16 قصة من موضة الشعر القصير هيخلوكى تقصى شعرك حالا !
شعرك طويل ونفسك تغيري قصته وتغيرى من اللوك بتاعك بس خايفة ومش عارفة ايه هى القصة اللى ممكن تبقى حلوة عليكى او ايه هى قصات الشعر الموضة او التريندى ؟! فى المقال ده هتلاقى الاجابة اللى بتدورى عليها ، بنات حوا فى المقال ده هتعرفك على 16 قصة من موضة الشعر القصير التريندى جدا ومنتشرين الصيف ده هيغيروا شكلك خالص ومناسبين تقريبا لاى شكل وش.
16 قصة من موضة الشعر القصير هيخلوكى تقصى شعرك حالا !
1- الويفى بوب – The Wavy Bob :
الويفى بوب قصة بسيطة لكن كمان جذابة و حلوة جدا ، ممكن تعمليها على شعر قصير اوى او متوسط الطول و بتعتبر من موضة الشعر القصير المنتشرة السنة دى . القصة دى مناسبة مناسبة للوش المدور ، بتبقى قصيرة لحد الرقبة و مرفوعة بسيط من وراء .
2- مدرج متطاير – Fly My Layers Away :
لو مبتحبيش شعرك مفرود اوى و تحبى انه يكون فيه موجه او تدرج خفيف يبقى القصة دى مناسبة ليكى ، فى القصة دى بيبقى الشعر طوله متدرج و الاطراف بتبقى متطايرة لبرة .
3- اومبر متوسط الطول – Ombre Haircut, Medium Style :
القصة دى بيبقى الشعر فيها كيرلى على خفيف و بتبقى مناسبة مع الشعر اللى لونه اومبر او متدرج .
4- متوسط وانيق – Medium Sleek :
الشعر المدرج و متوسط الطول بيبقى شكله حلو و بيدى كثافة و بيدى شكل حلو جدا لوشك .
5- مدرج ناعم – Soft Layers :
فى القصة دى الشعر بيبقى متدرج على طول متوسط و مفرود ناعم ، بتدى شكل حلو و انثوى .
6- متوسط الطول ومتساوي الأطراف – Prim and Proper :
القصة دى من موضة الشعر القصير مناسبة لو انتى بتحبى يبقى شكلك فورمال و انيق ، الشعر هنا بيكون املس و مفرود و الطول متوسط .
7- Wavy Hair, Don’t Care :
فى القصة دى الشعر بيبقى مموج على خفيف و متطاير ، هتبقى مناسب ليكى لو بتحبى اللوك بتاعك يبقى كاجوال وعصرى و كأنك مش مهتمة .
8- قوصة قصيرة جريئة – Edgy Blunt Bangs :
الستايل ده من قصات الشعرالقصير بيعتمد على القوصة القصيرة و الشعر القصير البعيد عن الوش ، القصة دى حلوة فى انها بتبين ملامح وشك كويس و بتبرز جمالك و خصوصا فى منطقة العيون .
9- الويفي الهايش مع طول متوسط – The Sultry Waves :
القصة دى للبنات اللى مابيحبوش يقصوا كتير من شعرهم ، ممكن تسيبي شعرك على طوله – لو مش طويل اوى – و تدرجى الخصل الامامية على طول متوسط و تعملى تموجات او waves خفيفة .
10- متوسط الطول وفيه volume :
لو بتحبى الشعر اللى بيبان كثيف و فيه volume يبقى هى دى القصة اللى بتدورى عليها ، فى الستايل ده الشعر بيبقى على طول متوسط و فيه volume و كثافة .
11- قصير ناعم وقوصة علي جنب عالية :
القصة دى بتعتمد على انه يكون الشعر على طول قصير و يكون ناعم املس ، وقوصة على جنب عالية مرفوعة .
12- ناعم وبسيط :
القصة دى حلوة لو بتحبى البساطة من غير اى waves او curles فى شعرك ، هنا الشعر بيبقى قصير طول الكاريه و املس .
13- لوك البوب ستارس :
لوك البوب ستارس او الـ pop star look K، بتعتبر قصة جريئة جدا لانها بتعتمد على الشعر القصير اوى بتدرجات طولها مختلف ، فلو بتدورى على ستايل شعر جرئ و مختلف يبقى هو ده اللى بتدورى عليه .
14- الأحمر! – Vintage Red
الستايل ده من موضة الشعر القصير مناسب للبنات اللى وشهم بياوى او oval shaped و اللى الجبهة عندهم بتبقى مرتفعه .
15- القوصة الطويلة الجذابة – Flirty Does It :
فى القصة دى الشعر بيبقى متدرج طويل من قدام و مفرود ، هتسيبي فيه ناحية نازلة على وشك و هتحطى الناحية التانية وراء ودنك علشان تعملى ستايل القوصة الطويلة الجذابة .
16- الأحمر الويفي :
اللوك ده بيعتمد على الشعر انه يكون مصبوغ احمر و يكون قصير و معمول wavy او مموج ، اللوك ده بيدى كثافة للشعر و volume .