موضة 2016 البليزر الملون وازاي تلبسيه
البليزر من الحاجات اللي طالعة موضة جدا السنة ديه واحنا اتكلمنا قبل كده عن موضة البليزر البوي فريند Boyfriend النهاردة هنعرض لكم استايل مختلف للبليزر وهو موضة 2016 البليزر المطبوع أو الملون, احنا اتعودنا دايما نشوف البليزر سادة وبلون واحد لكن ده استايل جديد للبليزر وبيبقى شيك جدا في اللبس, ولما تشوفوا المجموعة بتاعتنا النهاردة اكيد هتحبوها وهيبقى في دولاب كل بنت من بنات حوا بعد كده بليزر مطبوع.
والبليزر الملون نازل منه الوان مختلفة وطبعات مختلفة منها الابيض في الاسود, والازرق في الابيض, او البليزر المطبوع بالورود بيبقى شيك جدا والوانه زاهية ومناسبة جدا لفصل الصيف, وفي المطبوع نقشة النمر.
ممكن يتلبس بطرق مختلفة على البنطلون الجينز السكيني او الجينز البوي فريند, او يتلبس على بنطلون جلد بيبقى حلو جدا, وممكن تلبسيه على الجيبة الضيقة او الواسعة والجيبات الطويلة والقصيرة, وكمان على الفساتين الطويلة والقصيرة, وممكن يتلبس على البنطلونات الكلاسيك الضيقة او الواسعة.
لما نيجي نختار البلوزة او التيشرت اللي تتلبس تحت البليزر المطبوع تكون سادة بلون من الالوان اللي في البليزر, عشان اكيد مينفعش نلبس بلوزة مطبوعة تحت البليزر المطبوع لان اللوك هيطلع اوفر اوي.
تعالوا نشوف مع بعض مجموعة استايلات مختلفة لــ موضة 2016 البليزر الملون أوالمطبوع:
شوفي الجيبة المزينة بالورود موضة ربيع وصيف 2016
