10 طرق تجيبي بيهم ال spa فى البيت !

بقلمآية حسان فيشعر visibility9140
كل ست و بنت فينا من حقها تاخد اجازة من الشغل وشغل البيت او من المذاكرة والكلية وتفصل من روتين وتعب كل يوم وتدلع فيه نفسها وتسترخى ..وفي الوقت ده تهتم بشعرها و بشرتها وجمالها علشان تقدر تكافئ نفسها عن تعب كل يوم و تقدر تشحن طاقتها وتبقى مستعدة لشغل ومسؤوليات يوم جديد ..

ولانه الطريقة الوحيدة علشان تعملى كل ده هو انك تروحى ل مركز تجميل “سبا” spa  ولاننا في زحمة حياتنا اوقات كتير مش بنعرف فعلا نفضي وقت عشان نروح مشوار السبا أو اوقات تانية ممكن ميكونش معانا فلوس عشان موضوع دلع النفس ده، فى الموضوع ده ” بنات حوا ” هتقولك على 10 طرق تجيبي بيهم ال spa فى البيت ومن غير تكاليف زيادة، اعرفى معانا 10 علاجات اساسية بيعملوها فى الspa  و اعمليهم علشان تجيبى الـ spa فى البيت و دلعى نفسك :) 

10 طرق تجيبي بيهم ال spa فى البيت !

1- اغسلى اسنانك : 

من المعروف طبعا انه غسيل الاسنان مهم جدا كل يوم علشان تحافظى على صحخة و بياض اسنانك ، بس المهم انك تغسلى اسنانك و تدعكيهم لمدة 3 دقايق كاملين علشان تحصلى على النتيجة المطلوبة و هى اسنان اقوى و احلى ، ابدأ يوم ال spa  بأنك تغسلى اسنانك كويس اوى لمدة 3 دقايق كاملين,

اغسلى اسنانك
اغسلى اسنانك

2- ابردى ضوافرك: 

باستخدام المبرد الخاص بيكى ابردى ضوافرك و اعمليها بالشكل اللى تحبيه سواء بيضاوية او مربعة ، بس لازم تتأكدى انه ضوافرك نبقى جافة تماما اما تيجى تبرديها علشان متتكسرش او تتنى ،بعد ما تبردى ضوافرك حطى كريم اليد على ايدك و بعدين انقعى ضوافرك فى مياة دافية ممزوجة مع منعم للايدين علشان تقدرى تتخلصى من الزيادات الجلدية بشهولة .

ابردى ضوافرك
ابردى ضوافرك

3- اعملى مانيكير: 

افردى شوية من لوشن الايد على ايديكى و ادعكيه كويس على ايدك كلها ، و اعملى مساج لايدك بانك تشدى صوابعك و بعدين استخدمى سكرب الايد الخاص بيكى علشان تتخلصى من اى جلد ميت و تنعمى ايديكى . بعد كده حى طبقة من المانيكير الشفتف على ضوافرك و بعدين ابدأى حطى مانيكير باللون اللى تفضليه .

اعملى مانيكير
اعملى مانيكير

4- اعملى باديكير : 

ابردى ضوافر رجلك و ساويها بالشكل اللى تحبيه ، و بعدين افردى طبقة من زيت الزيتون حوالين منطقة الضوافر و انقعى رجلك فى مياة دافية لمدة 10 دقايق و ممكن تضيفى شوية من ملح القدمين علان رجلك ترتاح . بعد مرور الوقت نشفى رجلك كويس و اتخلصى من الجلد الزايد حوالين الضوافر باستخدام ادوات الباديكير . الخطوة اللى بعد كده اعملى مساج لرجلك باستخدام مزيج من معلقتين من زيت الزيتون و ملعقة سكر و ادعكى بيهم رجلك . بعد ما تشطفى رجلك افردى عليها طبقة من الكريم المرطب و شيلى اى مانيكير قديم كنتى حطاه و ابدأى حطى مانيكير جديد باللون اللى تفضليه .

spa فى البيت
اعملى باديكير

5- اعملى جلسة بخار لبشرتك : 

صبى شوية مياة مغلية فى حلة و امزجيهم بنقط من اى زيت عطري تحبيه او نقط من عصير الليمون ، حطى فوطة على راسك و خلى وشك قريب من الحلة بحيث يكون البحار طالع على وشك ، افضلى على الوضع ده من 5 ل 10 دقايق ، و ممكن تسمعى مزيكا على ما الوقت يعدى علشان ماتزهقيش :)

 اعملى جلسة بخار لبشرتك
اعملى جلسة بخار لبشرتك

6- استخدمى ماسك لوشك : 

اغسلى وشك بمياة دافية و جففيه بطريقة الطبطبة ، و بعدين افردى عليه كمية من ماسك الوش اللى بتستخدميه و لو مفيش ممكن تمزجى كمية مناسبة من كريم ترطيب البشرة بس يكون ساقع مع الزبادى ، العسل الابيض ، و الافوكادو . اضربيهم مع بعض كويس و افرديهم على شوك لمدة من 15 لـ 20 دقيقة و بعدين اشطفى وشك .

اعملى ماسك لوشك
اعملى ماسك لوشك

7- رطبى شعرك بعمق : 

زيت جوز الهند بيعتبر احسن مرطب للشعر او لو مش متوفر تقدرى تستخدمى اى مرطب شعر متوفر عندك ، طبقى مرطب الشعر على شعرك و بعدين غطى شعرك و استخدمى السيشوار عليه لمدة 15 دقيقة تقريبا ، بس استخدمى السيشوار على الحرارة المتوسطة علان متأذيش شعرك . اول ما تحسى انه جذور شعرك بقت دافية و اطراف الشعر شيلى غطاء الشعر و بعدين اغسلى شعرك لما الحرارة تروح منه .

رطبى شعرك بعمق
رطبى شعرك بعمق

8- اعملى body scrub لجسمك:

امزجى كوباية من السكر البنى مع كوباية من دقيق الشوفان و بعدين افرديه على جسمك و استخدمى ايدك فى انك تفركى المزيج ده على جسمك فى حركة دائية .

اعملى body scrub لجسمك
اعملى body scrub لجسمك

9- ادعكى المناطق الغامقة بليمونة : 

اقطعى ليمونة نصين و مادعكى بيها المناطق الغامقة فى جسمك زى منطقة الكوع و الركبة و ال underarm .

spa فى البيت
ادعكى المناطق الغامقة بليمونة

10- خدى شاور :

املى البانيو بمياة دافية و حطى فى المياة شاور تكونى ريحته حلوة و مهدأة و ممكن تضيفى ملح الحمام و نقط من اى زيت عطرى بتحبيه أو ال bubble bath شوفي طريقة عملها بنفسك في الموضوع تحت، ممكن كمن تولعى شموع عطرية وتحطيها حواليكى علشان تساعدك فى انك تسترخى وتريحى اعصابك. خليكى فى المياة حوالى 30 دقيقة اسمعي مزيكا أو اقري في كتاب ولما تخرجى نشفي جسمك كويس بلطف بفوطة قطنية و ممكن ترشى جسمك شوية من مياة الورد أو رطبي جسمك بزيت بيبي أو بودي لوشن.

خدى شاور
خدى شاور

 نفذى ال 10 خطوات دول فى يوم تكونى لوحدك فى البيت علشان تقدرى تسترخى و تستمتعى اكتر و بكده تكونى جبتى الـ spa فى البيت و من غير اى تكاليف او تعب .

شوفي طريقة عمل فقاقيع الشور “bubble bath” بنفسك في البيت

طريقة عمل فقاقيع الشور بنفسك في البيت
طريقة عمل فقاقيع الشور بنفسك في البيت