اعملى بنفسك ماسك لعلاج تجاعيد البشرة
مين فينا ما بتحبش انه شكلها يفضل دايما شباب و صحى ، و انه وشها ميظهرش عليه اى خطوط او علامات تجاعيد .. الحقيقة انه كل البنات و الستات طول الوقت بنهتم ببشرتنا وبجمالها وصحتها و واحده من اهم المشاكل او التحديات اللى بتقابلنا هى ظهور علامات تقدم سن البشرة و الخطوط و التجاعيد وبتبقى همنا الاساسى كل ما بنكبر فى السن . علشان كده “بنات حوا” فى المقال ده هتعرفك ازاى تعملى بنفسك ماسك لعلاج تجاعيد البشرة فى البيت و بمكونات قليلة و بطريقة سهلة و بسيطة من مطبخك ..
اعملى بنفسك ماسك مقاوم لعلامات تقدم سن البشرة فى البيت
الوصفة دى حلوة جدا لانها بتديكى كل فوايد الماسكات الموجودة فى السوق و اللى بتكون اسعارها غالية جدا و بتطلعى بنفس النتيجة و نفس الوقت بتحمى وشك من المواد الكيماوية اللى بتبقى مضافة للكريمات و الماسكات اللى موجودة فى السوق و بتغذى بشرتك و بتفيديها بمكونات الوصفة الطبيعية و كمان سهلة جدا و تقدرى تعمليها بنفسك فى البيت من غير اى تعب بمكونات موجودة فى مطبخك ..
المكونات اللى هتحتاجيها :
-صفار بيضة .
-نص ملعقة صغيرة من الجيلاتين ” خالى النكهات ” .
-معلقة اكل من عصير الليمون
-نقطتين من زيت اللافندر ” اختيارى ” .
الطريقة :
الخطوة الاولى : فى طبق صغير امزجى كل المكونات دى مع بعضها كويس اوى .
الخطوة الثانية : اغسلى وشك كويس اوى بطريقتك المعتادة .
الخطوة الثالثة : جففى وشك بلطف و قبل ما ينشف اوى افردى عليه الماسك .
الخطوة الرابعة: سيبيى الماسك لما ينشف على الاخر على وشك و تحسي وشك بقى مشدود اوى .
الخطوة الخامسة : بعد ما الماسك ينشف على وشك كويس ، هاتى فوطة دافية و ابداى طبطبى بيها على وشك علشان الماسك يبقى سهل فى غسيله و ميأذيش وشك و انتى بتشيليه .
كررى الماسك ده من مرة لمرتين كل اسبوع و هتلاحظى فرق كبير جدا فى شباب و صحة بشرتك .
شوفي كمان اسباب خطوط وتجاعيد تحت العين .. ووصفات طبيعية لعلاجها
