اتألقي في الصيف والبسي جيبات وفساتين ماكسي
الجيبات والفساتين الماكسي من الحاجات اللي طالعة موضة اوي موسم الصيف ده فلو عايزة تكوني ماشية على الموضة ومواكبة كل جديد لازم يكون في دولابك على الاقل قطعة جيبة او فستان ماكسي.
وهتقدري تختاري المناسب ليكي لانه نازل منهم تشكيلة منوعة اوي في الموديلات والالوان فأكيد كل واحدة هتلاقي حسب ذوقها وجسمها اللي يناسبها.
والنوع ده من الفساتين او الجيبات الماكسي ممكن يتلبس على صنادل فلات او احذية رياضية, او جزم ودجز بيبقى حلو عليهم جدا, وبردوا ممكن تلبسي منهم في المناسبات الخاصة على جزمة بكعب وتديهم لوك رسمي او سوارية, يعني مثلا ممكن تحضري بيهم فرح على البلاج او في مكان مفتوح دلوقتي بقى موضة اوي الافراح اللي بتكون الصبح على الشاطيء او في جاردن فاللوك ده هيبقى مناسب جدا لحضور مناسبة زي دي.
بالنسبة للجيبات ممكن تلبسي عليها من فوق بلوزة, او بادي, او قميص جينز, يعني تقدري تنوعي في لبسها زي ما انتي عايزة وتعملي بيها اكتر من لوك, بس نخلي بالنا لو لابسة جيبة واسعة يبقى التوب او البلوة تكون ضيقة وواخدة شكل الجسم عشان يكون في تناسب في اللوك, ولو لبستي جيبة مطبوعة يبقى اللي فوق لازم يكون لون سادة بلون من الالوان اللي في الجيبة, والعكس لو الجيبة سادة يبقى تلبسي عليها من فوق حاجات مطبوعة وملونة , وطبعا نكمل اللوك بتاعنا بالاكسسوارات المناسبة.
بالنسبة للفساتين نخلي بالنا لما نيجي نختار عشان نختار حاجة مناسبة لشكل جسمنا ويطلع حلو علينا, يعني مثلا البنات اللي كتافهم عريضة ورقبتهم قصيرة الافضل ليهم انهم يلبسوا الفساتين اللي صدرها واخد حرف V , اما اللي بيكونوا كتافهم كنزة فافضل موديل فستان ليهم هو الHalter Neckline اللي بتكون قصة الكتاف بتاعته محرودة اوي لجوه لان الموديل ده بيدي عرض اكتر للكتاف.
شوفوا من هنا الجيبة المزينة بالورود موضة ربيع وصيف 2016
تعالوا نشوف مع بعض تشكيلة جيبات وفساتين ماكسي:
البسي الفستان المخطط في ربيع وصيف 2016
