27 سر لـ جمالك من مختلف بلاد العالم
طول الوقت واحنا بنتفرج على المسلسلات او الافلام على النليفزيون ، بنستغرب اوى لجمال شعر الهنود و رشاقة البنات فى المسلسلات الكورى و نضارة بشرتهم و جمالهم فى المسلسلات التركى و غيره ، بس خلاص مش هتحتارى تانى، فى المقال ده “بنات حوا ” هتعرفك عبى اسرارهم و حيلهم للحفاظ على رشاقتهم و جمالهم بالطريقة دى ، فى المقال ده هنكشفلك 27 سر لـ جمالك من مختلف بلاد العالم وازاى تقدرى تنفذيهم بوصفات سهلة و بسيطة فى البيت علشان تزودى من جمالك و صجتك ..
27 سر لـ جمالك من مختلف بلاد العالم :
1- استراليا: زيت شجرة الشاى لعلاج القشرة :
قشرة الشعر مشكلة كبيرة و منتشرة جدا بين البنات و خصصا المحجبات ، بتسبب ضعف الشعر و الحكة و لتتعب فروة الرأس جدا ، علشان كده واحدة من اشهر طرق علاج قشرة الشعر فى استراليا هى استخدام زيت شجرة الشاى، و الطريقة ببساطة هى استخدام كمية بسيطة من زيت شجرة الشاى و تليك فؤوة الرأس بيه و تركه فترة على الشعر قبل ما تخدى حمام ، و ده لانه الزيت بيقوم بترطيب فروة الرأس و بيمنع الاحساس بالحكة و زيادة القشرة و مع الاستخدام المنتظم بيقضى عليها تماما، زيت شجرة الشاى تقدرى تلاقيه بسهولة فى محلات العطارة .
2- البرازيل: دقيق الشوفان لعلاج حروق الشمس:
بما اننا دلوقتى فى عز الصيف و ده موسم المصايف ، تقريبا كلنا بنرجع من المصيف جلدنا مسمر و مقشر بسبب حروق الشمس و ساعات كتير الsunblock مابيبقاش كفاية ، واحدة من الطرق المعروفة لمعالجة حروق الشمس فى البرازيل هى استخدام دقيق الشوفان و ده لانه بيحتوى على معادن و فيتامينات كتيرة و مفيدة جدا لجسمك و بشرتك فى البرازيل بيجيبوا قطعة من الشاش الطبى و يحطوا فيها شوية من دقيق الشوفان و يربطوها كويس، و بعدين بيثبتوها على حنفية البانيو بحيث تكون المياة نازلة على ربطة الاش ، سيبيى البانيو يتملى بالمياة المختلطة بدقيق الشفان و افضلى فى البانيو لمدة مناسبة ، الحمام ده حلو جدا و هيهدى و يلطف بشرتك بسرعه .
3-كولومبيا: الافوكادو للحصول على شعر لامع :
الافوكادو معروف بانه سر الجمال رقم 1 فى كولومبيا، لانه مفيد جدا لصحة الوجه و الشعر و بيستخدموه هناك بشكل كبير جدا على شعرهم ، الطريقة هى ببساطة انك تمزجى حبة موز واحده مع حبة افوكادو و ملعقة اكل من زيت الزيتون ، امزجيهم مع بعض كويس اوى لحد ما يكونوا معجون ، خدى المعجون ده و دلكى بيه فروة راسك و جذور شعرك و بعدين ممريه لحد الاطراف، سيبيى الخليط على شعرك لمذة نص ساعه و بعدين اغسلى شعرك بالشامبو المرطب و استخدمى بلسم، اشطفى شعرك كويس و النتائج هتبهرك.
4- كوستاريكا : تضييق المسام بعصير البرتقال :
لو بتعانى من المسام الواسعه فى وشك او على بشرتك و نفسك تضييقيهم ، فى كوستاريكا عندهم طريقة حلوة جدا، الستات فى كوستاريكا بيمزجوا عصير البرتقال بالمياة بنسب متساوية و يفردوا الخليط ده على وشهم باستخدام قطنة طبية ، سيبيى الخليط ده على وشك فترة و بعدين اشطفى وشك بمياة فاترة. هتلاحظى انه مسامك الواضحة قلت شوية، كررى الوصفة دى مرتين فى الاسبوع .
5- تشيلي: العنب الاحمر و الدقيق لبشرة متألقة :
وصفة تانية جبناهالك علشان جمالك من مختلف بلاد العالم هى وصفة لحيوية ونضارة بشرتك من دولة تشيلى، الستات فى تشيلى معروفين فى العالم بجمال و نضارة بشرتهم طول الوقت باختلاف سنهم، السر هو انهم بيستخدموا خلطة من العنب الاحمر المهروش مع الدقيق ، المقادير هى مقدار كف ايد من حبات العنب الاحمر و ملعقتين اكل من الدقيق الابيض و بيتهرسوا مع بعض و افردي الخليط على وشك ، سيبيه لمدة 10 دقايق وبعيد اشطفى وشك ، بعد استخدام الوصفة دى هترحظى نضارة و لمعان طبيعى على بشرتك خصوصا لو شكلك متعودى عليه مرهق و تعبان .
6- جمهورية الدومينيكان : تقوية الاظافر :
لو طول الوقت بتعانى انه ضوافرك ضعيفة و بتتكسر، جبنالك سر من لدومينيكان هيحل المكلة دى بشكل نهائى ، الوصفة اللى بيستخدموها هناك هى الثوم ! هاتى فصين ثوم و قطعهيهم قطع صغيرة اوى و ضيفيه للمانيكير الشفاف، سيبيه منقوع من اسبوع لاسبوع و نص و بعيدن حطى من المانيكير على ضوافرك ، فى الاول هحسي ريحته مش حلوة بس بعد كده الريحة دى هتروح، الوصفة دى حلوة جدا لانه التوم هيحلى ضوافرك اقوى ولامعه عن الاول ، كرريها عند الحاجة .
7- بلغاريا : مياة الورد كمنظف للوجه :
واحد من اشهر الطرق اللى بيستخدموها فى بلغاريا لتنظيف بشرتهم و وجههم هى مياة الورد ، وفى طريقتين اما انهم بينقعوا الورد فى مياة مقطرة و يسيبيوه لمدة يوم تقريبا و بعدين يستخدمو المياة ، او تقدرى تشترى مياة الورد الجاهزة من الصيدليه ، بس الطريقة الاولى افضل لانها خالية من اى مواد صناعية او كيماويات.
8-فرنسا : التخلص من بقع المانيكير :
فى فرنسا ، معظم الستات و البنات بيعملوا المانيكير لنفسهم بره صالونات التجميل ، وهما خبيرات فى ازاى يتخلصوا من لغبطة و بقع المانيكير اللى بتحصل على صوابعهم ، الطرقة هى انك تنقعى صوابعك فى عصير الليمون لمدة دقايق و البقع دى هتختفى بسهولة
9- زيت الزيتون لبشرة صحية :
الستات فى اليونيان مشهورين بجمال ونضارة بشرتهم و بيعتبر مكون اساسى فى اكلهم كله ، علشان كده خليكى حريصة على استخدام زيت الزيتون فى وجباتك كلها لانه بيفيد بشرتك جدا على المدى الطويل.
10- اليونان : الروزمارى لشعر صحى :
امزجى مقدار من منقوع الروزمارى مع خل التفاح مع مقدار قليل من المياة ، و استخدنى الخليط ده لشطف شعرك ،الطريقة دى مفيدة جدا لصجة شعرك و لمعانه و لكن خدى بالك لانه الروزمارى بيغمق الشعر ، فلو عايزة شعرك يفضل فاتح ماتستخدميش الوصفة دى كتير .
11- اليونان : الزبادى و زيت الزيتون لمظهر متألق :
احنا لسه فى اليونان و سر جديد من اسرار الجال هناك هو استخدام خليط من زيت الزيتون و الزبادى على الشعر كمرطب او بديل للبلسم ، امزجى كوباية زبادى متوسطة الحجم مع ملعقة من زيت الزيتون و افرديها على شعرك . سيبيه مد مناسبة من الوقت و بعدين اشطفى شعرك بمياة بس و بعد كده استخدمى بلسم الشعر الخاص بيكى ، سيبي البلسم على شعرك لمدة 5 دقايق و بعدين اشطفى شعرك . هتلاقى شعرك فيه لمعة و نعومة باينة جدا لما ينشف و كمان هتلاحظى انه بقى انعم و سهل التجكم فيه .
12- اليونان : بياض البيض لماسك الشعر :
اضربي بياض بيضتين او اكتر حسب حجم و طول شعرك و افرديهم على شعرك و هو مبلول ، بعد 10 دقايق اغسلى شعرك بالشامبو و اشطفيه كويس جدا ، الوصفة دى هتعزز من الترطيب الطبيعى لشعرك بصورة ملحوظة .
13- اسبانيا : التخلص من الهالات السوداء :
واحد من اسرار الجمال فى ايطاليا هو استخدام شرائح البطاطس لعلاج الهالات السوداء تحت العين ، استخدمى الطريقة دى فى روتين العناية ببشرتك اليومى هتلاحظى الفرق مع الاستخدام المستمر .
14- السويد : لبشرة متألقة
الستات فى السويد بيعتمدوا على مكون واحد بس لتألق بشرتهم و جلدهم هو الشاى الاخضر، ممكن تجمى اكياس الشاى المستخدمة فى قالب مكعبات التلج و تستخدميها ك تونر بشرتك ، او ممكن تستخدمى اكياس الشاى المستعملة بعد ما تبرد على عيونك على طول من غير مكعبات التلج . شوفى كماناستخدامات مختلفة لاكياس الشاى المستعملة ممكن كمان تستخدمى المياة المعدنية الساقعه لغسل وشك و بشرتك فهى هتقوى بشرتك و تديله نضارة و كمان هتقلل الانتفاخات و الاكياس حول العين.
16- بولندا : ماسك صفار البيض للشعر :
فى بولندا ماسك صفار البيض للشعر منتشر جدا ، امزجى صفار بيضتين او اكتر حسب طول و كثافة شعرك مع نقط من عصير الليمون و زيت الزيتون ، سيبيى الماسك ده على شعرك لمدة 15 دقيقة و بعدين اشطفيه بالشامبو المعتاد ، صفار البيض معروف انه بيقوى ويرطب الشعر بصورة كبيرة جدا .
17- رومانيا : زيت الزيتون و فيتامين A لاظافر اقوى :
طريقة حلوة و فعالة جدا لتقوية اظافرك هى الطريقة اللى بيستخدموها فى رومانيا ، فى رومانيا الطريقة هى انه الستات بينقعوا ضوافرهم فى خليط دافى من زيت الزيتون و زيت فيتامين A ، المزيج ده بيقوى نسيج الضوافر و بيخليه اقوى ولامع و كمان الطريقة دى هتقلل من الجدل الى بيظهر حوالين الضوافر و هينعم صوابعك جدا .
18- المملكة المتحدة : اغسلى شعرك مرات اقل :
فى المملكة المتحدة الستات بيغسلوا شعرهم 3 مرات بس فى لاسبوع او اقل ، و فى باقى المرات بيبقوا مغطيين شعرهم بعطاء الشعر علشان يحافظوا لى الزيوت و المواد الطبيعية اللى بتفرزها فروة الراس و اللى بتخلى الشعر رطب و بيتغذى طبيعيا، وفى لو حبوا ينضفوا شعرهم او يغسلوه بيستخدموا الشامبو الجاف ، اعرفى معانا كمان ازاى تعملى الشامبو الجاف فى البيت بنفسك.
19- الصين : مياة الارز كغسول للوجه :
فى الصين الستات بيستخدموا مياة الارز كغسول لوجههم ، لانه المياة دى قادرة على تنضيف الوش بعمق و كمان شد التجاعيد و تقليل الانتفاخات ، انقعى مقدار من الارز فى مساة فاترة لمدة 20 دقيقة ، صفى الارز من المياة وبعدين بقطعة قماش قطنية مررى المياة على وشك ، كررى الوصفة دى اسبوعيا .
20- الصين : زيت زهرة الكاميليا لعلاج علامات تمدد الجلد :
stretch marks او علامات تمدد الجلد هى واحدة من اصعب المشاكل اللى بتقابلنا ، خصوصا بعد الولادة او لما بتكونى خسيتى شوية بتبدأ العلامات دى تظهر ، واحدة من طرق علاج المشكلة دى فى الصين هى استخدام وصفة زيت زهرة الكاميليا . الستات فى الصين بيدهنوا زيت الكاميليا على علامات التمدد مرة الصبح و مرة قبل لنوم بشكل يومى .
21- الهند : الكركم لبشرة صحية :
فى الهند، عنصر اساسى فى مكونات العناية بالبشرة و الجلد هو الكركم ، واحدة من الوصفات اللى بيستخدموها لتجهيز العرايس فى الهند هى انهم بيمزجوا مقدار مناسب من الكركم مع العسل الابيض و الزبادى و بيفردوه على وش و جسم العروسة علشان يدوا وشها و بشرتها تألق و نضارة ، سيبى الخليط على شرتك لمدة 15 دقيقة و بعدين اغسليه اعرفى معانا كمان 11 وصفة من الكركم لجمال البشرة و كمان وصفات الكركم لازالة الشعر الزائد من الوجه بدون الم .
22- الهند : زيت جوز الهند لشعر صحى ولامع :
استخدمى زيت جوز الهند الدافئ على شعرك و بيكون خفيف شوية على شعرك ، ودلكى بيه فرةو راسك فى حركة دائرية علشان يعزز نمو و تقوية جذور شعرك ، استخدم جوز الهند الدافى واحد من اهم اسرار طول و جمال الشعر عند الستات الهنود .
23- الفليبين : لشعر لامع :
الستات فى لفليبين معروفين بجمال ولمعان شعرهم ، و السر فى ده ه والصبار . هاتى ورقة صبار و افتحيها وخدى قلبها و ادلكى بيه شعرك و فروة راسك ، سيبيه فترة من الوقت و بعدين اشطفى شعرك كويس و هتشوف اد ايه شعرك باين صحى و بيلمع.
24- مصر : حمام العسل و اللبن :
علشان نكمل اسرار جمالك من مختلف بلاد العالم ، لازم مننساش مصر . حمام العسل و اللبن معروف من ايام لملكة كليوباترا ، و رغم انه مكلف جدا و صعب تنفيذه الا انه فوايده هايلة للبشرة و الشعر .
25- المغرب : زيت الارجان :
زيت الارجان مشهور جدا فى المغرب و استخداماته كتيرة جدا، لانه سهل جدا للجلد فى امتصاصه و كمان له فوايد ترطيبية عالية جدا، و زى ما بيفيد البشرة كمان مفيد جدا فى ترطيب الشعر و مش مضطرة تغسليه بعد استخدامه على شعرك .
26- المكسيك : استخدمى المعلقة على رموشك !
واحدة من اشهر حيل الجمال فى المكسيك هى استخدام المعلقة علشان يرفعوا بيها رموشهم ، اعرفى الطريقة كاملة فى13 حيلة مكياج بالمعلقة !
27- روسيا: ماسك الشوفان :
استخدام تانى غير علاج حروق الشمس، دقيق الشوفن بيستخدم فى روسيا فى الاهتمام بالوجه و البشرة ، فى روسيا الستات بيستخدموا دقيق الشوفان فى عمل ماسك للوجه، الطريقة هى انك تمزجى حوالى معلقتين اكل من دقيق الشوفان مع المياة و تنقعيهم لمدة 10 دقايق، و بعدين ضيفى معلقة من زيت الزيتون و معلقة من عصير الليمون. قلبى الخليط ده كويس و بعدين افرديه على وشك ، بعد 10 دقايق غسلى وشك و هتلاحظى نضارة و لمعان و حيوية وشك، كررى الماسك ده مرة او مرتين فى الاسبوع .
شوفي كمان الكمية المناسبة من مستحضرات التجميل اللي بيحتاجها شعرك وبشرتك
