للبنات القصيرين البسي البنطلون المقلم بالطول عشان يبينك اطول

ريهام محمود
ريهام محمود
6026

كلنا لما بننزل نشتري لبس بنلف كتير ونحتار ايه اكتر حاجة ممكن تليق علينا وتطلعنا بشكل حلو, لان كلنا عارفين ان في لبس ممكن يظهر ديفوهات وعيوب الجسم ولبس ممكن يداريه بس المشكلة اننا ساعات كتير مش بنعرف نختار اللبس صح, النهاردة في المقالة بتاعتنا جايبين لكل بنات حوا موضة البنطلون المقلم بالطول الموديل ده من البنطلونات بيكون حلو جدا في اللبس وشكله شيك وهيبقى حلو بشكل خاص على البنات القصيرين لان التقليم اللي بالطول بيدي الرجل شكل اطول, والعكس التقليم اللي بالعرض بيدي شكل اقصر للرجل.

والبنطلونات المقلمة بالطول هنلاقي منها اشكال وموديلات كتير في الواسع والسكيني, والوانه بردوا هنلاقي منه الابيض في اسود, والازرق الفاتح في الابيض, وغيرها من الالوان اللي تقدري تختاري منها, ونازل منه كمان موديلات بيكون التقليم بتاعها رفيع وفي اللي بيكون التقليم عريض.

 والبنطلون المقلم ممكن تلبسيه في كل الاوقات سواء الصبح او بالليل يعني لو هتلبسيها الصبح في الشغل او في الجامعة ممكن تختاري لوك كاجوال وتلبسي عليه قميص, ولو عايزة تلبسيه بالليل تنسقي عليه بلوزة من فوق تمشي مع الخروج بعد الضهر, ولما ننسق عليه بلوزة او توب ممكن نختار لون من الوان التقليم يكون هو لون البلوزة.

بالنسبة للجزمة بقى اللي تليق على موديل البنطلون المقلم انسب جزمة ليه هي اللي تكون بكعب وطبعا بما ان البنطلون مناسب بشكل خاص للبنات القصيرين عشان يدي طول فالكعب هيكون انسب حاجة عشان يدي طول اكتر, وكمان الكعب بيكون شكله شيك جدا عليه وبيديه لوك حلو اوي, بس لو انتي مش بتحبي الكعب العالي او مش بتفضليه او بيتعبك ممكن تلبسي عليه جزمة فلات بس يكون من موديلات الجزم اللي بوزها مدبب من قدام دي انسب حاجة ليه لانها بردوا بتدي طول للرجل.

تعالوا دلوقتي نشوف مع بعض مجموعة من البنطلونات المقلمة بالطول:

اعرفي ازاي تلبسي البنطلون الملون بطريقة شيك وانيقة

موضة البنطلون الملون
موضة البنطلون الملون

مقالات متعلقه

بالصور .. افكار وستايلات ازاي تلبسي البنطلون المخطط مع الحجاب

بالصور .. افكار وستايلات ازاي تلبسي البنطلون المخطط مع الحجاب

موضة البنطلونات لصيف 2018

موضة البنطلونات لصيف 2018

اتعرفوا معانا على موضة البنطلون الواسع .. وازاي نلبسه ؟

اتعرفوا معانا على موضة البنطلون الواسع .. وازاي نلبسه ؟