احلى اماكن الفطار والسحور في اسكندرية

رمضان هو شهر اللمة والعيلة ودايما بنحب خلال الشهر ده نجمع العيلة على الفطار وعلى السحور او نتجمع مع اصحابنا ونفطر ونتسحر سوا واحلى حاجة اننا نتجمع مع العيلة او الاصحاب ونفطر او نسهر ونتسحر بره البيت ونقضي وقت حلو, عشان كده احنا النهاردة جيبنا لكل بنات حوا الاسكندرانية اجمل اماكن الفطار والسحور في اسكندرية وطبعا ده مش للاسكندرانية بس كمان للمحافظات التانية اللي حابب يقضي يوم مختلف في رمضان في اسكندرية يبقى عارف الاماكن اللي يقدر يروح يفطر ويتسحر فيها لان اكيد رمضان في اسكندرية بجوها وبحرها غير.

– ياللا نشوف مع بعض احلى اماكن الفطار والسحور في اسكندرية:

1- مطعم روستري:

مطعم روستري من اكتر المطاعم المميزة في اسكندرية واسعاره معقولة اوي وبيقدم منيو منوع جدا من كل المطابخ العالمية يعني هتلاقوا فيه كل حاجة.

ليه فرعين الاول : في رشدي –  شارع عبد القادر رجب متفرع من طريق الحرية.

التليفون : 03- 5428262 , 03 –  5428292.

الفرع التاني : محطة الرمل – 48 شارع فؤاد امام صيدلية الحي اللاتيني.

التليفون : 03 – 4834364 , 03 – 4834363.

2- قرية بلبع:

مطعم بلبع بيقدم اكل شرقي ومشاوي ومحاشي بقى وحاجات من الحلوة اللي كلنا بنحبها, وكمان لمحبين الاسماك المطعم بيقدم اطباق وطواجن اسماك.

ليه فرعين الاول : سيدي بشر- 154 شارع ملك حفني بجوار محطة قطار سيدي بشر.

التليفون : 03 – 5546675 , 03- 5503500 , 03 – 5497555.

الفرع التاني : 6 كم طريق اسكندرية القاهرة الصحراوي, داخل داون تاون مول – الدور الارضي.

التليفون : 03 – 3820150 , 03 – 3820140 , 03 – 3820130 , الخط الساخن 16941.

3- مطعم ابن البلد:

مطعم ابن البلد بيقدم اكل شرقي ومشويات والميزة فيه انه بيقدم اكل بيتي والمنيو بتاعه منوع اوي وهتلاقوا فيه كل الاكلات اللي بتحبوها.

ليه تلات فروع الاول : مطصفى كامل – عمارات ظباط مصطفى كامل اعلى مسرح السلام.

التليفون : 01228555909 , 03 – 5411169 , 03 – 5411404 , الخط الساخن 16860.

الفرع التاني : 6 كم طريق اسكندرية القاهرة الصحراوي , داخل ميراج ميني مول – الدورالتاني.

التليفون : 03 – 3834550.

الفرع التالت : كارفور – سيتي سنتر طريق اسكندرية القاهرة الصحراوي.

4- مطعم سبكترا:

سبكترا بيقدم اطباق من المطبخ الايطالي والمكسيكي بالاضافة للاطباق الشرقية يعني بيجمع ما بين الاطباق الشرقية والغربية, والمطعم بيتميز انه مخصص منطقة لغير المدخنين.

ليه فرعين الاول : داخل حدائق المنتزة.

التليفون : خط ساخن 19491.

الفرع التاني : داون تاون مول – طريق اسكندرية القاهرة الصحراوي.

التليفون : 01116120372 , 03 – 3811866 , الخط الساخن 19491.

5- مطعم باكيتس:

للي بيحبوا التغيير والاطباق الغربية المميزة مطعم باكيتس هيبقى افضل اختيار ليهم, المطعم متخصص في تقديم اطباق امريكي , واطباق الستيك.

العنوان : محطة الرمل – 1ب شارع ابراهيم عبد السيد, باطلسه, الحي اللاتيني.

التليفون : 01200212323 , 03 – 3922202.

6- قرية عبد الوهاب:

عبد الوهاب بيقدم اكلات شرقية ومشاوي واسماك.

ليه فرعين الاول : سيدي بشر – 53 شارع جميلة بو حريد, السيوف.

التليفون : 03 – 5022200 , 03 – 5032856.

الفرع التاني : 8 كم طريق اسكندرية القاهرة الصحراوي , بجوار الحديقة الدولية.

7- مطعم ابو شقرة:

مطعم بيقدم اطباق شرقي, ومشاوي, وسي فود, كمان بيتميز انه مخصص مكان لغير المدخنين, وركن للاطفال.

العنوان : لوران – 425 شارع الجيش, متفرع من شارع شعراوي.

التليفون : 03 – 5848700 , 03 – 5848100.

8- مطعم ليلي من لبنان:

من المطاعم المميزة جدا لو عايزين تاكلوا اكل لبناني على اصله من غير ما تسافروا لبنان يبقى لازم تزوروا مطعم ليلى متخصص في المطبخ اللبناني , والاطباق الشرقية, والمطعم فيه منطقة خارجية للاكل في وسط الجناين والخضرا.

العنوان : كارفور – سيتي سنتر.

مطعم ليلى من لبنان

9- مطعم ابو السيد:

ابو السيد من المطاعم المتخصصة في تقديم الاكل المصري البيتي.

العنوان : 39 شارع الحرية.

التليفون : 03 – 3929609.

10- مطعم وسط البلد:

بيقدم منيو منوع للاكلات الشرقية والغربية وبيكون عامل منيو باطباق خاصة لرمضان, والمكان في شاشات عشان تقدروا تتابعوا البرامج اللي بتحبوها.

العنوان : 13 شارع سيزوستريس – محطة الرمل.

التليفون : 01228227447 – 01280250010.

11- مطعم زفير:

اكيد مينفعش تيجوا اسكندرية من غير ما تروحوا زفير وتاكلوا اكلة سمك معتبرة المطعم ده متخصص اسماك وسي فود بس عنده منيو منوعة جدا للاسماك وبيعمل اطباقه بطرق حلوة ومختلفة, ده غير طبعا الفيو التحفة على البحر.

ليه فرعين الاول :ستانلي – فندق ميدترينيان ازوور, طريق الكورنيش.

التليفون : 03 – 5226539 , 03 – 5428693.

الفرع التاني: 29 كورنيش المكس , قسم الدخيلة.

التليفون : 03 – 4403250.

12- مطعم تياترو اسكندرية:

اللي عايز يعيش جو مصري اصيل واجواء وديكورات بترجعنا للزمن الجميل يبقى لازم يرح مطعم تياترو اسكندرية لانه غير انه مطعم بيقدم الاكلات المصرية الاصيلة, كمان في انشطة ثقافية كتير بتتعمل فيه زي الندوات الثقافية , والبرامج الفنية واستاند اب كوميدي , واسكتشات موسيقية, حتى الديكورات بتاعته مصرية جدا ومعمولة بالارابسيك يعني هتقعدوا في جو مصري ممتع وجميل جدا, فيه مكان مخصص لغير المدخنين.

العنوان : 25 شارع فؤاد – محطة الرمل.

التليفون : 03 – 3901339.

13- مطعم سانتا لوتشيا:

المطعم ده من المطاعم المميزة جدا اللي هياخدكم لاجواء الخمسينات بديكوراته وجوه المريح جدا, هتاكلي في اجواء موسيقية بعزف على البيانو اللي هيعيشك في مود تاني خالص.

العنوان : 40 شارع صفية زغلول – محطة الرمل.

التليفون: 03 – 34860332.

14- النادي اليوناني:

المطعم اليوناني قعدته تحفة جدا على منظر يجنن على البحر هتبقي قعدة شايفة قدامك البحر والمراكب وقلعة قايتباي, وبيقدم السمك طبعا بجانب الاكلات من مختلف المطابخ العالمية.

العنوان : شارع قايتباي – الانفوشي.

التليفون: 03 – 4837264.

كل الاماكن اللي احنا قولناها دي بتقدم فطار وسحور.

شوفو من هنا اماكن الفطار في القاهرة.

15- India Gate Restaurant:

لعشاق الهند والاكل الهندي, مطعم بوابة الهند اكيد هيكون اختياركم, المطعم من اول ما تدخلي بيعيشك اجواء هندية بالديكورات والالوان والاغاني الهندي اللي شغالة في المكان, ده غير السيشن اللي بتاخديه باللبس الهندي, الشيف في المطعم هندي يعني هتاكلي اكل هندي اصلي جدا مش تقليد, وفي رمضان عاملين عروض خاصة ووجبات لرمضان الوجبة تكفي لفردين, متفوتوش التجربة دي وروحوا جربوا الاكل الهندي وعيشوا الاجواء الهندية اللي كلنا بنعشقها.

العنوان: ميراج ميني مول الدور الاول.

التليفون: 01211553860.

– اماكن سحور شعبية:

1- مطعم محمد احمد:

محمد احمد من مطاعم الفول والطعمية المشهورة جدا في اسكندرية بيقدم اطباق فول وفلافل وساندوتشات.

العنوان : 17 شارع شكور, متفرع من شارع سعد – محطة الرمل.

التليفون: 03 – 4873576 , 03 – 4857701.

2- مطعم طاسة:

كل اطباق المطعم داخل فيها جبنة بيقدم طاسات جبنة سجق وبسطرمة وسوسيس وفراخ وشيش طاووق ولحوم مشكلة وسي فود وغيرها اطباق كتير كلها معمولة بالجبنة, بالاضافة طبعا للفول والبيض.

ليه فرعين الاول : 7 شارع الطيار محمود شاكر عبد المنعم – سموحة.

التليفون: 01010259103 , 01227810296.

الفرع التاني: بجوار كارفور الملتقى, عثمان احمد عثمان, قسم سيدي جابر.

التليفون : 01010259103.

3- مطعم ابو عوض:

عنده ساندوتشات فول وفلافل, وشاورما, وبيض , واسماك , وبيقدم كمان كشري , ومكرونات, ومشويات.

العنوان: شارع الكازينو , مبنى الاوقاف – سان ستيفانو.

التليفون : 03 – 3584528.

4- مطعم البان سويسرا:

بردوا المطعم ده من المطاعم المعروفة اللي بتقدم كل اطباقها بالجبنة.

العنوان : 82 شارع بورسعيد, كامب شيزار – الابراهيمية.

التليفون: 03 – 5913369.

5- مطعم صواريخ:

مطعم صواريخ معروف جدا في اسكندرية بتقديم الفول بالسجق.

العنوان: 80 شارع الترسانة – امام باب جمرك رقم 1 – بحري.

التليفون: 03 – 4817459.

6- خبز صاج:

خبز صاج هي مش مطعم لكن عربية بتقدم ساندوتشات بطريقة جديدة ومبتكرة وباضافات غير تقليدية غير اللي احنا متعودين عليها, لو انتي بتحبي التجديد وعايزة تجربي ساندوتشات بطعم جديد ومختلف, اكيد خبز صاج هتكون اختيارك, وبيقدموا فطار وسحور, وكمان لو انتي مكسلة ومش عايزة تنزلي تتسحري هما عاملين خدمة سحور دلفيري.

العنوان: سموحة – امام عصير مكة.

التليفون: 01221843940.