أحلي هدايا لانثى برج الجوزاء

بقلمسارة جمال فيبرج الجوزاء visibility11344

اللبقة ذات الشخصيات المتعددة انثي الجوزاء.. ساحرة وذكية وكلها حيوية وطاقة, طبعا اختيار الهدية للأنثي ديه مهمة صعبة جدا ومحتاجة تفكير عشان تختار هدية تكون مناسبة لشخصيتها الغير عادية.. لو حبيبتك أو مراتك برج الجوزاء تعالي نقولك إيه أحلي الهدايا اللي ممكن تناسبها وتنبسط بيها الانثي المميزة ديه.

احلي هدايا انثي برج الجوزاء

1- وسائل التواصل:

لبقة وبتحب الكلام وبتحب تبقي دايما كونكتيد بكل اصحابها ومعارفها عشان كده تلقيها دايما بتفضل يبقي معاها احدث الموبايلات, مش بس تتكلم لأ وللشات والصور كمان , عشان كده إنك تديها موبايل جديد أو تاب أو حتي سماعة موبايل, أي هدية من اللي بتسهل عليها إزاي تكون عايشة مع اصحابها والناس اللي بتحبهم عن بعد ده بيبقي تلبيه لحاجة عميقة عند انثي الجوزاء عشان تتواصل وتتفاعل مع كل اللي حواليها.

وسائل التواصل
وسائل التواصل

2- السفر:

سفرية فيها بحر وناس وسهر واستمتاع, من احلي الهدايا اللي ممكن تقدمها لانثي الجوزاء.. سعادتها بالهدية ديه مش هتتوصف لانها بترضي الجزء المجنون اللي كله طاقة وحيوية من شخصيتها.

السفر
السفر

3- المجوهرات والاكسسوارات:

مفيش واحدة تقريبا مش بتحب المجوهرات أو الاكسسورات, بس انثي الجوزاء بتحب جدا الحاجات المميزة اللي ذوقها مختلف ومش منتشرة unique يعني عشان كده ممكن تجيبلها ساعة, اسورة, خاتم أو عقد مش لازم دهب لأ ممكن فضة أو اكسسوار بس طالما مميزة وديزجن مختلف هتكون من احلي الهدايا لانثي الجوزاء. 

المجوهرات والاكسسوارات
المجوهرات والاكسسوارات

4- الهدايا اللي كلها اكشن:

من الهدايا اللي ممكن تعجبها برده الهدايا اللي فيها حركة واكشن وده عشان الجزء الملول اللي في شخصيتها.. من أول الالعاب الديجيتال زي الxbox والفيديو جيمز لحد الألعاب زي الاونو أو الرسم بالالوان أو ممكن لعب الموسيقي لو هي عندها الموهبة ديه. وممكن كمان يوم معاها في الملاهي هيسعدها قوي وهيكون هدية استثنائية.

الهدايا اللي كلها اكشن
الهدايا اللي كلها اكشن

5- الشوبنج:

مجنونة شوبنج بتحب الهدوم الشيك المودرن اللي علي احدث موضة, ممكن تنزل معاها في يوم مخصوص للشوبنج أو تجيبلها gift card وهي تشتري بيه اللي نفسها فيه, الشوبنج كمان بيفرق في تظبيط مزاجها وبيسعدها جدا.

الشوبنج
الشوبنج

اقروا كمان: اللبقة متعددة الوجوه: انثى الجوزاء

الاجتماعي المحير: رجل برج  الجوزاء

إزاي الجوزاء بيتعامل مع الأبراج التانية؟!

أهم 5 أسباب لجاذبية برج الجوزاء!