موضة المحجبات لربيع وصيف 2016
كل يوم بيطلع حاجات جديدة في الموضة او موضات قديمة كانت موجودة ترجع تنزل تاني موضة, وموضة صيف 2016 غني بالموديلات وفيه تنويع وحاجات كتير نقدر نختار منها اللي يناسبنا.
نازل موضة 2016 الكارديجان بجميع اشكالة وموديلاته سواء الطويل او القصير, واللي ممكن ننوع في لبسه ونلبسه باكتر من لوك مختلف يعني ممكن نلبسه على البنطلون الجينز اللي هو طبعا قطعة اساسية في دولابنا او نلبسه على الفستان الطويل.
من الحاجات اللي نازلة موضة اوي كمان البليزر بيكون شيك جدا على البنطلونات الجينز, ونازل الموسم ده البليزر الملون او المطبوع مش بس السادة.
كمان البنطلون الملون او المطبوع سواء الجينز او القماش العادي الكلاسيك موضة جدا الموسم ده, البنطلون الواسع كمان من الحاجات الموضة اوي هو كان موجود من فترة واختفى شوية ورجع تاني موضة الموسم ده.
والجيبات الملونة او المطبوعة بالورود زي ما اتكلمنا قبل كده انها نازلة موضة جدا في 2016 وكمان الفساتين.
القميص الجينز كمان معانا الموسم ده وهو تقريبا مش بيبطل ومكمل معانا الموسم ده, وكمان القمصان الكاروهات.
من الحاجات الجديدة اللي نازلة السنة دي موضة البلوزات الطويلة اوي على البنطلون الجينز البلوزة بتكون لحد الركبة او اطول ويادوب باين جزء صغير من البنطلون من تحت وبيكون شكلها مختلف وشيك جدا.
وزي ما عودناكم دايما اننا بنجيبلكم كل جديد جمعنا لكل بنات حوا النهاردة اكتر الحاجات اللي نازلة موضة الموسم ده.
تعالوا نشوف مع بعض موضة المحجبات لربيع وصيف 2016:
موديلات الكارديجان سواء الطويلة او القصيرة منه.
موضة البليزر السادة والملون.
موضة البنطلون الملون او المطبوع, والبنطلون الواسع.
موضة الجيبات الملونة المطبوعة بالورود. والفساتين زي ما قولنا ممكن نلبس عليها الكادريجان الطويل, او نلبس عليه Crop Top ونديه استايل مختلف.
فستان مع Crop Top.
موضة القميص الجينز , والقميص الكاروهات.
موضة البلوزات الطويلة على البنطلون.
ودي مجموعة استايلات منوعة.
شوفوا معانا كمان موضة السالوبيت الجينز و الفستان المخطط و 81 ستايل موضة ربيع وصيف 2016.