8 نصايح مهمة لتألقك وجمالك يوم فرحك لازم تكونى عارفاهم ..

بقلمآية حسان فيجمال ومكياج visibility3512

مفيش بنت من بنات حوا مابتحلمش وتخطط ليوم فرحها … و تفضل تتخيل اليوم ده هيبقى عامل ازاى و انها نفسها تبقى ملكة جميلة فى اليوم ده ، و علشان تقدرى تحققى الفرح اللى فى خيالك و تحققى حلمك بأنك تكونى ملكة زى القمر يوم فرحك لازم تحاولي تخططي كويس لليوم ده بس اوقات مهما نخطط و نرتب مفيش مفر من انه بتحصل مشاكل او غلطات فى اليوم ده ، علشان كده فى المقال ده هنقولك على نصايح و خطوات مهمة جدا تعمليها يوم فرحك علشان تتجنبى اى اخطاء ممكن تحصل فى اللوك بتاعك و شكلك و انتى عروسة ، شوفى  معانا 8 نصايح مهمة لتألقك و جمالك يوم فرحك  لازم تكونى عارفاهم …

جمالك يوم فرحك
جمالك يوم فرحك

8 نصايح مهمة لتألقك و جمالك يوم فرحك  لازم تكونى عارفاهم ..

1- هاتى ادوات مكياجك الخاصة بيكى :

اول نصيحة تضمن جمالك يوم فرحك هى انك تجيبى ادوات مكياجك الخاصة بيكى لو لون روج معين بتحبيه وواثقة فيه ثباته أو لو لون فوندايشن بيبقي حلو عليكي متتردديش فى انك تقولى للـ makeup artist اللى بتعملك مكياجك انها تستخدم ادواتك انتى اللى بترتاحيلها ومتعودة عليها.. طبعا مش كل حاجة لكن في بعض الحاجات.

هاتى ادوات مكياجك الخاصة بيكى
هاتى ادوات مكياجك الخاصة بيكى

2- خليكى واضحة فى اللوك اللى عايزة تعمليه : 

مهم جدا انك تبقى واضحة و دقيقة بخصوص اللوك اللى انتى شايفاه لايق عليكى و عايزة تعمليه ، حاولى تجمعى صورلستايل المكياج و الالوان اللى انتى حاباها سواء لمكياج شفايفك ، عينيكى او خدودك و هكذا و اختارى الانسب ليكى بمشاركة الـmakeup artist للى هتنفذلك طرحتك و مكياجك ..

حددى اللوك اللى انتى عايزاه
حددى اللوك اللى انتى عايزاه

3- يوم فرحك ماينفعش تجربى فيه :

يوم فرحك لازم كل حاجه فيه تبقى مظبوطة و ماينفعش تجربى فيه اى حاجه جديدة ، علشان كده بننصح انك تبقى محددة اللوك اللى انتى عايزاه و تنفذيه بأدوات مكياجك انتى خصوصا لو انتى من اصحاب البشرة الحساسة و اللى ممكن تتفاعل مع الادوات الجديدة اللى ممكن تستخدمها معاكى الـmakeup artist  ،أو علي الاقل تكوني عاملة test قبل كده معاها في مناسبة قبل كده.. انتى مش ضامنة ايه اللى ممكن يحصل!

4-خليكى بسيطة فى اللوك بتاعك : 

البساطة دايما احلى والعرايس اللى بيعملوا مكياج وتسريحة شعر بسيطة و مناسبة ليهم دا يما بيطلعوا شكلهم حلو جدا ، علشان كده استخدام مكياج كتير او الوان كتيرة مش مطلوب ابدا . كل ما كنتى بسيطة فى شكلك و اللوك بتاعك كل ما هتبانى متألقة .

خليكى بسيطة
خليكى بسيطة

5- استعملى مثبت المكياج : 

بعد ما تخلصى مكياجك استعملى مثبت للمكياج على وشك علشان تضمنى انه وشك مايلمعش او انه مكياجك يروح مع الوقت بسبب الحركة  و  العرق , معظم الماكيريات بيستعملوه دلوقتي.

6- متعتمديش على النت : 

واحدة من الغلطات اللى كتير من العرايس بتعملها انها بتعتمد على النت فى اللوك بتاعها و مكياجها ، خصوصا فى تسريحات الشعر و لفات الطرح . ممكن ترجعى للنت علشان تشوفى ستايلات مختلفة بس كمان لازم تكونى حريصة انك تنفذى الستايل المناسب ليكى علشان مش كل الستايلات تنفع ننفذها, يعني لازم تجربي وتعملي test عشان تتأكدي أليق ليكي.

7- ابعدى عن الوصفات المنزلية قبل الفرح بأسبوع : 

الوصفات المنزلية و ماسكات البشرة والجسم اللى بتتعمل فى البيت مهمة و مفيدة طبعا ودايما بننصح بيها ، و نادر اوى لما نلاقيلها اضرار او خطورة على البشرة ، بس بننصح كل عروسة انه قبل الفرح بأسبوع على الاقل توقف استخدام الماسكات دى علشان متبقاش بشرتها مجهدة و كمان علشان تتجنب خطر انه يحصل لبشرتها اى تهيج او حساسية .

8-خلى حاجاتك المهمة مع صاحبتك القريبة منك او وصيفة الشرف : 

وصيفة الشرف او الـ maid of honor  مهمة جدا لكل عروسة يوم فرحها ، لانها بتبقى هى الشخص الوحيد اللى بتلجأله العروسة لو احتاجت حاجه خلال اليوم ، اجمعى فى شنطة صغيرة  حاجاتك الاساسية او اللى ممكن تحتاجيها زى ادوات مكياجك علشان تصححى مكياجك وسط الفرح أو تتقليه لو اتمسح خصوصا الروج ، و مناديل و اى حاجه ممكن تحتاجيها علشان تظبطى اللوك بتاعك و يفضل حلو لآخر اليوم .

خلى حاجاتك المهمة مع صاحبتك القريبة منك او وصيفة الشرف
خلى حاجاتك المهمة مع صاحبتك القريبة منك او وصيفة الشرف

مستحضرات التجميل الاساسية للعروسة اللي حتحتاجيها في بيتك

مستحضرات التجميل الاساسية للعروسة
مستحضرات التجميل الاساسية للعروسة