وصفات الفراولة لبشرة متألقة و صحية بخطوات سهلة و بسيطة

قليل اوى لما نلاقى حد فينا مبيحبش الفاكهه ، لانها دايما منعشة و ليها فوايد كتيرة لصحتنا و بشرتنا ، و واحدة من اكتر انواع الفاكهة اللى منتشرة و محبوبة هى الفراولة لانه طعمها لذيذ و بتدخل فى وصفات و علاجات كتيرة و مختلفة و كمان غنية بالفوايد خصوصا للبشرة. و من ايام الفراعنة و الرومان و صفات الفراولة كانت بتتعمل للاهتمام بالبشرة و علاجها خصوصا من الالتهابات و حب الشباب .علشان كده فى المقال ده ” بنات حوا ” هتقولك على وصفات من الفراولة سهلة لكن مفيدة لصحة و جمال بشرتك .

وصفات الفراولة لبشرة متألقة و صحية بخطوات سهلة و بسيطة ..

1- وصفة علاج عيوب البشرة : 

فى الوصفة دى هتحتاجى مقدار كوباية من الموز و الفراولة وهتهرسيهم كويس اوى لحد ما يبقوا شبه المعجون ، هتضيفى عليهم ربع كوباية من الزبادى او الـ sour cream و معلقة اكل من العسل الابيض. اخلطى المكونات دى كويس مع بعضها و بعدين افرديها على وشك و سيبيها حوالى 15 دقيقة، بعد مرور الوقت اغسلى وشك بمية  . الوصفة دى من وصفات الفراولة  هتساعدك ان بشرتك تبقى نقية و خالية من اى بقع او علامات .

2- ماسك الفراولة و العسل : 

اطحنى كمية مناسبة من الفراولة لحد ما تبقى شبه العجينة الناعمة و ضيفى ملعقة اكل من العسل الابيض و قلبيهم كويس مع بعض، و بعدين افردى المعجون ده على وشك كله و سيبيه حوالى 15 دقيقة علشان بشرتك تتشرب المكونات كويس . بعد مرور الوقت اغسلى وشك بمية دافية و نشفى وشك بفوطة قطنية . العسل هيساعد بشرتك انها تتخلص من السموم و الاتربة و الفراولة هتخلصك من الحبوب و البثور.

3- ماسك الفراولة و اللبن : 

اعملى مطحون من الفراولة و ضيفي مقدار معلقتين من اللبن و مقدار قليل من اى كريم مرطب تفضليه ، امزجيهم ببعض كويس و بعدين افرديهم على وشك و سيبيهم حوالى 10 دقايق و بعدين اغسلى وشك بمية فاترة. الوصفة دى من وصفات الفراولة هتخلى بشرتك مشرقة و بتساعد فى شد بشرة الوش و تقليل علامات و خطوط تقدم العمر .

4- وصفة الفراولة و دقيق الارز : 

اهرسى مقدار من الفراولة كويس و ضيفى مقدار معلقة من دقيق الارز، اخلطيهم كويس مع بعض و افردى الخليط على وشك و سيبيه ربع ساعة و بعدين اغسلى وشك كويس بميةة فاترة. النشويات اللى فى الارز هتشتغل كـ scrub يبقى بشرتك و يزيل كل الجلد الميت و ده هيخلى خلايا الجلد الحية تظهر فوشك هيبان شباب و متألق اكتر .

5-وصفة الفراولة و الكريم المرطب : 

اعملى خليط من الفراولة المهروسة مع نسبة من الكريم المرطب لو بشرتك جافة ، و لو بشرتك دهنية استخدمى زبادى  بدل الكريم ، و ضيفى ملعقة اكل من العسل الابيض . امزجيهم مع بعض كويس و افرديهم على وشك و سيبيه لمدة 10 دقايق و بعدين اغسلى وشك بالمية. الماسك ده مفيد جدا فى علاج الحبوب و ممكن تحتفظى بالكمية الباقية فى الفريزر و تستخدمى الماسك بانتظام ، الوصفة دى من وصفات الفراولة هتساعد بشرتك فى انها تبقى انعم و انقى .

6- ماسك الفراولة و الشوكولاته : 

الفراولة و الشوكولاته ليهم فوايد كبيرة لبشرتك ، اهرسى مقدار من الفراولة و حطى عليهم معلقة من بودرة الكاكاو و معلقة من العسل الابيض ، امزجيهم مع بعض و افرديه على وشك كله و سيبيه حوالى ربع ساعة و بعدين اغسلى وشك بمية دافية . الوصفة دى هتخلى بشرتك مشرقة و هتنعم من ملمس بشرتك .

7- و صفة الفراولة و الليمون : 

امزجى مقدار من الفراولة مع معلقة من عصير الليمون و سيبيهم على وشك ربع ساعة ، بعد مرور الوقت اغسلى وشك بمية دافية ،الوصفة دى هتساعدك تنقى و تنضفى بشرتك و كمان هتقلل التصبغ و توحد لون -البشرة .

8- سكرب الفراولة : 

اقسمى حبة فراولة نصين و ادعكى بيها وشك كله فى حركة لطيفة سيبيى وشك من ددقيقة لدقيقتين و بعدين اغسلى وشك بالمية ، الفراولة هتجدد بشرة وشك و هتخليها متألقة و فريش ، الاحماض الموجودة فى الفراولة هتساعد بشرتك انها تتخلص من خلايا الجلد القديمة و الميتة . 

9- الفراولة كـ toner للبشرة :

اضربى مقدار من الفراولة فى الخلاط و بعدين صفيها و خدى العصير حطى عليه مقدار مساوى من مية الورد و رجيهم كويس . استخدمى مزيج عصير الفر اولة و مية الورد بانتظام كـtoner  لبشرتك و لاحظى مع الوقت بشرتك هتبقى صافية و مشرقة و خالية من اى تصبغات او بقع ، التونر ده كمان هيساعدك فى التقليل من التجاعيد .

فوائد وصفات الفراولة للبشرة : 

1- الفراولة مضادة للالتهابات و بتساعد البشرة فى انها تتخلص من السموم ، ، علشان كده فعالة فى علاج الحروق و كمان بتاسعد فى تقليل ظهور علامات تقدم السن على البشرة و بتخليها خالية من البقع و بتحمى البشرة من اشعة الشمس الضارة .

2-الفراولة بتساعد البشرة فى انها تتخلص من خلايا الجلد الميتة .

3- الاحماض الموجودة فى الفراولة فعالة فى علاج الحبوب و خصوصا حب الشباب .

4- الفراولة غنية بفيتامين c و ده بيساعد على افراز الكولاجين و التقليل من ظهور التجاعيد ، كمان غنية بالاوميجا 3 اللى بيساعد على تقليل الهالات السوداء و توحيد لون البشرة ، كمان بتساعد فى التخلص من الحبوب و العلامات الناتجة عنها .