رجيم هيساعدك تخسي 4 كيلو في 3 ايام بس !
زي ما عودنا كل بنات حوا اننا بنجيب لهم كل حاجة خاصة بالرجيم وتخسيس الوزن عشان توصلوا لجسم مثالي ورشيق, النهاردة جايبينلكم طريقة رجيم جديد هيساعدكم تخسوا 4 كيلو في 3 ايام بس, والرجيم ده بيسموه بالحمية العسكرية لان المجندين والعسكريين بيستخدموا الرجيم ده عشان يوصلوا للجسم المناسب والشكل المطلوب بسرعة وفي اقل وقت ممكن.
تعالوا نعرف مع بعض رجيم هيساعدك تخسي 4 كيلو في 3 ايام:
1- اليوم الاول للرجيم:
وجبة الفطار:
– 1/2 ثمرة جريب فروت.
– شريحة توست اسمر.
– 2 معلقة كبيرة زبدة فول السوداني.
– القهوة او الشاي او اي مشروب فيه مادة الكافيين.
وجبة الغدا:
– 1/2 كوباية تونة.
– شريحة توست اسمر.
– قهوة او شاي.
وجبة العشا:
– شريحة صغيرة لحمة اي نوع.
– كوباية فاصوليا خضرا سوتيه.
– 1/2 موزة.
– تفاحة صغيرة.
– كوباية ايس كريم فانيليا.
2- اليوم التاني:
وجبة الفطار:
– بيضة.
– شريحة توست اسمر.
– 1/2 موزة.
وجبة الغدا:
– كوباية جبنة او شريحة جبنة شيدر.
– بيضة مسلوقة.
– 5 قطع بسكويت مملح اي نوع “ممكن بسكويت تاك”.
وجبة العشا:
– 2 قطعة هوت دوج.
– كوباية بروكلي سوتيه.
– 1/2 كوباية جزر سوتيه.
– 1/2 موزة.
– 1/2 كوباية ايس كريم فانيليا.
3- اليوم التالت:
وجبة الفطار:
– 5 قطع بسكويت مملح.
– شريحة جبنة شيدر.
– تفاحة صغيرة.
وجبة الغدا:
– بيضة مسلوقة.
– شريحة توست اسمر.
وجبة العشا:
– كوباية تونة.
– 1/2 موزة.
– كوباية ايس كريم فانيليا.
– ليه النظام الغذائي ده بيساعد على تخسيس الوزن بسرعة ؟
– لان تركيبة الاكلات اللي في الوجبات اللي احنا كتبناه ده بتشتغل مع بعض وبتعزز او بتسرع عملية التمثيل الغذائي في الجسم, وبتحفظ نسبة السكر في الدم في معدلها الطبيعي, وده بيساعد في عملية حرق الدهون في الجسم بشكل سريع, ولازم النظام يكون في تلات ايام ورا بعض وبعدها هتخسي تقريبا 4 كيلو.
– ولو انتي عايزة تخسي اكتر من 4 كيلو وعايزة تكرري النظام تاني افصلي ب4 ايام على الاقل امشي فيهم على نظام اكلك العادي وبعدين ارجعي امشي على النظام تاني لمدة 3 ايام كمان وهكذا.
– وانتي ماشية على نظام الرجيم ده متاكليش وجبات خفيفة بين الوجبات الاساسية اللي كاتبينها يعني هي الوجبات دي بس خلال اليوم في خلال الـ 3 ايام.
– بالنسبة للقهوة والشاي يتشربوا في اول وجبتين في اليوم الاول بس زي ما احنا كتبنا في النظام وتشربيهم سادة من غير سكر او لبن.
– اشربي مية كتير خلال اليوم مش اقل من 8 كوبايات, ولو بتمارسي اي رياضة يبقى تشربي كمية مية اكبر.
– نصايح خلال الرجيم:
– بالنسبة للتوست ممكن تستخدمي اي نوع بس يفضل التوست الاسمر, وممكن تاكلية محمص او طري.
– لما تيجي تشتري زبدة الفول السوداني جيبي النوع الخالي من السكر.
– التونة جيبي اي نوع الطازة او المعلبة.
– اللحمة ممكن تختاري اي نوع سواء لحم بقري او فراخ او اسماك, ولو هتاكلي لحوم معلبة اختاري الانواع الخالية من الصوديوم.
– الايس كريم يكون النوع العادي من غير اضافات.
– البيض ممكن تعمليه باي طريقة انتي بتحبيها مافيش طريقة محددة.
– بالنسبة للاضافات المسموحة اللي ممكن تحطيها على الوجبات ممكن تستخدمي الليمون, او المسطردة, والملح, والفلفل, لكن ممنوع اي نوع توابل تاني غير الملح والفلفل.
– بعض البدايل في الوجبات:
– بالنسبة للتوست المحمص ممكن تستبدليه بـ 1/4 كوباية زبادي قليل الدسم وعليها 1/2 معلقة صغيرة بذور الكتان, او 1/2 كوباية شوفان من غير سكر.
– بالنسبة للجريب فروت ممكن تستبدلية بثمرة واحدة من اي نوع فاكهة تاني.
– بدايل الموز ممكن تاكلي 2 ثمرة كيوي, او كوباية بابايا, او 2 ثمرة مشمش.
– زبدة الفول السوداني ممكن تاكلي بدالها زبدة فول الصويا, او زبدة بذور عباد الشمس.
– بالنسبة للتونة ممكن تاكلي بدالها جبنة, او شريحة فراخ, او لوز, او سوداني, او بذور القرع, او بذور الكتان.
– الهوت دوج ممكن نستبدله بنص كوباية فول او عدس, او شريحة لحمة حمرا عادية.
– التفاح ممكن نستبدله بالبرقوق, او الخوخ, او العنب.
– البيض ممكن نستبدلة بكوباية لبن, او جناح فرخة, او 1/4 كوباية مكسرات.
– الايس كريم ممكن تاكلي بداله ايس كريم فراولة او حليب لكن الشوكولاتة لا, او كوباية زبادي قليلة الدسم مع قطع فاكهة اي نوع, او عصير تفاح.
– الفاصوليا الخضرا ممكن نستبدلها بالخس او الطماطم نفس كمية الفاصوليا اللي في الوجبة, او 3 كوبايات سبانخ نية ولو مطبوخة يبقى تاكلي منها كوباية واحدة بس.
– بدايل الجزر مممكن تاكلي 1/2 كوباية سبانخ مطبوخة, او بنجر بنفس كمية الجزر اللي في الوجبة, او ثمرة فلفل اخضر, او تعملي طبق سلطة صغير متكون من كوباية سبانخ طازة و1/4 ثمرة فلفل و طماطم متقطعة وحطي عليهم ملح وفلفل وعصير ليمون او مسطردة.
– الجبنة الشيدر ممكن ناكل بدالها كوباية جبنة من اي نوع, او 2 بيضة, شريحة صغيرة لحمة.
– البروكلي ممكن ناكل بداله قرنبيط, او بنجر.
– التمارين الرياضية مع النظام الغذائي:
لافضل النتايج الاحسن انك تمارسي رياضة مع النظام الغذائي ومن افضل الرياضات اللي ممكن تمارسيها هي المشي السريع, او الجري, جهاز المشي في البيت, السباحة, نط الحبل.
– ازاي تحاظفي على وزنك ومترجعيش تزيدي تاني ؟
– طبعا لازم نحافظ على الاكل بشكل صحي ونعتمد الفاكهة في نظامنا الغذائي ونحاول نبعد عن الحلويات والحاجات اللي فيها سكر كتير.
– نستمر في ممارسة الرياضة منوقفهاش بعد ما نوقف النظام الغذائي, حاولي تمارسي اي نوع رياضة من اللي احنا قولناها.
– حافظي على شرب كمية المية اللي احنا قولنا عليها ميقلش عن 8 كوبايات في اليوم.
– دخلي في نظامك الغذائي على طول الاكلات الصحية الغنية بالمعادن والفيتامينات والاميجا 3 زي الخضروات الطازة والخضروات الورقية اللي لونها اخضر, والاسماك زي التونة والسلمون.
– جربي تطبقي نظام غذائي في حياتك يكون مريحك وتمشي عليه علي طول.. شوفي النظام اللي حطينه تحت.