7 اسرار لجمال البشرة بيعملوهم الموديلز .. اعرفيهم !

بقلمآية حسان فيبشرة visibility22036

كلنا كبنات بيلفت نظرنا اوى جمال الممثلات والموديلز وبنبقى نفسنا نعرف ازاى بيخلوا شعرهم ناعم و ولامع و طويل كده وازاى جسمهم متناسق ورشيق و كمان ازاى بشرتهم دايما صافية وناعمة من غير اى بقع او حبوب!  فى المقال ده هتلاقى الاجابة على اسئلتك دى في انترفيو اتعمل مع 7 من اشهر الموديلز شاركوا معجبينهم بـ 7 اسرار لجمال بشرتهم بيعملوهم علي طول..  يلا اعرفيهم وجربيهم بنفسك و شوفى قد ايه هيفرقوا فى جمالك و جمال بشرتك .. 

7 اسرار لجمال البشرة بيعملوهم الموديلز .. اعرفيهم !

1- ماتشيليش مكياج عينيكى بالويبس wipes :

اول سر لازم تعرفيه انه الموديلز عمرهم  ما بيستخدموا المناديل المبللة او الـ wipes، الطريقة الصح هى انك تغسلى وشك بمياة دافية و بالراحة و بحركة رقيقة جدا تبلى صوابعك مياة و تفركى رموشك بخفة لحد ما الماسكارا تتشال. و كمان اوعى تغسلى المنطقة حوالين عينيكى و تدعكيها زى ما بنعمل دايما ، الطريقة الصح هى انك بالراحة اوى تدلكى المنطقة دى لحد ما تشيلى كل المكياج . ولو مضطرة تستخدمى المناديل المبللة ، اعرفى معانا اعرفى معانا الطريقة الصحيحة لـ ازالة المكياج بال WIPES 

2- استخدمى منتجات من الطبيعة “شرايح البطاطس علشان تتخلصى من الهالات السوداء” :

حتي الموديلز لازم يجربوا منتجات طبيعية زي البطاطس, العسل, اللبن والكركم لانها فعلا ليها مفعول سحري مختلف عن كل الكريمات والمنتجات التانية, جربي تدخلي الطبيعة في روتين عنايتك ببشرتك مرة علي الاقل في الأسبوع.. علشان تتخلصى من الهالات السوداء اقطعى شرائح من البطاطس و حطى شريحة على كل عين و سيبيها حوالى من 15 لـ 20 دقيقة مرة كل اسبوع، و بعد 5 مرات من استخدامك للطريقة دى هتلاحظى انه الهالات لسوداء قلت بشكل كبير جدا .

استخدمى شرائح البطاطس علشان تتخلصى من الهالات السوداء
استخدمى شرائح البطاطس علشان تتخلصى من الهالات السوداء

3- روتين التنضيف والترطيب:

نصيحة من واحدة من الموديلز كانت علي الروتين وإن لازم يبقي عند كل بنت روتين بخطواط معينة ثابته عشان تهتمي ببشرتك كل يوم الصبح الغسيل ولازم الغسول يكون مناسب لنوع بشرتك, وقبل النزول من البيت الصن بلوك وقبل النوم  رويتن العناية ببشرتك قبل النوم من غسيل وترطيب بعده زي إنك تحطي كريم زي كريمات جوز الهند أو كريم العين عشان تحافظي علي عينك من الخطوط أو التجاعيد. ومرة كل اسبوع اعلي الاقل التقشير وماسكات الترطيب والنضارة.

و كمان الموديلز دايما بيعملوا تمرين حلو جدا لوشهم كل يوم . هتحطى صوابع ايديكى اللى فى النص على منطقة الجيوب الانفية من الناحيتين والصوابع الكبيرة على عضمة الخدين و شدى و خليكى شادة وشك كده حوالى 10 دقايق . مع الاستمرار على التمرين ده هتحسي انه وشك على طول مشدود و من غير اى خطوط وكمان التمرين ده بينشط الدورة الدموية في الوش وهيخلي وشك نضر وشكله صحي طبيعي.

4- الترطيب والاهتمام بالبشرة قبل النوم

واحدة من النصايح كانت طريقة حلوة جدا فى ترطيب بشرتهم وهى انهم بيمزجوا اكتر من منتج ترطيب مع بعض و يستخدموه ، يعنى مثلا بيمزجوا كمية من زيت الزيتون مع شمع عسل النحل و يفردوه على وشهم و يناموا ، و الصبح بيلاقوا نتيجة حلوة جدا باينة على وشهم . كمان ممكن يمزجوا الكريم المرطب مع كريم الليل والكريم المقاوم لعلامات تقدم سن البشرة و يفردوه على وشهم قبل النوم . و طبعا اهم سر هو انك متناميش ابدا و فى مكياج على وشك. 

5- ماتلمسيش وشك خصوصا بره البيت: 

واحده من اهم الحاجت اللى تمليها انك تغسلى وشك من مرتين ل 3 مرات فى اليوم ، مرة اول ما تصحى و مرة لما تروحى البيت بعد خرجة او شغل و مرة قبل النوم طبعا . و كمان مهم جدا انك ماتلمسيش وشك ، يعنى لا تهرشى وشك و لا تقشرى اى حباية فيه او تشديها واحرصي إنك وإنتي وره البيت خصوصا مش كل شوية تمشي ايدك علي وشك عشان متنقليش أي بكتيريا تسببلك جفاف أو التهاب.

ماتلمسيش وشك
ماتلمسيش وشك

6- تابعى مع دكتور متخصص فى البشرة :

مرة على الاقل كل شهر بيشوفوا اخصائى البشرة بتاعهم علشان يهتم بوشهم و جمال البشرة  و يشوف ايه هى العلاجات او الكريمات المناسة اللى ممكن يكونوا محتاجينها.. انتى كمان ابدأى روحى لدكتور جلدية علشان يعالج اى مشاكل فى بشرتك او وشك و بعد ما فترة العلاج تنتهى رتبى مع الدكتور انك تزوريه مرة كل شهر أو 3 شهور علشان تتابعى معاه .

7- ماتكتريش من الكريمات و المستحضرات :

سر مهم جدا من الاسرار اللى بيعملوها العارضات علشان يهتموا بصحة و جمال البشرة هى انهم مابيستخدموش منتجات الاهتمام بالبشرة بزيادة، و بيستخدموا الكمية اللى بيحتاجوها بالضبط لانه الزيادة بتسبب الالتهابات و التهيج فى البشرة . و كمان مهم جدا نك تغسلى وشك بمياة دافية و تهتمى بأكل الخضروات و الفاكهة الغنية بفيتامين A علشان تحافظى على بشرتك صافية و نقية . اعرفى  معانا  ايه هى الكمية المناسبة من مستحضرات التجميل اللي بيحتاجها شعرك وبشرتك

شوفي كمان 12 نصيحة ازاي تبقي جميلة من غير مكياج؟!

ازاى ابقى جميلة من غير مكياج
ازاى ابقى جميلة من غير مكياج