أيه هي عيوب برج السرطان ؟

بقلمسارة جمال فيبرج السرطان visibility19452

برج السرطان العاطفي الشهم الخجول.. من أكتر الأبراج تميزا عشان حنيتهم وحبهم للي حواليهم.. اتكلمنا عن الجانب المشرق من البرج ده وايه هي مميزاته, تعالوا النهرده نعرف ايه هي عيوب برج السرطان ونتمني ان السرطانيين يتقبلوا كلامنا ده بروح رياضية ويشركونا رأيهم إزاي كانت العيوب ديه حقيقية ولا لأ.. ونتمني كمان إن يساعد الناس اللي في حياتهم سرطان انهم يقدروا يفهموهم أكتر وتزيد قدرتهم علي فهم واستيعاب السرطانيين, مواليد برج السرطان من 21 يونيو لحد 22 يوليو.

عيوب برج السرطان
عيوب برج السرطان

تعالوا نعرف مع بعض ايه هي عيوب برج السرطان ؟!

1- مزاجيين:

الجزء الحساس من شخصيتهم بيخليهم متقلبين وبيحصل تغيير غير متوقع في مزاجهم وده ممكن يكون من حاجات بسيطة بتحصل ممكن أي شخص يعديها بس مع السرطان الموضوع بيبقي مختلف وبتأثر فيه جدا … طبعا المود المتغير ده بيزعج الناس اللي حوالين السرطانين.

2- متشائمين:

أي تعرض لفشل أو موقف مش كويس في الحياة بيأثر جدا علي برج السرطان وبيخله يعيش في جو من التشاؤم والنكد ودايما متوقع السوء من قبل مايحصل وبيبقي مستنيه.

3- الدراما:

مشاعرهم المفرطة بتخليهم يعيشوا كل اللي حواليهم في جو من الدراما والافورة وساعات بيكبروا الحاجات الصغيرة ويعملوا من الحبة قبة.. طبعا ده ممكن يوتر اصحابهم والناس اللي عايشين معاهم ويسببلهم ضغط عصبي. 

4- شكاكين وقلوقين:

الخوف والنكد اللي جواهم بيخليهم دايما شاكين في نوايا اللي حوالهيم وبيحاولوا يفسروا كل حاجة تتعمل ولازم يتأكدوا هي اتعملت ليه ومقصود منها ايه بدل ماينبسطوا ويستمتعوا بشعور إن حد بيعملهم حاجة حلوة بيبقي عندهم شعور عكسي وده ممكن جدا يوصل للشخص اللي عملهم الحاجة الحلوة ويضايقه.

5- شكايين:

عندهم طاقة سلبية مش قليلة ودايما تلاقيهم يشتكوا ويزنوا.. معظم الوقت تلاقي حاجة مش عجباهم أو مش علي مزاجهم.. كتر الشكوي ده ممكن يخلي اصحابهم يبعدوا عنهم  لأن كل واحد بيبقي عنده مشاكله وهمومه ومش مستحمل حد يزود عليه مشاكل أكتر.

اقروا كمان أهم 5 أسباب لجاذيبة برج السرطان!

 الأكثر عاطفية: انثى السرطان!

العاطفي الشهم: رجل برج السرطان

اتعرفوا معانا علي توافق برج السرطان مع الأبراج التانية!