نصايح هتفيدك لو بتفضلي استعمال مكنة الحلاقة

بقلمآية حسان فيبشرة visibility29946

ازالة الشعر الزائد باستخدام مكن الحلاقة ساعات بيبقى هو الحال الانسب  ، اولا لانه مابيسببش اى الم زى السويت او الشمع و كمان لانه سريع جدا و الحلاقة مبتاخدش اى وقت ولا مجهود . بس كمان ليها عيوب منها اننا ممكن نجرح ايدينا او رجلينا اثناء الحلاقة و كمان الحلاقة ممكن تسبب خشونة للبشرة و غير كده الشعر بيرجع يطلع تانى بسرعة . هنا فى المقال ده  هنعرف شوية نصايح هتفيدك لو بتفضلى استعمال مكنة الحلاقة او الشفرة لازالة الشعر الزائد.

نصايح هتفيدك لو بتفضلي استعمال مكنة الحلاقة..

نصايح هتفيدك لو بتفضلي استعمال مكنة الحلاقة
نصايح هتفيدك لو بتفضلي استعمال مكنة الحلاقة

1- المياة : 

افضل وقت تحلقى فيه ايديكى او رجليى هو اثناء الشاور ، ولازم تكون درجة حرارة المياة دافية او فاترة ، لانه المياة السخنة بتخلى الشعر يبقى ناشف و جاف وبالتالى اصعب فى حلاقته و بعد الحلاقة هتخلى بشرتك جافة و خشنة ،فلو بتفضلى استخدام مكنة الحلاقة  المياة الدافية هى الانسب . 

2- التوقيت : 

استخدمى المكنة فى الحلاقة بعد ما تكونى خلاص قربتى تنتهى من حمامك ن علشان تدى وقت لبشرتك انها تنعم و تجف براحتها بعد الحمام . 

3- ازاى تحلقى ؟ 

ابدأى من كعب رجلك و بعدين امشى لفوق ، ولازم تحلقى فى عكس اتجاه نمو الشعر بالنسبة لرجلك او ايديكى . اما بالنسبة لمنطقة الاندر آرم under arm  فحاولى تحلقى فى كل الزوايا الممكنة ، و الحلاقة فى منطقة الاندرأرم على شكل X هتديكى نتيجة احسن . 

4- الادوات : 

ادوات الحلاقة مهمة جدا زى طريقة الحلاقة ، يلا نتعرف على مكن او ادوات الحلاقة المختلفة : 

-مكنة الحلاقة بالشفرات المتعددة : 

النوع ده من مكن الحلاقة بيبقى فى اكتر من شفرة ، و بيبقوا من 2 ل 3 شفرات علشان كده بتبقى اقرب للشعر و بتساعدك تشيلى اصغر الشعيرات بشكل دقيق فبتديكى نتيجة احسن بجروح اقل . 

مكنة الحلاقة بالشفرات المتعددة
مكنة الحلاقة بالشفرات المتعددة

2- مكنة الحلاقة الجيل : 

مكنة الحلاقة الجيل بتحتوى فى اطرافها على شرائح جيل و اشهرها جيل الصبار ، النوع ده من مكن الحلاقة بيرطب البشرة بشكل كبير فبتبقى انعم و الطف على بشرتك . 

مكنة حلاقة بجيل ترطيب
مكنة حلاقة بجيل ترطيب

3- مكنة استبدال الشفرات : 

و النوع ده من مكن حلاقة الشعر بيبقى موفر لانه بتقدرى تستخدمى مكنة الحلاقة الواحدة اكتر من مرة لانه بييجى معاها اكتر من شفرة تقدرى تغيرىهم وقت ما تحبى ، و ببيعتبر استخدام النوع ده من مكن الحلاقة صحى اكتر .

مكنة استبدال الشفرات
مكنة استبدال الشفرات

-ممكن كمان تستخدمى البلسم بديل لكريم الحلاقة لانه بيديكى حلاقة ادق و كمان لطيف اكتر على بشرتك .

-كمان استخدام الbaby oil  على البشرة بعد الحلاقة هيساعدك على الترطيب و التنعيم .

-بعد حلاقة رجلك ، افردى طبقة من زيت الصبار و السكر على رجلك و بعدين احلقى تانى علشان ترطبى و تنعمى بشرتك .

شوفي كمان طريقة ازالة الشعر بالفتلة بنفسك في البيت !

اتعلمي معانا طريقة ازالة الشعر بالفتلة بنفسك في البيت
اتعلمي معانا طريقة ازالة الشعر بالفتلة بنفسك في البيت