شوفي طريقة عمل فقاقيع الشور “bubble bath” بنفسك في البيت

آية حسان
آية حسان
في
بشرة
10576

لو نفسك فى شعور مختلف عن كل مرة بتاخدى فيها شاور العادى بتاعك فى المقال ده “بنات حوا ” هتعرفك على مكون جديد جدا  فى حمامك و مش هتستغنى عنه بعد كده فى كل شور هتاخديه و تقريبا مش هيكلفك حاجه و بمكونات سيطة من مطبخك و طريقة عمله سهلة جدا . فقاقيع الشور أو ال bubble bath هنعرف سوا ازاى تعمليها بنفسك فى البيت فى وقت قليل ميعديش الـ 5 دقايق وتعمليها بالريحة المفضلة ليكي عشان تبقي طالعه من الشور ريحتك حلوة و مختلفة و تنسيكى اى تعب … 

طريقة عمل فقاقيع الشور بنفسك في البيت
طريقة عمل فقاقيع الشور بنفسك في البيت

المكونات اللى هتحتاجيها: 

-كوباية من البيكنج صودا .
-4/3 كوباية من حمض الستريك ” هتلاقيه فى الصيدلية ” .
-4/3 كوباية من ملح ابسوم ” الملح الانجليزى” .
-4/3 كوباية من نشا الذرة .
– مقدار مناسب من الاعشاب العطرية ” اختيارى علي حسب الريحة اللي بتحبيها” .
– حوالى 20 نقطة من اى زيت عطرى ” اختيارى علي حسب الريحة اللي بتحبيها” .
– ربع كوباية من زيت جوز الهند . 
– اربع ملاعق اكل مياة .

فقاقيع الشور
فقاقيع الشور

طريقة التحضير : 

الخطوة الاولى : 

فى طبق او حلة كبيرة امزجى البيكنج صودا و حمض الستريك مع الملح الانجليزى و نشا الذرة، و كمان ضيفى عليهم الاعشاب الجافة لو عايزة.

الخطوة الثانية : 

امزجى المكونات دى مع بعض كويس اوى لحد ما يبداوا يكونوا حاجه شبه العجينة كده، و بعدينر ضيفى الزيت العطرى و زيت جوز الهند و امزجيهم مع بعض ” اعجنيهم ” مرة تانية . 

الخطوة الثالثة : 

فى الخطوة دى هتضيفى المياة ببطء شوية بشوية ، و بعد كل معلقة مياة ارجعى اعجنى المكونات كلها مع بعض لحد ما يمتزجوا مع شوية المياة اللى ضفتيهم ، و هكذا لحد ما باقى كمية المياة تخلص . 

الخطوة الرابعة : 

فى الخطوة دى ممكن تقسمى المزيج فى قالب تلج او تشكليهم على شكب كور علشان تطلعى شكلهم حلو و منتظم .

فقاقيع الشور على شكل دواير
فقاقيع الشور على شكل دواير

اخر خطوة هى انك لما تيجى تاخدى حمام هتملى البانيو بالمياة حسب درجة حرارة المياة االمناسبة ليكى و تحطى كورة شور او اتنين بالكتير و تسيبيها تدوب فى المياة ، و بعدين استمتعى بشور جديد و مختلف و هيخليكى مرتاحة و ريحة جسمك حلوة جدا . 

شوفي كمان وصفات مزيلة للعرق ومعطرة لرائحة الجسم

وصفات مزيلة للعرق
وصفات مزيلة للعرق

مقالات متعلقه

طرق لعمل البادي سبلاش لتعطير وترطيب الجسم

طرق لعمل البادي سبلاش لتعطير وترطيب الجسم

8 طرق رائعة هتخليكي تحافظي على ريحتك حلوة طول اليوم

8 طرق رائعة هتخليكي تحافظي على ريحتك حلوة طول اليوم

اعملى بنفسك ماسك لعلاج تجاعيد البشرة

اعملى بنفسك ماسك لعلاج تجاعيد البشرة