6 نصايح هتساعدك تحطى مكياج الصبح بسرعة ومن غير غلطات

بقلمآية حسان فيجمال ومكياج visibility7830

كتير مننا بيبقى معندناش وقت نحط مكياج الصبح كويس، لانه اغلب الوقت بنبقى متأخرين سواء على الكلية او على الشغل فدايما بنستعجل واحنا بنحط مكياجنا وممكن نكتفى بكحل او روج و خلاص او حتى ممكن ننزل من غير اى مكياج و ده بيأثر علينا باقى اليوم لانه بيبين وشنا مرهق او كأننا تعبانين . طيب ايه الحل ؟ الحل هنا فى المقال ده علشان ” بنات حوا ” هتقولك علي 6 نصايح هتساعدك تحطى مكياج الصبح و تطلعى حلوة و من غير اى غلطات مهما كنتى متأخرة ..

6 نصايح هتساعدك تحطى مكياج الصبح بسرعة ومن غير غلطات

النصيحة الاولى : 

اول حاجه تعمليها علشان تسرعى مكياجك الصبح هى اللوشن لانه مهم جدا وبيخلي عملية وضع المكياج اسهل واسرع ، هتحطى اللوشن على وشك بكمية مناسبة و تفرديه كويس و بعدين تستنى حوالى 5 دقايق لحد ما ينشف و بعد كده هتحطى الفاونديشن بتاعك علشان تضمنى انه يتفرد كويس و يبقى ناعم من غير كلكعة. فى الخمس دقايق دول ممكن تروقى سريرك تظبطي شعرك , افطري , البسي او تعملى حاجه تشربيها مثلا :)

ابدأى بطبقة من الـlotion
ابدأى بطبقة من الـlotion

النصيحة الثانية : 

من الحيل اللى هتوفر من وقتك كتير الصبح هى انك تحضرى ادوات المكياج اللى هتحتاجيها من بالليل، قبل ما تنامى حددى الطقم اللى هتلبسيه و ابدأى حضرى ادوات المكياج اللى هتحتاجيها علشان تعملى اللوك المناسب ليه ، زى الوان الـeye shadow  او الروج .

النصيحة الثالثة : 

لو انتى متأخرة اوى و مفيش اى وقت علشان تعملى مكياج خالص ، ممكن تكتفى بأنك تحطى طبقة ماسكارا مع روج او lip gloss مناسب و كونسيلر على خفيف . المكياج البسيط ده هيديكى لوك فريش و هتنور وشك، والطريقة دى مش هتاخد منك اكتر من 3 دقايق بالكتير وبيديكي لوك nude , شوفي من هنا مكياج النو مكيب

استخدمى كونسيلر مع كحل و روج خفيف
استخدمى كونسيلر مع كحل و روج خفيف

النصيحة الرابعة : 

لو صاحية متأخر لكن عايزة ترسمي عينيكي ، ممكن تعملى مكياج الصبح لعينك بأنك تحطى كحل من غير ما تستعملى eye shadow  لانه بياخد وقت علشان يتظبط . و ممكن تستخدمى الكحل بأى لون تحبيه  بدل الـeye shadow  بانك تعملى بيه خطوط خفيفة على جفن العين و تدمجيه بقطنة او فرشة مكياج, اللوك ده اسمه السمدج smudge eyeliner شوفي طريقته بالتفصيل من هنا

استخدمى الكحل بدل الـeye shadow
استخدمى الكحل بدل الـeye shadow

النصيحة الخامسة : 

استخدام الـlip gloss الشفاف او بلون البشرة هيوفرلك وقت كتير كمان ، لانه مبيحتاجش تحديد و كمان بيديكى لوك طبيعى وبيعمل volume  لشفايفك .

استخدمى  lip gloss
استخدمى lip gloss

النصيحة السادسة : 

لو مفيش  وقت ، ممكن تستغنى عن المسكارا و تبدليها بـeyelash curler  او آداة تنى الرموش، هتخلى رموشك تبان تقيلة و طويلة و كمان هتخلى عينيكى تبان اوسع .

استخدمى آداة تنى الرموش
استخدمى آداة تنى الرموش

شوفي من هنا اعرفوا معانا مكياج ال 3 وال 5 وال 10 دقايق !

مكياج ال 3 وال 5 وال 10 دقايق
مكياج ال 3 وال 5 وال 10 دقايق