اهم 9 قطع ملابس في صيف 2016 هيغيروا اللوك بتاعك

بقلمآية حسان فيموضة وأزياء visibility7905

موسم الصيف بيبقى دايما فرصتنا اننا نغير اللوك بتاعنا و نجدده ، لانه الصيف بيتميز دايا بالاقمشة الناعمة و الالوان الفاتحة والمشرقة و اللى بتخلى اى بنت من بنات حوا تحس انه شكلها متغير ومشرق ، وعلشان نساعدك تجددى من شكلك و طريقة لبسك فى المقال ده هنعرفك على اهم 9 قطع ملابس في موضة صيف 2016 لازم تبقى فى دولابك و تجربي منهم فى الصيف السنة دى ، اعرفى معانا اهم  قطع ملابس للصيف هيغيروا اللوك بتاعك.

اهم 9 قطع ملابس للصيف هيغيروا اللوك بتاعك .. اعرفيهم 

1- الفستان القميص او الـshirt dress الابيض: 

الفساتين على شكل قميص طويل جزء من موضة الصيف السنة دى و بقت منتشرة و بقينا نشوفها فى محلات الملابس كتير ، الميزة فى النوع ده من الفساتين انه شكلها كاجوال و كمان مريحة خصوصا فى حر الصيف خلال النهار . الـshirt dress باللون الابيض او بأى لون تانى تفضليه واحدة من اهم 10 قطع ملابس تبقى عندك الصيف ده .

white shirt dress
white shirt dress

2- التوب بدرجة Army green : 

القميص او التوب بدرجة الاخضر بتاعة الملابس العسكرية او درجة الـ Army Green شفناها لسنة دى فى عروض الازياء و فى دور الازياء الكبيرة و المشهورة ، و مصممين الازياء بيحبوا قطع الملابس من اللون ده و بينصحوا بيها لانها تريندى و سهل انك تلبسيها مع الوان مختلفة خصوصا الـ nude colors  و كمان اللون الابيض ، الاسود و الدهبى.

army green shirt
army green shirt

3-الشوز برباط او الـlace-up shoes : 

الصندل او الشوز برباط ” الـlace-up shoes “بيعتبر من موضة الشوز المفضلة لموسم الصيف السنة دى ، لانهم سهل تلبسيهم و كمان سهل انك توفقيهم مع اى طقم و بيطلع شكلهم stylish جدا. جربيهم مع البنطلونات الجينز و الجيبة و حتى الفساتين و هتلاحظى انهم هيخلوا اللوك بتاعك مختلف.

lace shoes
lace shoes

4- التوب الواسع : 

التوب الواسع او الـ over sized top من القمصان او التيشيرتات منتشرين فى موضة السنة دى ، لانهم مريحين و بيدوا لوك كاجوال و بيليق مع البنطلونات الجينز بسهولة. الستايل ده مناسب للخروجات بالنهار او لو نازلة تعملى شوبنج .

موضة التوب الواسع
موضة التوب الواسع

5- البناطيل بنقشة الورد او الـ Floral Pants : 

البناطيل بنقشة الورد او الـ Floral Pants بقت جزء اساسى من موضة كل صيف ، لانها بتدى شكل عصرى لاى لوك و سهل جدا انك توفقى بين بنطلون floral  و توب من اى لون ، ببساطة شوفى لون الورد الاساس اللى فى البنطلون و اختارى توب من نفس اللون ، يعنى لو الورد اللى فى البنطلون لونها فوشيا يبقى التوب لونه فوشيا و هكذا . او ممكن تختارى توب من لون مناسب و شوز من نفس لون نقشة الورد للى فى البنطلون . النقشة الFloral موجودة كمان فى الفساتين و الجيبة لموضة السنة دى .الـfloral outfit بيعتبر من اهم 9 قطع ملابس للصيف السنة دى .

البنطلون الـfloral
البنطلون الـfloral

6- الستايل المخطط، stripped outfit : 

الستايل المخطط كمان منتشر الصيف ده و موجود فى البنطلونات او البلوزات و حتى على شكل فستان ، و خصوصا باللونين الابيض و الاسود ، الابيض و الازرق ، الابيض و البينك . و كمان الستايل ده موجود فى الشنط اللى بتبقى سهله جدا انك توفقيها مع اى توب و بنطلون مناسبين .

الستايل المخطط
الستايل المخطط

7- بلوزة الكتف الواقع :

واحدة من اهم 9 قطع ملابس للصيف هى بلوزة الكتف الواقع او الـ Off – Shoulder ، الستايل ده غير انه مودرن بيدى كمان اناقة للستايل بتاعك حتى لو لابسه البلوزة على جينز او شوز من غير كعب . و لو لبستيه على كعب فى الخروجات بالليل بيبقى شكله حلو و بيدى شياكة . الستايل ده موجود كمان فى الفساتين و بأشكال مختلفة . 

off shoulder top
off shoulder top

8- الجيبة الماكسى : 

الجيبة و الفستان الماكسى من قطع الملابس الاساسية فى موضة الصيف بقالهم سنتين ، و ده لان الجيبة الماكسي مريحة جدا وشهل تلبسيها ، ده غير انها بتبقي تريندى جدا كل صيف . البسي الجيبة الماكسى مع توب كاجوال و ممكن تلبسي معاها شوز فلات او كعبب عالى . الجيبة دى مناسبة جدا لخروجاتك بالنهار او خروجاتك مع صحباتك .شوفى معانا كمان موضة الجيبة الماكسي لصيف 2016

الجيبة الماكسي
الجيبة الماكسي

9- الجينز الابيض او الـ white ripped jeans :

الـ ripped jeans قطعة ملابس مهم تبقى فى دولابك الصيف ده ، لانه الستايل ده من البنطلونات متوفر تقريبا فى جميع الالوان بس اللون المنتشر الصيف ده هو اللون الابيض ، الحينز ده مثالى لستايل كاجوال بالنهار ، و تقدرى تلبسيه مع كعب عالى ، شوز فلات او اى شوز تحبيه . الحلو فيه انه بيديكى ستايل كاجوال و عصرى لكن كمان اليجانت و شيك فى نفس الوقت . البسي الجينز الابيض مع توب و شوز مناسبين و هتلاحظةى انه اللوك بتاعك حلو جدا و على الموضة .

ripped white jeans
ripped white jeans

اعرفى معانا كمان 5 خطوات هيساعدوكى تشترى هدومك بطريقة ذكية وسهلة

5 خطوات هيساعدوكى تشترى هدومك بطريقة ذكية و سهلة ..
5 خطوات هيساعدوكى تشترى هدومك بطريقة ذكية و سهلة ..