افضل انواع وماركات كريم العين .. وفوايده للعين
كريم العين يمكن في كتير مننا بيسمع عنه بس منعرفش فوايده ولا بنفكر نستخدمه, لكن كريم العين استخدامه مهم جدا خصوصا ان منطقة العين دي الجلد فيها بيكون حساس ورقيق عن باقي البشرة ومحتاج عناية خاصة وكريم العين بيقوم بوظايف كريم الليل والنهار للبشرة ولكن لمنطقة العين بس, واحنا النهاردة هنقولكم كل فوايد كريم العين واهميته ولما تعرفوا فوايده اكيد هتستخدموه وهيبقى من روتينكم اليومي, وكمان هنقولكم افضل انواع وماركات كريم العين اللي ممكن تستخدموها.
– تعالوا نعرف الاول ايه هي فوايد كريم العين:
1- بيحمي العين من العوامل الخارجية زي التراب والشمس ,وبيحميها من المكياج.
2- بيرطب وبيغذي منطقة حوالين العين.
3- بيأخر ظهور تجاعيد حوالين العين, وبيحميها من الهالات السودا والخطوط الرفيعة.
4- بيعالج مشكلة احمرار وانتفاخات تحت العين.
– طريقة استخدام كريم العين:
اغسلي بشرتك كويس بالغسول المناسب عشان البشرة لازم تكون نضيفة, وبعدين حطي الكريم على اطراف الصوابع وخدي كمية كريم بحجم حبة البسلة لكل عين وبعدين تبدأي تطبطبي على منطقة العين من جوه لبره وتحت وفوق العيون لحد ما الجلد يتشرب الكريم كويس, وانتي بتحطيه متضغطيش على منطقة العين ولا تشديها حطي بخفة وبالراحة جدا عشان زي ما قولنا المنطقة دي حساسة جدا ولازم التعامل معاها يكون بحرص, ويتحط مرتين في اليوم مرة الصبح ومرة بالليل مع كريم النهار والليل للبشرة, ولو هتحطيه الصبح وهتكوني خارجة وهتحطي ميك اب استني عشر دقايق بعد ما تحطيه عشان تتأكدي ان البشرة امتصته كويس وبعدين حطي الميك اب بتاعك عادي
ومتحاوليش تستخدمي كريم النهار والليل كبديل لكريم العين لان الكريمات دي معمولة للبشرة ومنطقة حوالين العين عشان حساسة مش هتتحمل تركيبة الكريمات دي وممكن يسبب انتفاخات تحت العين.
– دلوقتي تعالوا نتعرف على افضل انواع وماركات كريم العين:
1- كريم Neutrogena Rapid Wrinkle Repair Eye Cream :
الكريم بيفتح منطقة تحت العين, وبيحميها من التجاعيد, وبينعمها وبيرطبها, وميزته انه بيجيب نتايج سريعة يعني هتحسي بالفرق من اول اسبوع وده لانه بيحتوي على مادة الريتينول اللي بتساعد على ظهور النتايج بشكل اسرع.
2- كريم Olay Regenerist Eye Lifting Serum:
بيساعد على علاج الخطوط الرفيعة والتجاعيد تحت العين , وبيقلل من انتفاخات تحت العين, كمان بيعمل تغطية للهالات السودا لو حطتيه قبل كريم الاساس, وامتصاصه سريع على البشرة.
3- كريم Olay Age-Defying Anti – Wrinkle Eye Cream:
بيخفف من ظهور التجاعيد والخطوط الرفيعة تحت العين, وبيرطب الجلد لانه بيحتوي على فيتامين B3 ,وبيتا هيدروكسيد, وفيتامين E.
4- كريم L’Oreal Youth Code Rejuvenating Anti-Wrinkle Eye Cream:
بيساعد جدا في علاج الهالات السودا, بيرطب البشرة حوالين العين وبيغذيها, ومناسب لكل انواع البشرة, وامتصاصه سريع على البشرة.
5- كريم L’Oreal Dermo-Expertise Age Perfect Eye Cream:
الكريم ده مفيد جدا في علاج الترهل تحت العين لانه بيحتوي على الكولاجين, وبيرطب الجلد حوالين العين بعمق, بيقلل من الخطوط الرفيعة والتجاعيد.
6- كريم Q10 Plus Anti – Wrinkle Eye Cream من نيفيا:
بيساعد على تخفيف الهالات السودا والتجاعيد والخطوط الرفيعة والانتفاخات تحت العين, بيرطب البشرة حوالين منطقة العين وبينعمها, بيحمي البشرة من العوامل الخارجية ومن اشعة الشمس, سريع الامتصاص على البشرة.
7- رول لتفتيح منطقة حول العين Brightening Eye Roll-On من غارنييه :
رول غارنييه بخلاصة الليمون لتفتيح الهالات السودا وعلاج الانتفاخات, وبيوحد لون البشرة, وبيعالج البقع الغامقة في منطقة حوالين العين.
8- كريم Age Miracle Cell ReGEN Dual Action Eye Cream من بوندز:
بيشد منطقة تحت العين, بيقلل من التجاعيد والخطوط الرفيعة, بيفتح منطقة حوالين العين, بيعالج الهالات السودا والانتفاخات تحت العين.
وشوفي من هنا ازاي تعملي كريم العين بنفسك في البيت.