ازاى تعملى كريم الحلاقة بنفسك فى البيت؟

آية حسان
آية حسان
في
بشرة
12006

لو انتى من اللى بيفضلوا ازالة لشعر الزائد عن طريق الحلاقة اما لاننك معندكيش وقت لاستخدام الطرق التانية او لانك بتحاولى تتجنبى الالم اللى بتسببه طرق زى الشمع او السويت،  بس بتحسي انه بشرتك بيحصلها ضرر بسبب  طرق الحلاقة العادية زى استخدام جل الحلاقة او الصابون، فى المقال ده هتلاقى الحل ، اعرفى معانا ازاى تعملى ازاى تعملى كريم الحلاقة بنفسك فى البيت بمكونات بسيطة جدا و من غير اى تكلفة و فى وقت قليل من غير اى تعب ..

ازاى تعملى كريم الحلاقة بنفسك فى البيت؟

ازالة الشعر باستخدام مكنة الحلاقة
ازالة الشعر باستخدام مكنة الحلاقة

المكونات اللى هتحتاجيها : 

  • نص كوباية من زيت جوز الهند ” متوفر بسهولة عند العطار ” .
  • نص كوباية من زبدة الشيا .
  • ربع كوباية من زيت الزيتون . 
  • حوالى من  10 لـ 20 نقطة من اى زيت عطرى تفضليه ” ممكن اللافندر او الكاموميل ” .
  • ربع كوباية من اى شاور اى صابون سائل لليدين تفضليه .

الطريقة : 

الخطوة  الاولى : املى اى وعاء بحوالى من 50 لـ 100 مللى من المياة و حطيه على النار لحد ما يغلى كويس .

الخطوة الثانية : لما المياة تفضل تغلى شوية ابدأى ضيفى زيت جوز الهند ، زبدة الشيا ، و زيت الزيتونن سيبى الخليط يغلى شوية كمان لحد ما كل المكونات تدوب فى بعضها كويس اوى . لما تتأكدى ان المكونات اندمجت مع بعضها كويس ارفعى الوعاء من على النار . 

الخطوة الثالثة : فى برطمان زجاجى او وعاء مناسب تحتفظى فيه بالصابون ، حطى نقط الزيت العطرى المفضل عندك و كمية غسول الايدين و بعدين ضيفى مزيج الزيوت و زبدة الشيا عليهم ، سيبيهم فترة فى درجة حرارة الغرفة لحد ما المكونات كلها تبدأ تجمد. اول ما تحسي انهم بدأوا يجمدوا ممكن تحطى البرطمان فى الفريزر علشان تخليهم يجمدوا احسن و اسرع. بس خدى بالك انك لازم تطلعيه قبل ما يتلج .

ازاى تعملى كريم الحلاقة بنفسك فى البيت؟
ازاى تعملى كريم الحلاقة بنفسك فى البيت؟

طريقة الاستخدام : 

نفس طريقة استخدام كريم الحلاقة العادى ، قبل الحلاقة بكام دقيقة طلعى البرطمان من الفريزر لو هتفضلى محتفظه بيه هناك و بعدين ابدأى اغسلى رجلك بالمياة و افردى الصابون على رجلك  ادعكى لحد ما يشكل رغوة ، و بعدين ابدأى فى ازالة الشعر باستخدام الشفرة . الصابون ده ممكن يفضل صالح للاستخدام لمدة شهر او اتنين.

ايه فايدة النوع ده من كريم الحلاقة ؟ 

كريم الحلاقة ده مفيد جدا لانه خالى من اى مواد كيميائية ممكن يكون ليها تأثير سلبى على بشرتك او تسبب حساسية ، كمان الزيون=ت اللى بيتكون منها زى يت الزيتون و زيت جوز الهند ليهم فوايد معروفة للبشسرة زى الحماية ، التبييض و التنعيم بالاضافة لفوائد زبدة الشيا اللى معروف اهميتها فى تغذية و تبييض البشرة . 

اعرفى معانا كمان نصايح هتفيدك لو بتفضلي استعمال مكنة الحلاقة

استعمال مكنة الحلاقة
استعمال مكنة الحلاقة

مقالات متعلقه

ازالة الشعر بطريقة طبيعية في البيت استخدام الحجر الخفاف

ازالة الشعر بطريقة طبيعية في البيت استخدام الحجر الخفاف

6 نصايح فعالة هتساعدك تتخلصي من اكتر المشاكل الجمالية المزعجة

6 نصايح فعالة هتساعدك تتخلصي من اكتر المشاكل الجمالية المزعجة

وصفة طبيعية لازالة الشعر الزائد من الوجه نهائياً

وصفة طبيعية لازالة الشعر الزائد من الوجه نهائياً