افضل انواع خضار لو اكلتيها اوعملتي بيها ماسك هتساعدك على نمو الشعر بسرعة

بقلمريهام محمود فيشعر visibility12661

الشعر زي ما هو محتاج عناية خارجية بالماسكات كمان محتاج عناية داخلية عن طريق الاكل والفيتامينات والمعادن والعناصر الغذائية المهمة اللي بتدخل جسمنا لانها بتنعكس على صحة الشعر وبتخلي شكله صحي وبتساعدعلى نموه بشكل سليم وبتحسن فتلة الشعر وبتنعمه وتخليه دايما رطب وبيلمع, عشان كده احنا النهاردة هنقولكم على اهم الخضروات اللي لو اكلناها اوعملنا بيها ماسكات هنحافظ على شعرنا صحي ونخليه ينمو بشكل سريع, وكمان نصايح عشان شعرنا يستفيد من الخضروات دي بشكل صحيح.

– نصايح عشان شعرنا يستفيد من الخضروات بشكل صح:

1- اول حاجة لازم ناخد بالنا منها ويمكن هنكون اول مره نسمعها ان الشعر لو مش نضيف مش هيمتص المواد الغذائية كويس ومش هيستفاد منها كلها, عشان كده لازم نحافظ على نضافة الشعر دايما ونغسله بنوع الشامبو والبلسم المناسب لنوع شعرنا عشان يستفاد من كل الفيتامينات والعناصر الغذائية اللي داخلة لجسمنا.

2- لما نيجي نغسل شعرنا نبدأ الاول نبل الشعر بمية دافية عشان نفتح مسام فروة الراس والشعر يستفيد من المنتج اللي احنا هنحطه عليه وفي الاخر نغسله بمية باردة عشان نقفل المسام ونحافظ على الشعر صحي

3- اغسلي شعرك بمية دافية ومتكونش سخنة اوي لان المية السخنة بتأثر على الشعر بشكل سلبي وبتزيل الزيوت الطبيعية اللي بتغذي الشعر من فروة الراس وبالتالي الشعر بينشف وبيبوظ.

4- لو هنعمل ماسك على شعرنا باي نوع خضار وهتكون ريحته نفاذه او مش مقبولة اوي عشان نتخلص من الريحة دي لما نيجي نغسل شعرنا نحاول نستخدم بلسم للشعر تكون ريحته حلوة عشان تغطي على ريحة الماسك في الشعر.

5- بالنسبة لتوقيت اي ماسك على الشعر نسيبه عليه مش اقل من نص ساعة عشان الشعر يستفيد من الماسك ويتغذى كويس.

6- وزي ماقولنا نسيب الماسك نص ساعة كمان منسيبهوش فترة طويلة زيادة عن اللزوم لانه ممكن يجي بنتيجة عكسية وهيمتص المية والرطوبة من شعرك ويخليه ينشف.

– تعالوا نتعرف على انواع الخضروات اللي هتساعدك على نمو الشعر:

1- البنجر:

البنجر من افضل الحاجات اللي بتساعد على نمو الشعر لانه بيساعد في زيادة عنصر الليكوبين في الجسم والعنصر ده بيحفز او بيزود نمو الشعر, وبيمنع التساقط, عشان كده ضروري ندخله في نظامنا الغذائي.

افضل انواع خضار لو اكلتيها اوعملتي بيها ماسك هتساعدك على نمو الشعر بسرعة
افضل انواع خضار لو اكلتيها اوعملتي بيها ماسك هتساعدك على نمو الشعر بسرعة

2- الجزر:

الجزر غني جدا بفيتامين B7 او البيوتين والفيتامين ده يعتبر منشط للشعر وبيساعد على تحسين نموه, وبيقوي جذور الشعر, وبيمنع التساقط.

وممكن تعملي ماسك للشعر من الجزر لمنع التساقط وزيادة نمو الشعر, هنسلق الجزر في المية لحد ما يطرى وبعدين نهرس الجزر ونخلطه مع المية اللي سلقناه فيها لحد ما يبقى عندنا عجينة ناعمة, نحطه على الشعر ونسيبه نص ساعة وبعدين نغسله.

افضل انواع خضار لو اكلتيها اوعملتي بيها ماسك هتساعدك على نمو الشعر بسرعة
افضل انواع خضار لو اكلتيها اوعملتي بيها ماسك هتساعدك على نمو الشعر بسرعة

3- اوراق الكاري:

كلنا بنشوف شعر الهنود قد ايه حلو وناعم وطويل وشكله صحي والسر في ده انهم بيدخلوا الكاري تقريبا في كل اكلهم لانه غني جدا بالكيراتين وده ممتاز جدا لمنع التساقط وتحفيز نمو الشعروبيخليه صحي على طول وبيلمع, عشان كده نحاول نستخدم الكاري دايما في اكلنا وهو بيدي طعم حلو جدا للاكل.

وممكن نعمل اوراق الكاري كماسك للشعر, هنجيب ورق الكاري “من عند العطار” نطحنة كويس لحد ما يبقى ناعم وبعدين نضيف عليه لبن لحد ما يبقى عندنا عجينة قوامها مناسب هنحطها على الشعر ونسيبه من 20 لــ 25 دقيقة وبعدين نغسله بالشامبو, كرري الوصفة مرة في الاسبوع, هتلاحظي نمو الشعر بصورة كبيرة في فترة قصيرة اوي , وكمان هيخلي الشعر بيلمع وهيرطبه.

اوراق الكاري
اوراق الكاري

4- الخيار:

اكل الخيار كمان من الحاجات اللي بتساعد ان الشعر يكون شكله صحي, وممكن بردو نعمل بيه ماسك هنطحن الخيار ونحطه على الشعر وفروة الراس ونسيبه من 20 لــ 30 دقيقة, وبعدين نغسله, الماسك ده بيساعد على تقوية الشعر وبيخليه صحي وبيلمع.

الخيار
الخيار

5- الفاصوليا الخضرا:

الفاصوليا غنية جدا بفيتامين E, A والفيتامينات دي بتساعد جدا على نمو الشعر وتكثيفه, وبتنعمه, ومش بس كده كمان بتمنع شيب الشعر او ظهور الشعر الابيض.

الفاصوليا الخضرا
الفاصوليا الخضرا

6- الفلفل الاخضر:

الفلفل الاخضر غني جدا بفيتامين E اللي بيساعد على اصلاح تلف الشعر, وبيصلح اي اضرار حصلت للشعر او لخلايا فروة الراس.

الفلفل الاخضر
الفلفل الاخضر

7- الثوم:

الثوم من الحاجات المفيدة اوي للشعر لانه غني بالكبريت وده بيساعد على منع تساقط الشعر.

– وممكن نعمل ماسكات بالثوم, افرمي فصين ثوم وحطي عليهم زيت زيتون وحطيه على شعرك وسيبيه نص ساعة وبعدين اغسليه, وممكن تزودي مع الثوم مجموعة زيوت تانية غير زيت الزيتون زي زيت الخروع, وزيت اللوز, وزيت جوز الهند.

– او هنجيب زبدة ونسيحها ونحط عليها ثوم مفروم ونحط الخليط على الشعر ونسيبيه نص ساعة وبعدين نغسله.

الثوم
الثوم

8- البصل:

البصل غني بالبيوتين, والزنك, والحديد, والعناصر دي كلها بتغذي الشعر, وبتساعد على زيادة نموه, وكمان بيساعد على منع ظهور الشعر الابيض.

– كمان البصل ممكن نعمل منه ماسك باننا هنبشر البصل ونعصره وناخد عصير البصل نضيف عليه شوية زيت ثوم وندلك بيه الشعر ونسيبه نص ساعة وبعدين نغسله.

– وممكن نضيف على عصير البصل عسل نحل ونقلبهم كويس وبعدين نبل الشعر بمية دافية ونحط الخليط عليه وندلكه كويس ونغطيه بكيس بلاستيك ونسيبه نص ساعة وبعدين نغسله.

البصل
البصل

9- الخضار والفاكهة اللي لونها برتقاني واصفر:

الخضروات او الفاكهة اللي باللون البرتقاني والاصفر زي البرتقان, القرع, الليمون, اليوسفي, الفلفل الاصفر, الجزر غنية بمركبات بيتا اللي بتساعد على تطويل الشعر وزيادة نموه, وبتمنع تكسر وتساقط الشعر وبتحافظ عليه صحي.

الخضار والفاكهة اللي لونها برتقاني واصفر
الخضار والفاكهة اللي لونها برتقاني واصفر

10- السبانخ:

السبانخ غنية جدا بالحديد والزنك والالياف والفيتامينات والمعادن, والعناصر دي كلها ضرورية جدا لزيادة نمو الشعر والحفاظ عليه صحي.

السبانخ
السبانخ

11- البطاطا:

البطاطا غنية بعنصر البيتا كاروتين اللي بيتحول في الجسم لفيتامين A وده بيساعد في اصلاح خلايا الجسم وبالتالي ده بينعكس على الشعر, عشان كده مهم جدا اننا ناكل البطاطا عشان الجسم ياخد كفايته من فيتامين A.

البطاطا
البطاطا

12- الطماطم:

الطماطم بتحتوي على نسبة عالية جدا من المواد المضادة للاكسدة ودي بتساعد على اصلاح خلايا الشعر, ومش اكلها بس المفيد كمان لو عملنا بيها ماسك للشعر, ممكن نهرس الطماطم ونحطها على فروة الراس ونسيبها نص ساعة وبعدين نغسلها, الماسك ده بيخلص فروة الراس من السموم والشوائب او اي حاجة ممكن تضر الشعر, وبيحافظ على الشعر صحي وبيلمع.

الطماطم
الطماطم

لو دخلنا الاكلات دي في نظامنا الغذائي بشكل يومي هتفرق كتير جدا مع شعرنا وهيبقى صحي واقوى وشكله احلى ومش هنعاني من مشاكل الشعر تاني.

شوفوا وصفات نمو الشعر بمكونات بسيطة من مطبخك

وصفات نمو الشعر بمكونات بسيطة من مطبخك !
وصفات نمو الشعر بمكونات بسيطة من مطبخك !