8 وصفات سهلة تعملى بيهم اللوشن بار لجسمك فى البيت
اللوشن بار “Lotion Bars” بتعتبر من احسن مرطبات الجسم اللى ليها فوايد كبيرة لبشرتك عشان غالبا بتتكون من مكونات طبيعية زى شمع عسل النحل ، زبدة الشيا او زيت جوز الهند ، وكمان معظمهم بتبقي منتجات hand made ومش منتشرة قوي عندنا في مصر ومن اكبر واشهر الماركات اللي بتنتج اللوشن بار ماركة اسمها LUSH. لو نفسك تجربي اللوشن بار تعالي شوفي معانا الطريقة عشان تعمليها بنفسك في البيت وتكوني ضامنة انها طبيعية 100 % و تقدرى تحققى اعلى فايدة لجسمك و بشرتك و بتكلفة قليلة جدا ، فى المقال ده اعرفى معانا 8 وصفات تعملى بيهم اللوشن بار بنفسك فى البيت..
8 وصفات سهلة تعملى بيهم اللوشن بار اللوشن لجسمك فى البيت
ايه هى استخدامات اللوشن بار اللوشن ؟
الهدف الاساسى لاى اللوشن بار لوشن هو ترطيب البشرة و تنعيمها ، لكن كمان فى استخدامات تانية للوشن بار اللوشن زى علاج حساسية الجلد و الاكزيما ، الوقاية من اشعة الشمس .
1- اللوشن بار اللوشن للوقاية من الشمس :
اللوشن بار دى مش بس بترطب و تلطف بشرتك لكن كمان بتشتغل sun block علشان كده هتفيدك جدا فى ايام الحر و المصيف .
المكونات :
-نص كوباية من زيدة الشيا.
-5 ملاعق اكل من شمع عسل النحل .
-نص ملعقة اكل من فيتامين E.
-ملعقة اكل من اى زيت عطرى تحبيه . لكن يفضل زيت بذرة الجزر لانه فى عام حماية من الشمس SPF 40، و زيت الافوكادو SPF 15 . و الزيوت دى هتساعدك فى حماية بشرتك من الاشعة فوق البنفسجية الى بتضر بشرتك .
الطريقة :
1- هتمزجى المكونات كلها مع بعضها ” ماعدا الزيت العطرى ” و بعدين تحطيهم على حمام مياة بحيث تكون المياة فى الحلة اللى تحت حوالى مقدار كوباية مياة صغيرة .
2- لما تبدأ المية تغلى ابدأى قلبى المكونات فى حركة لطيفة و مستمرة لحد ما تدوب .
3- لما المكونات تدوب كويس اوى ، ارفعى الحلة من على حمام المياة و ضيفى الزيت العطرى وابدأى امزجيه مع باقى المكونات بايدك لحد ما المكونات كلها تتجانس و تندمج كويس .
4- صبى الخليط فى اى قالب تحبيه ، ممكن تستعملى قوالب الكب كيك السيليكون او قوالب التلج و سيبيهم لحد ما يبردوا خالص و يتماسكوا بشكل كويس .
2-اللوشن بار بالفانيليا و القهوة :
اللوشن بار دى هتفيدك فى انها بتشد البشرة و تديها نضارة و حيوية .
المكونات :
-6 ملاعق اكل من زبدة الكاكاو .
-ملعقة من زبدة الشيا .
-ملعقة من زيت القهوة او ريحة القهوة ” موجود عند العطار ” .
-ملعقة اكل من زيت فيتامين E.
– ملعقة صغيرة من الفانيليا .
طريقة التحضير:
بنفس الطريقة السابقة ، امزجى كل المكونات على حمام المياة عدا الزيت العطرى و اما المكونات تدوب ارفعيها من على النار و ضيفى الزيت العطرى و بعدين امزجيهم كويس اوى ، صبي فى القالب و سيبيهم يبردوا و يتماسكوا .
3- اللوشن بار لعلاج الاكزيما :
اللوشن بار دى بتتعمل بنفس مكونات و طريقتها بالفانيليا و القهوة لكن بنضيفلها مقدارمن زيت السمك او زيت كبد الحوت علشان تعالج الاكزيما او ممكن تستبدليهم بزيت الاوميجا 3، و الاكزيما هى جفاف البشرة و احمرارها و اما تكون اللشرة ملتهبة ، علشان كده اللوشن بار دى بتعتبر مناسبة جدا لعلاج الاكزيما .
4- اللوشن بار المانجو وجوز الهند :
اللوشن بار دى هتساعدك فى القضاء على البكتيريا اللى بتتكون على البشرة و كمان بتساعدك تخلى نسبة الزيوت فى بشرتك متوازنة و انها تفضل رطبة طول الوقت .
المكونات :
-كوباية من زبدة المانجو .
-كوباية من زبدة جوز الهند .
-نص كوباية من زيت جوز الهند البارد .
-مقدار 10 نقط من زيت البرتقال .
طريقة التحضير :
نفس طريقة التحضير السابقة .
5- اللوشن بار باللافندر :
اللوشن بار دى هتساعدك على حماية بشرتك من لسعات الحشرات و كمان غير انها بترطب البشرة بتعالج الالتهابات و تحافظ على بشرتك متوازنة .
المكونات اللى هتحتاجيها :
-ربع كوباية من زيت جوز الهند .
-ربع كوباية من زبدة الشيا .
-ربع كوباية من شمع عسل النحل الطبيعى .
-ربع ملعقة اكل من زيت فيتامين E .
-ملعقة صغيرة من زيت اللافندر العطرى .
طريقة التحضير هى نفس طريقة التحضير السابقة .
6- اللوشن بار الاورجانيك :
-كوباية من زيت جوز الهند .
-كوباية من زبدة جوز الهند .
-كوباية من شمع عسل النحل الطبيعى .
-ربع ملعقة اكل من زيت اللافندر .
طريقة التحضير هى نفس طريقة التحضير السابقة .
من فوايد اللوشن بار دى انه زيت جوز الهند بيساعد على ترطيب البشرة و حمايتها من الالتهابات و زبدة جوز الهند بتساعد بشرتك انها تفضل شباب و تمنع ظهور التجاعيد و كمان بترطب البشرة ، وشمع عسل النحل بيعمل كحاجز بيحمى بشرتك من اى عدوى او التهاب بسبب الشمس او الاتربة .
7- اللوشن بار بزيت الاعشاب :
اللوشن بار دى بتتعمل بنفس مكونات اللوشن الاورجانيك + مقدار ملعقة من اى زيت اعشاب تفضليه و بنفس طريقة التحضير .
8- اللوشن بار الحريرية :
اللوشن بار دى بتعتبر مثالية علشان تهتمى ببشرتك و تدلعى نفسك ، المكونات المطلوبة هى نفس المكونات السابقة :
-نص كوباية من زيت جوز الهند .
-نص كوباية من زبدة الشيا او زبدة المانجو او زبدة جوز الهند .
-نص كوباية من شمع عسل النحل الطبيعى .
-حوالى 25 نقطة من زيت الورد العطرى ، او اى زيت عطرى تفضليه .
طريقة التحضير هى نفس طريقة التحضير السابقة .
شوفي كمان شوفي طريقة عمل فقاقيع الشور “bubble bath” بنفسك في البيت
