اعملي تصميم ضوافرك حسب برجك !

بقلمريهام محمود فيأظافر visibility3826

كلنا دايما بنحب نتابع الجديد في رسومات الضوافر وبندور دايما على تصاميم جديدة ومبتكرة للمانيكير, لكن احنا النهاردة مش هنتكلم عن تصاميم الضوافر بالمانيكير بشكل عادي لا احنا هنقولك تصميم ضوافرك والوان المانيكير حسب برجك ! التصاميم هتكون حسب صفاتك اللي بيقولها برجك عشان يناسب شخصيتك, والتصاميم اللي جيبناها النهاردة متقسمة حسب اربع انواع الابراج اللي هي الابراج النارية, والمائية, والترابية, والهوائية.

تعالوا نعرف مع بعض تصميم ضوافرك حسب برجك وايه اللي يناسبك:

1- الابراج النارية ( الحمل – الاسد – القوس ) :

الابراج النارية هي صفاتها باينة من اسمها اصحاب الشخصيات دي بتكون شخصياتهم قوية وكلها حياة وطاقة, وابراج نارية يعني جاية من النار يعني انسب الوان ليها هي الالوان القريبة من لون النار وكلها حيوية وطاقة زي الاورانج والاصفر.

وانسب طريقة لصاحبات الابراج النارية هي رسمة تصميم المانيكير باللونين الاورانج والاصفر مع بعض, زي ما قولنا قبل كده عشان نعمل مانيكير للايدين اول حاجة هنظبط ضوافرنا ونبردها كويس ونساويها ونشيل اي مانيكير قديم على ضوافرنا وبعدين نبدأ نرسم الرسمة بتاعتنا, هنحط الاول الطبقة الاساسية الشفافة قبل المانيكير وبعدين نحط اللون الاورانج على الضوافر ونسيبه دقايق ينشف وبعدين نحط اللون الاصفر على سفنجة ونطبق اللون على الضوافر من فوق ونحاول نخلي الرسمة باللون الاصفر مش متساوية يعني نحاول نخليها تشبه النار وهي مولعة, وممكن نعكس اللون نخلي الاصفر هو الاساسي واللون اللي على اطراف الضوافر هو اللون الاورانج يعني حسب اختيارك, واخر حاجة بعد ما ينشف اللون هنحط طبقة مقوي اظافر.

الابراج النارية
الابراج النارية

2- الابراج الترابية ( الجدي – الثور – العذراء) :

اصحاب الابراج الترابية واقعيين جدا وبيحبوا الطبيعة عشان كده اكتر الالوان المناسبة ليهم هي اللي من لون الارض والطبيعة زي الاخضر بدرجاته الفاتح والغامق والدهبي القريب من لون التراب.

ممكن نعمل تصميم نستخدم فيه الاخضر الغامق مع الذهبي او ندخل درجات الاخضر الفاتح او النعناعي والاخضر الغامق مع الذهبي ونعمل تصميم بتلات الوان.

الابراج الترابية
الابراج الترابية
الابراج الترابية
الابراج الترابية

3- الابراج المائية ( السرطان – العقرب – الحوت ) :

اصحاب الابراج المائية شخصياتهم ما بين الواقع والخيال يعني احيانا يكونوا واقعيين وساعات يسرحوا في دنيا الخيال وبردوا ما بين انهم عاطفيين وانهم ياخدوا قرار بعقلهم لانهم زي الموج بالظبط بيروحوا وبيجوا ما بين حاجتين دايما, اكتر الالوان المناسبة ليهم بما انهم مائيين هي درجات اللون الازرق.

ممكن نستخدم لتصميم الضوافر لونين من الازرق الفاتح والغامق, وممكن نعمل الاساسي رمادي فاتح والرسمة بالازرق.

الابراج المائية
الابراج المائية
الابراج المائية
الابراج المائية

4- الابراج الهوائية ( الميزان – الدلو – الجوزاء ) :

الابراج الهوائية عندهم عقل تحليلي جدا وبيتمتعوا بذكاء شديد وعندهم تواصل قوي مع العالم اللي حواليهم, انسب الالوان اللي تتناسب مع شخصيتهم هي الازرق الفاتح والابيض.

ممكن نعمل تصميم ندخل فيه اللونين الازرق الفاتح والابيض مع بعض.

الابراج الهوائية
الابراج الهوائية

شوفي معانا كمان ادوات رسم الاظافر وازاي تستخدميها و رسم الاظافر خطوة بخطوة باشكال كتير.