تشكيلة فساتين سهرة قصيرة في منتهي الأناقة
لو عندك مناسبة قريبة ومحتاجة فستان سهرة, ولو كنتي من محبات الفساتين الناعمة وعايزة تطلعي بلوك انيق, احنا جايبين لكل بنات حوا احلى مجموعة فساتين سهرة قصيرة لمناسبة أو خطوبة وممكن كمان تختاري منها لكتب كتابك, زي ما جيبنالكم قبل كده مجموعة فساتين سهرة طويلة و فساتين سهرة للمحجبات, النهاردة مجموعتنا لكل اللي بيحبوا فساتين السهرة القصيرة.
والمجموعة بتاعتنا النهاردة منوعة جدا وفيها موديلات كتير مختلفة تقدري تختاري منها اللي يناسبك.
وبالنسبة للألوان كمان منوعة جدا ما بين الاسود اللي هو ملك الالوان طبعا في فساتين السهرة, والابيض, والاصفر, والاحمر الناري اللي بيكون تحفة جدا كمان في فساتين السهرة, والالوان النيود الناعمة, ونوعية القماش هنلاقي معظم الفساتين تقريبا ما بين الدانتيل والساتان والتُل لانهم بيكونوا اشيك انواع قماش لفساتين السهرة.
بالنسبة للشوز الافضل اننا نلبس شوز بكعب عالي على فساتين السهرة القصيرة لانها هتطلع اشيك وانيقة اكتر, ولون الشوز اختاريه مناسب للون الفستان لو اللون فاتح اختاري شوز بلون غامق والعكس لو الفستان غامق اختاري الشوز بلون فاتح.