اعرفى معانا الطريقة الصحيحة لـ ازالة المكياج بال wipes

آية حسان
آية حسان
3239

بعد يوم طويل من الشغل و التعب بتبقى اسهل و اسرع طريقة نشيل بيها المكياج هى طريقة ازالة المكياج بال wipes ، بس تقريبا طول الوقت لما بنيجى نستخدم ال wipes  او ” المناديل المبللة ” علشان نزيل بيها المكياج بنلاقى المكياج ساح فى كل حتى و بهدل وشنا على الاخر ، فى المقال ده هتعرفى ايه هى الطريقة الصحيحة لازالة الماكياج باستخدام المناديل المبللة او الـ wipes . 

الطريقة الصحيحة لـ ازالة الماكياج بال wipes
الطريقة الصحيحة لـ ازالة الماكياج بال wipes

طريقة ازالة المكياج بال wipes

الفكرة كلها فى انك تبدأى تمسحى وشك بداية من منطقة الجبهة لحد ما توصلى لنطقة الرقبة بشكل خط طولى كده وبشكل شوية منظم مش بشكل عشوائي، و ده لانه مسح الوش فى اتجاه واحد بيمنع انك تنشرى الاوساخ والبكتيريا الموجودة من منطقة للتانية وبالتالى بيمنع الالتهابات او ظهور الحبوب بعدين ، هتستخدمى منديل واحد علشان تمسحى بيه وشك فى خط طولى من الجبهة للرقبة، ومنديل تانى لمنطقة العيون و الخدين ، واخر منطقة هتمسحيها هتبقى الانف و بتمسحيها بمنديل جديد لانها بتبقى اكتر مناطق الوجه اللى بتتجمع فيها الاتربة و البكتيريا ، و اهم حاجه انك ماتستخدميش منديل واحد مرتين او لتنضيف منطقتين غير بعض . 

ملاحظات مهمة لو هتستخدمى الـ wipes : 

1-لازم تغسلى وشك فورا بعد ازالة المكياج بالwipes  علشان تتخلصى من اى آثار او بقايا للمكياج ، لانها لو فضلت على وشك ممكن تسببلك التهابات او حكة فى بشرتك . 

2- اتجنبى استخدام الـwipes بشكل متكرر فى منطقة العين او حول الفم لانه الجلد فى المناطق دى بيبقى رقيق جدا و ممكن المناديل المبللة تسبب التهابات مع الاحتكاك و الاستخدام المتكرر.

3- لو بشرتك من النوع الجاف او المختلطة ضرورى جدا تستخدمي كريم ترطيب على بشرتك بعد ازالة المكياج باستخدام الwipes . 

4- استخدمى الwipes  اللى بتكون بدون رائحة و الخالية من الكحول ، و ده غالبا بيتوفر فى الwipes  او المناديل المبللة الخاصة بالاطفال.

شوفى كمان مقال كامل عن  فوائد و اضرار الويبس مناديل ازالة المكياج . 

مقالات متعلقه

7 اسرار لجمال البشرة بيعملوهم الموديلز .. اعرفيهم !

7 اسرار لجمال البشرة بيعملوهم الموديلز .. اعرفيهم !

11 غلطة بنعملها فى ازالة المكياج

11 غلطة بنعملها فى ازالة المكياج

فوائد و اضرار الويبس مناديل ازالة المكياج

فوائد و اضرار الويبس مناديل ازالة المكياج