7 اسرار عن ازاى تختارى المانيكير بتاعك صح

آية حسان
آية حسان
في
أظافر
5993

زمان كانت الوان المانيكير اللى ممكن نلاقيها موجودة فى المحلات محدودة و معروفة زى الاحمر ، النبيتي والبينك.. اما دلوقتى فشركات مستحضرات التجميل بتنتج اعداد كبيرة جدا من المانيكير بدرجات وانواع مختلفة . و دايما بنقف قدام الالوان الكتير دى و بنبقى مش عارفين نختار منهم ازاى ،علشان كده فى المقال ده ” بنات حوا ” هتقولك ازاى تختارى المانيكير المناسب ليكى و يكون صح علشان يكمل اللوك بتاعك و يضيف لجمالك ، اعرفى معانا 7 اسرار عن ازاى تختارى المانيكير بتاعك صح ويكون مناسب ليكى.

7 اسرار عن ازاى تختارى المانيكير بتاعك صح ويكون مناسب ليكى

1- خلى لون بشرتك او الـ skin tone ما بين البشرة الباردة، البشرة الدافية او البشرة المحايدة هو اللى يحددلك المانيكير اللى هتختاريه، مش شرط تختارى لون المانيكير على حسب الطقم اللى هتلبسيه، لو حابة تحطى مانيكير محايد يليق على اى حاجه تلبسيها يبقى مهم تعرفى ايه هو لون بشرتك و تختارى على اساسه. لو لون بشرتك بيميل للاصفر او البيج  او الدهبى يبقى انتى من اصحاب البشرة الدافية ، لو لون بشرتك بيميل للبينك او الاحمر فى خدودك تبقى بشرتك باردة .

البشرة الدافية : اختارى الوان المانيكير ما بين الدرجات المختلفة من الاحمر البرتقالى، الطوبى، اللون الكستنائى .

البشرة الباردة : اختارى الوان المانيكير ما بين الدرجات المختلفة لالوان الموف، الاحمر، الفوشيا .

البشرة المحايدة : اختارى مانيكير ما بين درجات  الوان البينك و العنابى و الاحمر .

دليل الوان المانيكير حسب tone ألبشرة
دليل الوان المانيكير حسب tone ألبشرة

2- خدي بالك دايما انه فى الوان معينة زى  درجات اللون البيج بتخلى بشرتك تبان عجوزة و باهته لو ماختارتيش الدرجة المناسبة .

مانيكير بلون بيج
مانيكير بلون بيج

3- اختارى لون مانيكير يمشى مع لون الاكسسوار ا بتحبيه زى شنطة  او شوز او خاتم او نضارة بلون معين بتلبسيه  او تستخدميه كتير  .

4- اعملى لوك متناسق بانك تختارى لون المانيكير بيمشى مع قطعة ملابس منفصلة زى الجاكت او زراير البلوزة .

مانيكير بلون الجاكت
مانيكير بلون الجاكت

5- المانيكر و المكياج لما بيكملوا بعض بيدوا شياكة و شكل متناسق و حلو ، حاولى دايما انه لون المانيكير يمشى مع الوان المكياج اللى انتى مختاراها او الاقل اللون الاساسى فيها ،  ولو مكياجك من الوان فاتحة يبقى المانيكير من لون فاتح .

خلى المكياج و المانيكير يكملوا بعض
خلى المكياج و المانيكير يكملوا بعض

6-لازم  يكون عندك درجات مختلفة من الوان الـnude لانها تريندى و موضة ، بس المهم انك تختارى منهم اللون و الدرجة المناسبة لبشرتك .

مانيكير بالوان الـnude
مانيكير بالوان الـnude

7- افتكرى دايما انه درجة البشرة او الـ skin tone بتتغير مع الوقت، علشان كده حاولى تجددى من الوان المانيكير بتاعتك كل فترة حسب لون بشرتك .

شوفى كمان 8 اسرار اعرفى بيهم ازاى تعملى مانيكير من غير ولا غلطة

8 اسرار اعرفى بيهم ازاى تعملى مانيكير من غير ولا غلطة
8 اسرار اعرفى بيهم ازاى تعملى مانيكير من غير ولا غلطة

مقالات متعلقه

الوان المانيكير المناسبة لكل لون بشرة

الوان المانيكير المناسبة لكل لون بشرة

اكتشفي شخصيتك من لون المانيكير المفضل عندك !

اكتشفي شخصيتك من لون المانيكير المفضل عندك !

طريقة عمل المانيكير الدانتيل Lace Nail Art بالصور و الخطوات

طريقة عمل المانيكير الدانتيل Lace Nail Art بالصور و الخطوات