احلي هدايا لانثي برج الأسد

سارة جمال
سارة جمال
15457

واحدة من اقوي شخصيات الأبراج وكلها أثاره وحيوية وشغف, اكيد اختيار الهدية ليها مسألة مش سهلة ومحيرة جدا.. مواليد 23 يوليو – 22 أغسطس, شخصيتها دافية وكلها حب للحياة وللي حواليها, عندها كاريزما قوية وخلاقة وكريمة جدا.. النهرده هنديك أفكار لاحلي هدايا ممكن تناسب وتبهر انثي الأسد.

هدايا انثي برج الأسد

1- الملابس السينيه:

زي مااتكلمنا قبل كده إنها بتحب الدراما والحياة المثيرة من احلي الهدايا اللي ممكن تجيبها لانثي الأسد هي الملابس السينيه اللي متكونش عند حد غيرها وخصوصا لو جبتلها الاحمر أو الدهبي, هي بتحب جدا تبقي محط اعجاب وانبهار اللي حواليها عشان كده اختيارك لازم يكون مميز وشيك زيها بظبط.

الملابس السينيه
الملابس السينيه

2- المجوهرات:

زي ماهي بتبان مختلفة وتاخد الانتباه في الملابس نفس الكلام ينطبق علي ذوقها في المجوهرات والاكسسوارات, الألماظ أو الخواتم المزينة بالفصوص الملونة الكبيرة أو عقود اللولي كلها اختيارات أكتر من رائعة لهدايا انثي الأسد. اختياراتك ليها لازم تكون اختيارات للملكة الفاتنة انثي الأسد.

المجوهرات
المجوهرات

3- المفاجآت:

انثي الأسد بتحب إنك تبذل مجهود وتتعب عشانها وعشان تفاجأها يعني جبلها نوع الورد اللي هي بتحبه, خدها أجازة أو سفرية تكون مختلفة وتجربة جديدة زي مثلا هوتيل ريفي أو ستايل ملكي قديم, اللمسات اللي هي بتحس فيها اد إيه أنت تعبت ودورت عشان تسعدها ديه ممكن تبقي أحسن من أي هدية تانية.

هوتيل ريفي أو ستايل ملكي قديم
هوتيل ريفي أو ستايل ملكي قديم

4- أعملها حفلة عيد ميلاد:

إنها تبقي محط انتبآه واهتمام ديه من طبيعة انثي الأسد, ومن اكتر الحاجات اللي ممكن تعجبها وتسعدها, أعملها حفلة عيد ميلاد كبيرة واعزم فيها كل اصحابها والقريبين منها واهم حاجة تركز إنك متعزمش أي حد ممكن تكون هي بتغير منه أو مش بتحبه عشان ده ممكن يبوظ عليها اليوم تماما.. حاجة كمان ممكن تخدها مكان رومانسي وتعظمها علي عشا إنت وهي بس.

حفلة عيد ميلاد
حفلة عيد ميلاد

5- الأعمال الدرامية:

الأسود عندهم ميول درامية وعندهم قدرة ابداعية وفنية عالية عشان كده بقدروا جدا الفن والابداع, ممكن كهدية مميزة ليها تاخدها يوم في الأوبرا أو البالية أو لو افتتاح فيلم فيه ابطالها المميزين, الجو المليان بالدراما ده بيأثر جدا فيها وبيشبع الشغف وحب الحياة اللي عندها, احرص أنك تختار اماكن مميزة وإنها تقضي يوم ممتع ومخلتف متنساهوش ابدا.

الأعمال الدرامية
الأعمال الدرامية

اقروا كمان الملكة الفاتنة: انثى برج الأسد

القائد الواثق: رجل برج الأسد

توافق برج الأسد مع باقي الأبراج

أهم 5 أسباب لجاذبية برج الأسد!

أيه هي عيوب برج الأسد؟!

إزاي تكسبي قلب رجل برج الأسد؟

مقالات متعلقه

11 هدية تكنولوجية ممكن تجيبيها لشريكك

11 هدية تكنولوجية ممكن تجيبيها لشريكك

افكار هدايا مختلفة تجيبيهم لاصحابك

افكار هدايا مختلفة تجيبيهم لاصحابك

افكار هدايا انيقة ومش مكلفة لشريك حياتك

افكار هدايا انيقة ومش مكلفة لشريك حياتك