ايه هي عيوب برج الجوزاء؟!

سارة جمال
سارة جمال
25163

مواليد الجوزاء البرج الغامض اللي بيحير اللي حواليه وقليلين قوي اللي بيقدروا يفهموه .. مواليد برج الجوزاء من 21 مايو لحد 20 يونيو وزي ما اتكلمنا عن مميزاته وإزاي بيتعامل مع باقي البرج بالتفصيل عايزين نغطي الجانب الأخر من البرج ونتكم عن عيوب برج الجوزاء .. نتمني ان أصحاب برج الجوزاء يتقبلوا الكلام ده بروح رياضية ويشاركونا رأيهم إيه منه صح وإيه مش موافقين عليه ونتمني كمان إن يساعد الناس اللي في حياتهم جوزاء انهم يقدروا يفهموهم أكتر وتزيد قدرتهم علي فهم واستيعاب الجوزائين.

ايه هي عيوب برج الجوزاء ؟!

عيوب برج الجوزاء
عيوب برج الجوزاء

1- التقلب:

مواليد الجوزاء من الأبراج اللي بتتمتع بالذكاء العالي بس من مشاكلهم الاساسية انهم مش بيثبتوا علي حالة معينة لوقت طويل ده بيأثر عليهم جدا خصوصا في المجال العملي لانهم مش بيقدورا يفضلوا محتفظين بحماسهم وشغفهم تجاه أي مشروع بيبدأوه ومع الوقت بتلاقيهم فقدوا اهتمام لدرجة انهم ممكن ميقدروش يكملوا وينسحبوا.. ديه من ابرز عيوب البرج.

2- سطحيين:

اوقات الجوزائين بيتوصفوا انهم سطحيين أو مش بيهمتوا انهم يتعمقوا في الأمور لما حد يجيي يحكلهم عن مشكلة أو حاجة مضيقاه.. المشكلة ديه بتضايق جدا الناس اللي في حياتهم جوزاء لانها بتحسسهم انه مش مهتم ومش مراعي مشاكلهم واحتياجتهم.

3- عدم القدرة علي اتخاذ القرارات:

المركب اللي ليها ريسين بيحصلها إيه؟؟ مظبوط جدا “بتغرق”! تخيلوا بقي لما يكون الريسين دول جوه دماغ الشخص الجوزاء بقي, طبعا ده مش بيخليه يعرف يحدد أو يقرر هو عايز ايه أو إيه قراره في موضوع معين لانه بيبقي فيه صراع جواه بسبب العقلين اللي بيفكروا. اوقات المشكلة ديه ممكن تضيع من الجوزاء فرص ذهبية في الحياة نتيجة تأخره انه ياخد قرار سليم ووقت محدد.

4- مهموممين:

اتكلمنا قبل كده عن إن الجوزاء برج مليان طاقة ولما بيكون في جروب دايما بنلاقيه بينقل للي حواليه الطاقة والنشاط اللي جواه, زي ما الموضوع ده ممكن يكون ميزة ليه برده جانب تاني ممكن نعتبره عيب لانهم اوقات ممكن يحملوا نفسهم حاجات أو مهمات فوق طاقتهم بسبب النشاط أو الطاقة ديه وبيبقوا متخيلين انهم هيقدروا ينجزوا كل المهمات ديه ولما بيلاقوا نفسهم مش قادرين ينجزوا أو ينجحوا فيها ده بيسبلهم شعور بالهم أو الضيق الشديد وممكن يفضلوا فترات سرحانين أو مهموممين.

5- عدم الثبات علي خطة أو حلم:

من المهم جدا في حياة كل إنسان انه يبقي عنده هدف أو حلم معين نفسه يحققه.. في حالة الجوزاء الحلم ده بيتغيير كتير جدا بسبب شعوره المتكرر بالملل والتقلب اللي اتكلمنا عليه في الاول, وده بيخليه كل شوية يغير اهدافه أو خططه عشان يوصل للحلم الجديد المتغيير.. ده بيعمل مشكلتين أول واحدة للشخص الجوزاء نفسه لانه ممكن بعض وقت طويل في شغل ومجهود في خطه بيرمي ده كله ويبدأ من الاول وبيبقي ما حققكش حاجة مفيدة في الوقت اللي فات وتاني مشكلة بتبقي حاجة صعبة جدا علي شريك حياته انه كل يوم بيغير من اتجاه وتركيز حياتهم مع بعض وبيدي شعور للشريك بعدم الاستقرار والقلق الدايم..

اقروا كمان: اللبقة متعددة الوجوه: انثى الجوزاء

الاجتماعي المحير: رجل برج  الجوزاء

إزاي الجوزاء بيتعامل مع الأبراج التانية؟!

أهم 5 أسباب لجاذبية برج الجوزاء!

مقالات متعلقه

استايل هدوم رجل برج الجوزاء

استايل هدوم رجل برج الجوزاء

الاجتماعي المحير: رجل برج  الجوزاء

الاجتماعي المحير: رجل برج الجوزاء

اللبقة متعددة الوجوه: انثى برج الجوزاء

اللبقة متعددة الوجوه: انثى برج الجوزاء