوالى 30 جرام من زيت الزيتون و زيت اللوز و زيت الارجان ، اخلطيهم ككويس ببعض و اعملى بيهم مساج لفروة راسك حوالى ربع ساعة و بعدين سيبيهم على راسك طول الليل ، الصبح اغسلى شعرك بالشامبو و البلسم بالطريقة المعتادة و هتلاحظى الفرق .

وصفة تنشيط فروة الرأس
وصفة تنشيط فروة الرأس

3- وصفة علاج حروق الشمس :

الزيوت العطرية فعالة فى علاج حروق الشمس، امزجى كمية مناسبة من اى زيت عطرى تفضليه مع كمية من جيل الضبار ” ممكن تلاقيه فى الصيدلية” و سيبيه فى التلاجه ، و استخدميه لعلاج حروق و لسعات الشمس . شوفى كمان وصفات طبيعية لعلاج حروق الشمس وتفتيح البشرة

sun block

4- وصفة المساعدة على النوم : 

الو بتعانى من  مشاكل فى النوم والارق ، امزجى حوالى 300 جرام ” ازازة مية صغيرة ” من المية المقطرة او المعدنية مع 20 نقطة من زيت اللافندر العطرى فى ازازة برفان او رشاش قديمة عندك ، و استخدميها لتعطير سريرك قبل النوم على طول و حطى شوية على مخدتك علشان الريحة المهدئة للزيت تساعد جسمك يسترخى و تهدى اعصابك و تنامى كويس . 

للمساعدة على النوم
للمساعدة على النوم

5- تونر للوش : 

و صفة مهمة من وصفات من الزيوت العطرية هى انك ممكن تستخدميها  كتونر للوش facial toner ، فى الوصفة دى امزجى 3 نقط من زيت الورد العطرىمع 3 نقط من زيت البرتقال العطرى مع حوالى 30 جرام من زيت شجرة الشاى او زيت جوز الهند لو بشرتك دهنية ، و لو بشرتك جافة استبدلى زيت شجرة الشاى او زيت جوز الهند بـ 30 جرام من الالوفيرا او قلب الصبار .قبل الاستخدام اغسلى وشك كويس و نشفيه و بعدين افردى كمية مناسبة من المزيج ده على بشرتك باستخدام قطنة، و بعدين اغسلى وشك و جففيه فى حركات لطيفة بطريقة الطبطبة .

facial toner
facial toner

6- معزز للطاقة : 

ممكن تستخدمى الوصفة دى من وصفات الزيوت العطرية لتعزيز و تزويد الطاقة فى جسمك ، و علشان تصحصحى الصبح . بدل ما تشربى قهوة او نسكافيه حطى  نقطة او نقطتين من زيت الروزمار العطرى للوشن الجسم الخاص بيكى و اللى بتستعمليه الصبح  و ادهنى جسمك . الروزمارى هيساعد الدورة الدموية فى جسمك انها توصل لكل مكان زى وشك و شفايفك و هتزود انتباهك و طاقتك و تخليكى مركزة طول اليوم . شوفى 25 طريقة تديكي طاقة ونشاط حالا

تعزيز الطاقة
تعزيز الطاقة

7- وصفة الـ spa :

كتير مننا بيبقى نفسنا نروح الـspa او على الاقل نخلق جو الـspa فى البيت ، علشان كده واحدة من وصفات الزيوت العطرية اللى هتساعدك  تعملى ده هى انك  افتحى المية السخنة و املى الحمام ببخار المية و حطى من 3 لـ4 نقط من اى زيت عطرى تحبيه على ارض الحمام علشان تخلفى جو الـ spa فى البيت و تملى الحمام بريحة حلوة تساعدك تسترخى .اعرفى معانا  10 طرق تجيبي بيهم ال SPA فى البيت !

وصفة الـ spa
وصفة الـ spa

8- للمساعدة على الهضم: 

لو بتعانى من اى مشكلة من مشاكل الهضم استخدمى نقط قليلة من زيت نبات الهيل العطرى و ادعكى بيه معدتك، الجلد هيتشرب الزيت و هيساعد فى حل عسر الهضم لانه هينقى معدتك و ينشط عملية الهضم و هيعزز من حركة و تدفق الدم فى المعدة.

10 طرق تجيبي بيهم ال spa فى البيت !

10 طرق تجيبي بيهم ال spa فى البيت !
10 طرق تجيبي بيهم ال spa فى البيت !

مقالات متعلقه

8 حاجات المفروض متعمليهاش بعد اصابتك بحروق الشمس

8 حاجات المفروض متعمليهاش بعد اصابتك بحروق الشمس

طريقة عمل مقشر البيكنج بودر الكوري بمكونات طبيعية في البيت

طريقة عمل مقشر البيكنج بودر الكوري بمكونات طبيعية في البيت

مكعبات ثلج البطاطس لتفتيح البشرة وعلاج مشاكل الجلد

مكعبات ثلج البطاطس لتفتيح البشرة وعلاج مشاكل الجلد