11 غلطة بنعملها فى ازالة المكياج

بقلمآية حسان فيمكياج visibility7826

ازالة المكياج ضرورية جدا زى عمل مكياج حلو بالضبط ،  دايما بنقول انه الاهم من اننا نعمل مكياج حلو و مظبوط و يبرز جمالنا هو ازالة الماكياج نفسه بعد ما نروح البيت. و ده لانه ازالة الماكياج دايما بتعتبر واحدة من اهم خطوات المكياج لانه بو سبنا المكياج على وشنا وقت طويل ممكن يسبب مشاكل كتيرة للبشرة منها ظهور الحبوب و التهابات و خشونة البشرة ، و فى المقال ده هنقولك على 11 غلطة شائعة بنعملها و احنا بنشيل مكياجنا كل يوم …

اعرفى معانا 11 غلطة بنعملها فى ازالة المكياج

1-مابتشيليش المكياج كله : 

لما مابنشيلش المكياج كله بطريقة صحيح  و نكتفى باننا نغسل و شنا او ننمسحه بمنديل و خلاصوشك طول الليل بيبقى متعرض للبكتيريا و العرق ، و ده بيخلى المكياج ينشف عل وشك و يسبب لبشرتك جفاف و التهابات و ممكن كمان يبقى سبب فى ظهور حبوب . علشان كده لازم دايما تتأكدى من ازالة المكياج بشكل صحيح و كامل كل يوم قبل النوم . 

ازالة المكياج
شيلى المكياج قبل النوم

2-مابتغسيليش وشك بعد ما تستخدمى ال wipes : 

اشتخدام المناديل المبللة او ال wipes  لوحدها لازالة المكياج مش كفاية ، ضرورى جدا تغسلى وشك بعد استخدام المناديل المبللة بالمياة و منف وجه مناسب لنوع بشرتكم علشان تشيلى بقايا المكياح ، ولازم كمان تكون ل wipes  خالية من الكحول ، شوفى كمان فوائد و اضرار الويبس مناديل ازالة المكياج . 

اغسلى وشك بعد استخدام ال wipes
اغسلى وشك بعد استخدام ال wipes

3- بتستخدمى نفس المنديل لوشك كله : 

واحدة من اهم الغلطات الى بنعملها اننا بنستخدم منديل واحد لازالة المكياج من وشنا كله ، و ده غلط لاسباب كتير اهما انك بتنقلى البكتيريا و الاتربة من منطقة فى وشك لمنطقة تانية ، و كمان بتلاقى المكياج بيسيح على بعضه فبنلاقى مكياج عيونك بقى على خدك و العكس ، وده غلط جدا و دايما بتفضل بقايا مكياج على وشك . الطيقة الصح اننا نستخدم اكتر من منديل لازال المكياج من على وشنا ، اعرفى معانا الطريقة الصحيحة لـ ازالة المكياج بال WIPES .

بتستخدمى نفس المنديل لوشك كله
بتستخدمى نفس المنديل لوشك كله

4- مابتشيليش مكياج عيونك كله : 

مكياج العيون لو ماتشالش كله صح ممكن يسبب عدوى او التهاب لعينيكى ، علشان كده خدى وقتك و انتى بتشيلى مكياج العيون خصوصا الايلينر و الماسكارا جتى لو هتضطرى تستخدمى اكتر من منديل مبلل ، و علشان تشيلى المكياج اسرع و بكفاءة احسن استخدمى قطن ازالة المكياج المخصص للعيون لانه بيبقى انعم و الطف على البشرة حوالين منطقة العين ، ثبتى القكنة على عينيكى ثوانى علشان تمتص المكياج من على عينيكى و بعدين امسحى عينيكى بيها بالراحة .

اهتمى بازالة مكياج عينيكى
اهتمى بازالة مكياج عينيكى

5- استخدمى مزيل المكياج المناسب لمكياجك : 

من اهم الحاجات اللى كتير مننا ميعرفهاش هى انه كل ماكياج ليه المزيل بتاعه ، يعنى مثلا لو انتى عامله مكياج مستخدمه فيه بس كريم الـBB او الكونسيلر يبقى ممكن تستخدمى مزيل مكياج خفيف زى مياة ازالة المكياج او مياة ورد بس علشان تشيلى بيها المكياج ، لكن لو عاملة مكياج كامل يبقى محتاجة تستخدمى مزيل مكياج زيتى او مزيل مكياج خالى من الكحول .

استخدمى مزيل المكياج المناسب
استخدمى مزيل المكياج المناسب

6- المياة اللى بتغسلى بيها وشك سخنة ؟

المياة السخنة بتسحب الرطوبة من وشك ، اغسلى وشك بمياة فاترة او ااغسليه بمياة فاترة ممزوجة بمياة الورد علشان تتخلصى من بقايا المكياج و كمان توفرى لوشك الترطيب المناسب . 

ماتغسيليش وشك بمياة سخنة
ماتغسيليش وشك بمياة سخنة

7- بتستخدمى مزيل مكياج مش مناسب لنوع بشرتك : 

مهم جدا انك تستخدمى مزيل مكياج مناسب لنوع بشرتك علشان تحصلى على نتيجة افضل و تقدرى تزيلى المكياج بالكامل و تبقى بشرتك نضيفة ، و مرطبة من غير التهابات او جفاف  .اعرفى ازاى تحددى نوع بشرتك

استخدمى مزيل مكياج مناسب لبشرتك
استخدمى مزيل مكياج مناسب لبشرتك

8- بتستخدمى مزيل مكياج بمستوى PH غير مناسب : 

مستوى ال PH هو مستوى حموضة البشرة ، و مستوى الحموضة فى البشرة الطبيعية و الصحية بيبقى حوالى من 4.0 ل 5.5 و علشان تحتافظى على المستوى ده لازم تستخدمى مزيل مكياج بمستوى حمضى / PH  مناسب ، علشان تحافظى على المستوى ده استخدمى مزيل مكياج معدل ال PH  فيه من 3. ل 3.5 .

استخدمى مزيل مكياج بمعدل ph  مناسب
استخدمى مزيل مكياج بمعدل ph مناسب

9- استخدمى مزيل مكياج مقشر / scrub  ناعم : 

حاولى تبعدى عن مزيل المكياج مقشر البشرة او الـscrub  الخشن اللى بتبقى الحبيبات فيه كبيرة و بارزة لانه بيبقى خشن على بشرتك و ممكن يسببلها التهابات او جروح ، استخدمى بدلا منه مزيل مقشر يكون تكوينه كريمى و ناعم علشان تحمى بشرتك . 

استخدمى Scrub  ناعم
استخدمى Scrub ناعم

10- تنضيف بشرتك بالفوطة : 

ممكن تستخدمى الفوطة فى ازالة المكياج او تجفيف وشك بعد غسيل المكياج لكن حاولى متستخدميش الطريقة دى كتير لان نسيج الفوطة خشن جدا على وشك ، بدل من الفوطة استخدمى المناديل المبللة او مناديل ازالة المكياج لانها بتبقى انعم و الطف على بشرتك ، استخدمى المنديل او القطنة فى حكة دائرية على وشك علشان تنشطى الدورة الدموية لبشرتك و تشيلى طبقة الجلد الميت . 

استخدمى منديل ازالة المكياج بدل الفوطة
استخدمى منديل ازالة المكياج بدل الفوطة

11- بتجففى وشك بفوطة جافة : 

بدل ما تفركى وشك بابفوطة جافة و بتبقى خشنة و انتى بتجففيه ، استخدمى الفوطة بشكل الطف على وشك بأنك تطبطبى بالفوطة على بشرتك علشان تجففيها ، بكده الفوطة هتجفف وشك احسن و كمان هتحمى بشرتك من انه الفوطة تقشر الجلد او تسبب الالتهابات الناتجة عن احتكاك الفوطة بوشك . 

بتجففى وشك بفوطة جافة
بتجففى وشك بفوطة جافة