ماسكات من العسل لحل كل مشاكل البشرة

ريهام محمود
ريهام محمود
في
بشرة
9531
عندك حب شباب؟ بشرتك محتاجة ترطيب؟ عندك بقع سودا أو ندبات مكان حبوب قديمة؟ عايزة تتعلمي تعملي غسول طبيعي ممتاز أو سكرب لبشرتك في البيت؟؟

العسل من الحاجات الطبيعية المفيدة جدا للبشرة والميزة فيه انه مناسب لكل انواع البشرة لانه مغذي ومرطب للبشرة وبيحافظ عليها صحية ونضرة , يعتبر علاج فعال لحب الشباب والوقاية منه , ده غير ان فيه مكونات مهدئة لالتهابات واحمرار البشرة, يعني هيحل لك اي مشكلة في بشرتك, واحنا النهاردة جيبنالكم مجموعة ماسكات من العسل هتساعدك لحل كل مشاكل البشرة.

– تعالوا نعرف الاول فوايد العسل للبشرة:

1- من اهم فوايدة انه علاج طبيعي لحب الشباب والوقاية منه.

2- بيساعد في التخلص من البثور البيضا والسودا على البشرة, والندبات والبقع الناتجة عن حب الشباب.

3- بيرطب البشرة وبينعمها جدا وبيحسن مظهرها وبيخليها صحية.

4- بيخلص البشرة من الاوساخ والزيوت الزيادة فيها عشان كده هو يعتبر منظف ومطهر طبيعي للبشرة لان فيه خصائص مضادة للجراثيم والبكتيريا.

5- بيساعد على علاج حروق الشمس, وتفتيح البشرة.

– دلوقتي تعالوا نشوف مع بعض ماسكات من العسل لحل كل مشاكل البشرة:

1- ماسك العسل لعلاج حب الشباب:

اخلطي 2 معلقة كبيرة من عسل النحل مع معلقة صغيرة من جوزة الطيب وحطي الخليط ده على بشرتك وسيبيه ربع ساعة, الماسك ده مفيد جدا للبشرة اللي بتعاني من حب الشباب لانه مكوناته فيها خصائص مضادة للجراثيم عشان كده الماسك ده يعتبر علاج ووقاية من حب الشباب.

ماسك العسل لعلاج حب الشباب
ماسك العسل لعلاج حب الشباب

2- ماسك العسل للبشرة الجافة:

– الماسك ده يعتبر مرطب فوري للبشرة الجافة, ممكن تستخدمي العسل لوحده كغسول للبشرة بلي بشرتك بالمية وجيبي العسل ودلكي بيه البشرة وهي مبلولة لمدة دقايق وبعدين اغسلي البشرة بمية دافية.

– وممكن تعمليه بطريقة تانية هتجيبي معلقة عسل كبيرة وتخلطيها مع معلقة كبيرة من زيت جوز الهند وحطي الخليط على بشرتك وسيبيه ربع ساعة وبعدين اغسلي البشرة, وكرري الماسك مرتين في الاسبوع, الماسك ده مرطب وكمان بينضف مسام البشرة بعمق.

ماسك العسل للبشرة الجافة
ماسك العسل للبشرة الجافة

3- ماسك العسل للبشرة الدهنية:

عشان نخلص البشرة من الزيوت الزيادة هنخلط كمية متساوية من العسل مع جل صبار الالوفيرا ونضيف عليهم نص معلقة صغيرة كركم ونقلب الخليط مع بعضه كويس ونحطه على البشرة ونسيبه 20 دقيقة وبعدين نغسله.

ماسك العسل للبشرة الدهنية
ماسك العسل للبشرة الدهنية

4- ماسك العسل لعلاج البقع السودا والندبات:

الماسك ده مفيد جدا لعلاج البقع السودا والندبات اثار حب الشباب, اخلطي كميات متساوية من العسل وعصير الليمون وحطي الخليط على بشرتك وسيبيه نص ساعة بالنسبة لعلاج البقع ولو عندك ندبات على البشرة ممكن تسيبيه فترة اطول.

ماسك العسل لعلاج البقع السودا والندبات
ماسك العسل لعلاج البقع السودا والندبات

5- غسول العسل للبشرة:

ممكن نعمل غسول طبيعي للبشرة من العسل نستخدمه يوميا هو بسيط جدا لكن فوايده كتير جدا للبشرة بينضف المسام بعمق, وبيعالج الندبات, علاج لحب الشباب والوقاية منه, بيرطب البشرة, بيعالج حروق الشمس, وبيفتح البشرة.

– والغسول عبارة عن تلات معالق عسل نحل خام وهنضيف عليهم كام نقطة من زيت اللافندر او زيت شجرة الشاي هنخلطهم مع بعض كويس وهنحط الخليط على البشرة وندلكه كويس باطراف صوابعنا وبعدين نسيبه دقايق على البشرة وبعدها نغسله بمية دافية, استخدمي الغسول ده يوميا على البشرة.

غسول العسل للبشرة
غسول العسل للبشرة

– ممكن تعملي سكراب للبشرة هتضيفي مع العسل شوية سكر كمية لحد ما يبقى الخليط قوامة مناسب وتدلكي بيه بشرتك لمدة دقايق وبعدين تغسليه, السكراب ده بيرطب البشرة وبينعمها جدا.

سكراب العسل والسكر
سكراب العسل والسكر

شوفوا كمان 13 وصفة من القرفة لجمال بشرتك و 11 وصفة من الكركم لجمال البشرة.

مقالات متعلقه

5 علاجات طبيعية بتستخدمها كارينا كابور لبشرة نضرة وشباب

5 علاجات طبيعية بتستخدمها كارينا كابور لبشرة نضرة وشباب

3 نقط من السيروم ده هتخليكي ماتحتاجيش للمكياج

3 نقط من السيروم ده هتخليكي ماتحتاجيش للمكياج

ليه حب الشباب بيظهر في ال 8 اجزاء دي من الجسم ، وايه اللي المفروض تعمليه

ليه حب الشباب بيظهر في ال 8 اجزاء دي من الجسم ، وايه اللي المفروض تعمليه