اعرفي معانا ازاي تخسسي وزنك بالموز بس !

بقلمريهام محمود فيتخسيس الوزن visibility9109

حمية الموز من الحاجات اللي معروفة جدا على مستوى العالم وفي ناس كتير بيستخدموا النظام ده لفعاليته في تخسيس الوزن, والموز غير انه بيساعد على التخسيس ليه فوايد صحية كتير جدا وهو يعتبر من اهم مصادر النشا والكربوهيدرات الصحية اللي بتساعد على تحسين الصحة وبتخليها احسن, واحنا النهاردة هنقول لكل بنات حوا ايه هي  حمية الموز اللي هتساعدكم على تخسيس الوزن.

– تعالوا نعرف الاول ليه الموز فعال في تخسيس الوزن ؟

1- الدراسات اثبتت ان الموز بيساعد في زيادة التمثيل الغذائي وبيعزز او بيحسن عملية الهضم.

2- الموز غني جدا بنوع معين من النشا اللي بيحافظ على نسبة السكر في الدم منخفضة.

3- الموز بيحتوي على الالياف اللي بتمر من خلال الجهاز الهضمي للقولون من غير ما تتهضم وده بيدي احساس بالشبع ويخليكي متاكليش كتير وبيساعد كمان على حرق الدهون في الجسم.

4- بيمنع امتصاص الكربوهيدرات بشكل جزئي وبالتالي ده بيساعد على تخسيس الوزن.

5- ده غير ان النظام ده عشان بناخد معاه مية دافية ده بيساعد على الهضم, وبيرطب الجسم وبينعشه, وبيدي الجسم احساس بالنشاط.

اعرفي معانا ازاي تخسسي وزنك بالموز بس
اعرفي معانا ازاي تخسسي وزنك بالموز بس

– ازاي تخسسي وزنك بالموز ؟

– هناكل كل يوم الصبح كوجبة فطار موزة او اكتر يعني ممكن ناكل اي عدد بس منزودش اوي بردوا وبعدها نشرب كوباية مية دافية دي اهم حاجة لان الموز والمية الدافية هيشتغلوا مع بعض وهيخسسوا الوزن.

– بالنسبة لوجبة الغدا والعشا ممكن تاكلي اللي انتي عايزاة مافيش نظام غذائي معين تمشي عليه لكن نحاول اننا ناكل منملاش المعدة على الاخر اوي يعني ناكل كميات معقولة ونخلي المعدة مرتاحة.

– لو عايزة تاكلي حاجة في نص الوجبات الاساسية ممكن تاكلي حاجات خفيفة زي الكوكيز او الشوكولاتة الغامقة اللي هي بيكون فيها سكر قليل, او تاكلي كمية ارز صغيرة, وابعدي عن الايس كريم والحلويات.

– بالنسبة لوجبة العشا لازم تكون قبل النوم باربع ساعات عشان ندي فرصة للجسم يحرق السعرات الحرارية قبل ما ننام, لانه من اكتر الحاجات اللي بتزود الوزن هو النوم بعد الاكل على طول.

ياللا يا بنات جربوا حمية الموز وشاركونا النتايج :) .

شوفي كمان استعمالات تانية للموز عشان شعرك وبشرتك

فوايد الموز للبشرة والشعر
فوايد الموز للبشرة والشعر