اخطاء في الموضة ممكن تكوني بتعمليهم فى لبسك .. تجنبيهم

بقلمآية حسان فيموضة وأزياء visibility15462

مفيش بنت فينا مش ممكن تقع في غلطات الموضة حتى البنات الفاشونستات ممكن يغلطوا فى لبسهم مين غير مايخدوا بالهم ، يا اما نلبس الوان مش ماشية مع بعضها او جزمة ضيق بزيادة او برا مش مناسبة أو مقاسها مش مظبوط . علشان تتفادى الاخطاء دى و تتأكدى انك طالعة بلوك مافيهوش ولا غلطة ، فى المقال ده ” بنات حوا ” هتقولك على اشهر غلطات اخطاء الموضة اللي ممكن تكوني بتعمليهم فى لبسك  وازاى تتفاديهم وميحصلوش تانى .

اخطاء الموضة ممكن تكوني بتعمليهم فى لبسك .. تجنبيهم

عدلي وصلحي اللي مش عاجبك: 

واحدة من اكبر الغلطات اللى بنعملها اننا ممكن نكسل نظبط أو نصلح حاجة مش عجبانا. يعني مثلا ممكن نجيب بنطلون واسع شوية أو طويل ونقول مش مهم مش بيبان قوي.. بس صدقيني تعديل أو تصليح بسيط جدا في لبسك ممكن يغير اللوك بتاعك تماما ويستاهل إنك تبذلي مجهود عشان تظبيطه.. جربي مثلا إنك تتني رجل البنطلون لو طويل وأمشي مع موضة الكروب جينز cropped jeanes بيبقي شيك جدا وبيمشى تقريبا على اى ستايل وهيغير شكل بنطلونك تماما.

كروب جينز cropped jeans
كروب جينز cropped jeans

بتلبسى اكسسوارات زيادة: 

مفيش شك انه الاكسسوارات بتكمل اى لوك و تخليه احلى ، لكن واحدة من الغلطات اللى ممكن تكونى بتعمليها هى انك تلبسى اكسسوارات كتير او كبيرة و ملفته فبتغطى على اللوك الاساسى بتاعك . ومن اكتر الحاجات اللى بتلفت النظر فى الاكسسوارات هى الحلقان، علشان كده حاولى تلبسى الحلق الكاجوال لانه بيمشى مع اكتر من ستايل لبس و اكتر من لوك.

الحلق الكاجوال
الحلق الكاجوال
الحلق الكاجوال
الحلق الكاجوال
الحلق الكاجوال
الحلق الكاجوال

 اللوك بتاعك مش مناسب للجو: 

حاولى فى الصيف تلبسى هدوم قماشه صيفى ومناسب لجو الصيف زى الشيفون والجل والقطن وتلبسي الصنادل والجزم اللي مش برقبة عالية يعني خلى ستايل اللبس مناسب للفصل اللى احنا فيه، واحد من احلى الستيلات الموجودة الصيف ده هى الفساتين الصيفية اللى متوفرة فى اكتر من ستايل زي المخطط واللي فيه ورود لازم تجربيها. 

الفساتين الصيفية
الفساتين الصيفية

مش كل خطوط الموضة تليق:

لازم تبقي متأكدة إن مش أي لوك يطلع موضة بيليق علي اي  حد, كل واحدة وجسمها وستايلها مختلف عن التانية يعني متحاوليش تجري ورا أي جديد في الموضة إلا لو كان لايق عليكي وإنتي حبه نفسك وإنتي لبساه. 

تشيرت مخطط
تشيرت مخطط

لابسه برا بالمقاس أو القماشة الغلط:

اختيار البرا  أو حمالة الصدر مهم جدا وممكن يظبط أو يبوظ شكل الهدوم, يعني مثلا مينفعش تبقي لابسه برا مش مقاسك هيخليكي مش مرتاحة وهيغير مش شكل التوب أو الفستان عليكي وكمان مينفعش تلبسي برا دانتيل أو منقوش وإنتي لابسة تشرت ناعم أو بلوزة حرير. لازم تخدي بالك من اختيارك للبرا في لبسك كل يوم. 

حمالة الصدر المناسبة
حمالة الصدر المناسبة

مابتلبسيش القميص الكاجوال: 

واحدة من الاخطاء اللى بنعملها انه مابيبقاش فى دولابنا على الاقل قميص واحد كاجوال ، القميص الكاجوال شيك جدا و بيمشى مع مناسبات كتير ، حاولى يبقى فى دولابك على الاقل قميص او اتنين بأشكال مختلفة.

قميص كاجوال
قميص كاجوال

معندكيش تيشيرت ابيض: 

كمان من اشهر اخطاء موضة اللى بنعملها اننا بنتجنب اللون الابيض، بالعكس لازم يبقى عندك تيشيرت او اندرشيرت under shirt  ابيض تلبسيه تحت الهدوم الواسعه اواللى بتحتاجى تلبسي تحتها قطعة تانية وممكن تستغليه كقطعة اساسية و تلبسيه على بنطلون جينز لوحده بيبقي قطعة من القطع الاساسية في الصيف. 

تيشيرت ابيض
تيشيرت ابيض

شوفي كمان دليلك الكامل ازاي تختاري الوان لبسك وتنسقيه مع بعض

دليلك الكامل ازاي تختاري الوان لبسك وتنسقيه مع بعض
دليلك الكامل ازاي تختاري الوان لبسك وتنسقيه مع بعض