7 اسباب عن اهمية الليمون فى العناية بالصحة مش هيخلوكى تستغنى عنه

بقلمآية حسان فيصحة visibility8164

الليمون معروف بفوايده الكتيرة والمهمة للصحة عموما و كمان بتأثيره على البشرة والشعر بشكل خاص ، اضافة بسيطة لروتين اهتمامك بصحتك زى انك تشربى عصير الليمون اول لما تصحى و قبل ما تنامى ممكن يبقى ليها تأثير كبير على صحتك عموما و على جمالك و شكلك بشكل خاص ، اعرفى معانا 7 اسباب عن اهمية الليمون فى العناية بالصحة مش هيخلوكى تستغنى عنه و يخلوكى تبدأى بيه كل يوم  ..

7 اسباب عن اهمية الليمون فى العناية بالصحة  مش هيخلوكى تستغنى عنه 

7 اسباب عن اهمية الليمون فى العناية بالصحة مش هيخلوكى تستغنى عنه
7 اسباب عن اهمية الليمون فى العناية بالصحة مش هيخلوكى تستغنى عنه

1- الليمون بيساعد على الهضم : 

 من فوايد الليمون هى انه بيساعد على الهضم بشكل كبير ، لانه الحمض اللى فيه بيساعد على تكسير الاكل علشان كده معدتنا بتفرز احماض كتيرة بمجرد ما تبدأ عملية الهضم ، حاجه تانية من اسباب اهمية الليمون هى انه بيمنع الحموضة اللى ممكن تزيد معانا كل ما بنكبر .

2- الليمون هيخلى جسمك رطب ” يمنع الجفاف ” :

معظمنا مبنشربش مية كفاية خلال اليوم ، وعلشان تعوضى كمية المية القليلة فى جسمك بطريقة سهلة ،اشربى كل يوم كوباية من عصير الليمون و ده هيخلي جسمك  و بشرتك مترطبين طول اليوم و يمنع عنك الجفاف خصوصا فى الايام اللى بتبقى درجة الحرارة فيها عالية .

اشربى عصير ليمون كل يوم
اشربى عصير ليمون كل يوم

3-الليمون بيساعد على التخسيس : 

حاولى تبدلى القهوة او الشاى اللى بتشربيهم كل يوم الصبح بعصير الليمون ، و حاولى تشربى حوالى 20 كوباية من عصير الليمون كل شهر ، مع الوقت هتلاقى  وسطك رفيع و تقريبا مفيش اى دهون حوالين منطقة الوسط . الليمون معروف بفوايده فى حرق الدهون و التخسيس . 

الليمون بيساعد على التخسيس
الليمون بيساعد على التخسيس

4- الليمون بيمنع الاكسده : 

واحده من اسباب اهمية الليمون فى الاهتمام بالصحة هى انه بيحتوى على مركبات بتمنع الاكسدة ، و ده هيساعد جسمك انه يفضل صحى من الداخل و الخارج و يمنعه من الاصابة بالامراض .

5- الليمون غنى بفيتامين C :

الليمون معروف انه غنى جدا بفيتامين  C اللى بنحتاجه لحماية حلايا الجسم من التلف ، اعصرى نص ليمونة على كوباية مياة و اشربيهم ، عصير الليمون هيضيف لجسمك 6 سعرات حرارية بس و لكن كمان هيمدك بأكتر من 6/1 من كمية فيتامين C اللى بيحتاجها جسمك كل يوم .

اهمية الليمون فى العناية بالصحة
اهمية الليمون فى العناية بالصحة

6- غنى بالمعادن و البوتاسيوم : 

المعادن بتعتبر مهمة جدا لجسمنا علشان يقدر يؤدى وظايفه كل يوم ، ده غير انها مهمة جدا للاعصاب و العضلات . الليمون معروف انه غنى بالبوتاسيوم اللى بتعتبر من اهم المعادن الموجودة فى الجسم و اللى كمان بتقلل من التأثير السيئ للملح على الجسم خصوصا عند مرضى ضغط الدم .

7- الليمون بيمنع تكوين حصوات الكلى : 

عصير الليمون بيمنع تكوين حصوات الكلى اللى بتبقى مؤلمة جدا ، و كمان كل ما زودتى فى انك تشربى عصير ليمون او اى سوائل ده هيمنع الجفاف اللى بيعتبر من اهم اسباب تكون حصوات الكلى .

ازاى تستخدمى الليمون فى العناية بالصحة ؟ 

ببساطة اعصرى نص ليمونة على كوباية مياة ، و حاولى تشربي العصير ده على قد ما تقدرى فى اوقات مختلفة من اليوم و بكميات مختلفة ، و حاولى كمان تستخدمى قشر الليمون وانتى بتعملى كيك او فى الطبخ عموما .

فوايد و وصفات لفيتامين E .. اعرفيها

فوايد و وصفات فيتامين E
فوايد و وصفات فيتامين E