إزاي تطهري احمر الشفايف أو الروج بتاعك
الروج او احمر الشفايف هو اهم اساسيات المكياج و منقدرش نستغنى عنه مع اى لوك ، و علشان هو من اكتر ادوات المكياج اللى بنستخدمها و لانه بيتم استخدامه على منطقة حساسة جدا من الوش اللى هى الشفايف ، الروج دايما متعرض لبكتيريا و الجراثيم بأنواعها و لاننا بنستخدمه كتير ممن يسبب لنا التهابات فى منطقة اشفايف او اصابة بالبكتيريا او انه جلد الشفايف يبقى ناشف و يبدأ يتقشر ، علشان كده ” بنات حوا ” هتعرفك فى القال ده طريقة سهلة و بسيطة جدا علشان تطهرى احمر الشفايف او الورج بتاعك سواء اللى بتستخدميه باستمرار او لو عندك روج قديم و حابة تستخدميه من جديد ..
إزاي تطهري احمر الشفايف أو الروج بتاعك؟
الخطوة الاولى ازالة الطبقة السطحية من الروج:
الخطوة الاولى هى انك تزيلى الطبقة السطحية من الروج بتاعك لان الطبقة دى بيبقى عليها تريبا كل البكتيريا او الجراثيم و الاتربة اللى بتتراكم على سطح قلم الروج ، استخدمى سكينة مطبخ عادية بسن ناعم علشان وانتى بتشيلى الطبقة السطحية تحافظى على قلم الروج متساوى و ناعم ، و ماتضغطيش اوى علشان مايتكسرش .
الخطوة الثانية نضفيه بالكحول :
الخطوة الثانية هى انك تنقعى قلم الروج بتاعك فى كحول طبى نسبة تركيزه 75% ، و ده هتلاقيه بسهولة فى الصيدلية و بسعر مناسب جدا ، استخدام الكحول هنا لانه مطهر قوى و بيقدر يقضى على الجراثيم بسهولة من غير ما يضر اويفتت قلم الروج بتاعك ، انقعى الروج لمدة ربع ساعة .
وفيه كمان بديل للخطوة التانية هي أنك تحطيه في الفريزر:
حطيه فى الفريزر لمدة ليلة كاملة ، درجة الحرارة المنخفضة اللى بيوفرها الفريزر هتطهر الروج اكتر و تخليه انضف . بعد ما تخرجى الروج من الفريزر سيبيه شوية فى درجة حرارة الغرفة .
الخطوة التالتة سيبيه ينشف:
سواء نقعتي الروج في الكحول أو حطتيته ليلة في الفريزير بعد ماتخرجيه سيبيه ينشف على الاقل لمدة 20 دقيقة علشان تقدرى تستخدميه بسهولة, دلوقتي إنتي طهرتي الروج بتاعك ورجع جديد تاني <3