11 وصفة مختلفة من مشروب السموزى تساعدك على التخسيس

بقلمآية حسان فيمشروبات visibility4190

مشروب السموزى من اسهل المشروبات اللى ممكن تعمليها و مبتاخدش الا دقايق قليلة اوى  ، وبما اننا بقينا فى فصل الصيف و الجو بيبقى حر يوم عن يوم ، و كمان داخلين على رمضان و جسمنا بيبقى محتاج للترطيب بسبب الصيام ، فى المقال ده هتلاقى وصفات جديدة و محتلفة من مشروب السموزى اللى مش بس هتدى لجسمك و لبشرتك الترطيب اللى محتاجينة خلال الحر او ايام الصيام و لكن كمان هتساعدك على خسارة الوزن  الزائد و التخسيس ، فى المقال ده ” بنات حوا ” هتعرفك طريقة عمل   11 وصفة مختلفة من مشروب السموزى شهية و لذيذة و منعشة و كمان  هتساعدك على التخسيس … 

11 وصفة مختلفة من مشروب السموزى تساعدك على التخسيس ..

14 وصفة مختلفة من مشروب السموزى تساعدك على التخسيس
14 وصفة مختلفة من مشروب السموزى تساعدك على التخسيس

قبل ما نبدأ نقول الوصفات ، هنلاحظ انه الموز مكون مشترك فى كل وصفات مشروب السموزى لانه مفيد جدا فى التخسيس ز ده لانه بيساعد على الاحساس بالشبع ، و بيزيد من حرق السعرات الحرارية ـ غنى بالالياف و البوتاسيوم اللى بتحسن من عملية الهضم و الامتصاص ، خالى تماما من الكربوهيدرات . علشان كده لو بتعملى ريجيم لازم الموز يبقى جزء من النظام الغذائى بتاعك . 

الوصفة الاولى : سموزى المانجو والبرتقال

و الوصفة دى مفيدة جدا و غنية بفيتامين C  اللى بيساعدك على تجنب الامراض و كمان مفيد جدا للبشرة والشعر  

المقادير : 

-حبة موز مجمدة و مقطعة شرائح . 

-ربع كوباية من عصير البرتقال .

-حبتين برتقال مقطعين شرائح . 

-كوباية شرائح مانجو مجمدة . 

-نص كوباية قطع اناناس مجمدة او فريش ” اختيارى ” .

الطريقة : 

1- اضربى الموز المجمد  لمدة 3 دقايق تقريبا مع عصير البرتقال لحد ما يكونوا مزيج كريمى و تقيل .

2- فى الخطوة التانية زودى قطع المانجو و البرتقال و الاناناس و اضربى مرة تانية لمدة اطول لحد ما يمتزجوا مع بعض كويس اوى .

سموزى المانجو و البرتقال
سموزى المانجو و البرتقال

2-سموزى السبانخ و الفراولة : 

السموزى ده مفيد و غني جدا باللياف و الفيتامينات و الحديد و كمان طعمه منعش و حلو جدا و مش هتحتاجى تضيفى سكر .. 

المقادير : 

-عدد 2 حبة موز مقطعين شرائح و متجمدين .

-حوالى كوباية و نص من السبانخ . 

-نص حبة تفاح كبيرة و متقطعة . 

-7 حبات فراولة متقطعين شرايح . 

-نص كوباية من لبن اللوز ” اختيارى ” 

الطريقة : 

1-اضربى الموز مع السبانخ مع لبن اللوز مع الفراولة  و التفاح لحد ما يتخلطوا كويس اوى و يكونوا عصير ناعم ، لو الخليط كثيف اوى ممكن تخففيه شوية باستخدام لبن اللوز او اى عصير تفضليه . و ممكن كمان تضربى الفراولة لوحدها و تضيفيها فوق السموزى علشان تكونى سموزى من طبقتين .

سموزى السابنخ و الفراولة

سموزى السابنخ و الفراولة

3-سموزى الزبادى و الفانيليا : 

المقادير : 

-كوباية و نص من الزبادى . 

-3 ملاعق اكل من عصير الليمون .

-ربع كوباية لبن منزوع الدسم . 

-ملعقة صغيرة من الفانيليا السائلة .

الطريقة : 

1- حطى كل المكونات فى الخلاط بنفس الترتيب بتاع المكونات ، اضربيهم على سرعة عالية لحد ما يكونوا خليط كثيف و ناعم و بعدين دوقى و ممكن تزودى الليمون حسب الرغبة . ، ممكن تزودى الزبادى علشان يبقى السموزى تقيل اكتر او تزودى اللبن لو بحبيه خفيف .

  • سموزى الزبادى و الفانيليا
      سموزى الزبادى و الفانيليا

4- سموزى الديتوكس : 

و السموزى ده غنى بالفيتامينات و المواد اللى بتساعدك تتخلصى من السموم و الدهون ..

المقادير : 

-حبة موز مقطعة شرائح و مجمدة .

-ربع كوباية من حليب اللوز ، او حليب جوز الهند .

-كوباية و ربع من الاناناس المقطع شرائح .

-حبة خوخ مقشرة و مقطعة شرائح .

-نص كوباية زبادى . 

-نص كوباية من اوراق السابنخ .

الطريقة : 

1- حطى كل المكونات مع بعضها فى الخلاط بنفس تتييب المكونات و اضربيهم على اعلى سرعة لمدة دقيقتين على الاقل .

2- قدميه و بارد ، وممكن تحتفظى بيه فى التلاجه لمدة من 8 ل 10 ساعات بس لازم يتغطى .

  • ديتوكس سموزى
      ديتوكس سموزى

5- سموزى المانجو و الفراولة : 

المقادير :

-2 حبة موز مقطعين شرايح و مجمدين . 

كوباية قطع مانجو مجمدة . 

-6 حبات فراولة كبيرة مقطعة شرايح .

-ربع كوباية زبادى فراولة .

-ربع كوباية لبن خالى الدسم .

الطريقة : 

1- اضربى حب موز واحدة مع عصير البرتقال لحد ما يكونوا مزيج متجانس ، و زودى العصير علشان توصلى للكثافة اللى انتى عايزاها ، صبى المزيج بالتساوى فى كوبايتين لحد النص.

2-اغسلى الخلاط ، حطى الفراولة مع اللبن مع اللبن و الزبادى و اضربيهم مع بعض على سرعة عاليو لحد ما يكونوا خليط متجانس . صبى الخليط ده فوق الخليط الاول فى الكوبايات . و يقدم بارد ، و ممكن تزينى بقطع من الشوفان او الكورن فليكس.

سموزى المانجو و الفراولة

    سموزى المانجو و الفراولة

6- سموزى الشوكولاتة و النعناع : 

المقادير : 

3 ملاعق من قطع الموز المجمدة .

حوالى 15 جرام من بودرة الكاكاو المرة ” بدون سكر ” .

نص كوباية من حليب اللوز او الحليب العادى منزو الدسم .

حوالى 18 جرام من الزبادى خالى الدسم .

ملعقة صغيرة من شربات النعناع .

الطريقة : 

1- حطى كل المكونات فى الخلاط ، و اضربيهم على سرعة عالية لمدة 3 دقايق تقريبا لحد ما يتكون مزيج كثيف و ناعم .

2- دوقى الخليط و ممكن تزودى من شربات النعناع او بودرة الكاكاو لو عايزة الطعم يبقى اقوى ” حسب الرغبة ” .

سموزى الشوكولاتة و النعناع
سموزى الشوكولاتة و النعناع

7-سموزى البرتقال : 

المقادير : 

حبة موز مقطعة شرائح و مجمدة .

ملعقتين شاى من خلاصة الفانيليا .

نص كوباية عصير برتقال من غير سكر .

4/3 كوباية من الزبادى منزوع الدسم .

حبة برتقال مقطعة شرائح .

الطريقة : 

على السرعة العالية ، اضربى المكونات دى مع بعضها لمدة 3 دقايق على الاقل لحد ما يتكون مزيج كثيف و متجانس ، لو لقيتيه تقيل زيادة ممكن تخففيه بعصير البرتقال . يقدم بارد و تقدرى تزينيه حسب الرغبة .

سموزى البرتقال
سموزى البرتقال

8-سموزى الفراولة و الموز : 

المقادير : 

3 حبات موز كبيرة مقطعين شرائح و متجمدين .

ربع كوباية من اللبن منزوع الدسم .

8 حبات فراولة متوسطين الحجم و مقطعين بالنص .

الطريقة : 

بنفس الطريقة السابقة ، امزجى كل المكونات فى الخلاط حتى تمام التجانس و يبقى الخليط كريمى و ناعم ، وممكن تخفيه بانك تزودى اللبن ، و يقدم بارد .

سموزى الفراولة و الموز
سموزى الفراولة و الموز

9- سموزى البشرة : 

و المشروب ده مش بس هيزود من طاقتك و حيويتك ، لكنه كمان هيخلى بشرتك تبان منتعشة و صحية و شمرقة اكتر ، بننصحك تشربيه من 3 لاربع مرات فى الاسبوع 

المقادير : 

نص كوباية من حليب جوز الهند .

عدد 2 حبة موز مجمدين و مقطعين شرائح .

كوباية من قطع الاناناس .

كوباية من قطع المانجو . 

2 كوباية صغيرة من ورق السبنخ الفريش . 

2/1 حبة افوكادو مقطعة شرائح .

الطريقة :

نفس طريقة التحضير السابقة . 

مشروب السموزى
سموزى البشرة

10- سموزى الفانيليا : 

مشروب السموزى
سموزى الفانيليا

المقادير : 

2 حبة من الموز المجمد و المقطع شرائح .

ربع كوباية من اللبن منزوع الدسم .

ربع كوباية من الزبادى منزوع الدسم . 

ملعقة شاى من خلاصة الفانيليا .

شوكولاته ملونة للتزيين .

الطريقة : 

نفس طريقة التحضير السابقة ، و فى الاخر نضيف الشوكولاته الملونة للتزيين .

11- سموزى الليمون و الفانيليا : 

المقادير : 
كوباية و نص من الزبادى خالى الدسم . 
3 ملاعق اكل من عصير الليمون . 
ربع كوباية من لبن اللوز ، او اى نوع لبن خالى الدسم . 
ملعقة اكل من مبيض القهوة  coffee creamer . 
ملعقة اكل من الفانيليا السائلة . 
مقدار من الشوفان .

الطريقة : 
نفس طريقة التحضير السابقة ، ممكن تزودى اللبن علشان تخلى مثافة السموزى اقل ، و فى الاخر تستخدمى الشوفان للتزيين . 

سموزى الليمون و الفانيليا
سموزى الليمون و الفانيليا