إزاي تعملي كريم العين بنفسك في البيت؟

كريم العين جزء مهم جدا من روتين العناية الخاص ببشرتك ، لان فوايده كتيرة جدا علشان بيحفظ بشرتك و بيحميها من عوامل الجو و الاتربة و كمان بيحتفظ على بشرتك من المكياج ، ده غير انه بيثبت المكياج و بيحافظ على ثباته ده غير ويد تانية كتير ، علشان كده بيعتبر كريم العيون هو اهم خطوة لازم تهتمى بيها فى العناية ببشرتك ، ، فى المقال ده ” بنات حوا” هتعرفك ايه هى فوايد كريم العيون و كمان هنقولك على وصفة سهلة و مضمونة تعملى بيها كريم العيون بنفسك فى البيت و بمكونات سهلة جدا … 

فوايد كريم العين : 

ترطيب الجلد حول منطقة العين . 

مقاومة ظهور التجاعيد . 

حماية الجلد من المكياج . 

حماية البشرة من الاتربة و اشعة الشمس.

حماية البشرة من الماكياج

خلينا نعرف ازاى تعملى كريم العين فى البيت ؟ 

المكونات : 

-مقدار معلقتين اكل من زيت جوز الهند . 

-مقدار معلقة اكل من زيت فيتامين E.

-مقدار ملعقة اكل من زيت زهرة الريع او زيت البريمروز ” موجود عند محلات العطارة الكبيرة ” .

-مقدار معلقتين من زيوت الليمون ، اللافندر ” اختيارى ” .

الطريقة : 

1- فى حلة صغيرة حطى حولى مقدار كوبايتين مياة صغيرين و سيبيهم يغلوا . هنستخدم المياة دى كحمام مياة سخنة .

2- امزجى كل الزيوت دى مع بعضها فى برطمان زجاجى و حطي البطرمان فى حمام المياة السخنة لحد ما الزيوت تبقى دافية و تمتزج مع بعضها . 

3- بعد امتزاج الزيوت كويس ، طلعى البرطمان من المياة السخنة و سيبيه يبرد ، بعد فترة حطيه فى الفريزر لحد ما المكونات تتجمد و تكون نسيج كريمى .

4- ابدأى فى تطبيق الكريم كل يوم قبل النوم حوالين منطقة العين كلها ، و استمرى على استخدام الكريم كجزء اساسى من روتين البشرة اليومى بتاعك . 

احتفظى بالكريم فى التلاجه على طول علشان تحافظى عليه فى شكل كريمى لانه المكونات ممكن تسيح بسبب الحر .