الجيبة المزينة بالورود موضة ربيع وصيف 2016
الجيبة المزينة بالورود من اكتر الحاجات المناسبة جدا لفصل الصيف بتصميماتها والوانها , ونازل منها تصميمات والوان مختلفة في موضة 2016 وتقدري تنوعي في لبسها ومناسبة لكل الاوقات ممكن تلبسيها الصبح او تتلبس بعد الضهر او في مناسبة خاصة وتنسقي معاها بلوزة مناسبة.
ونازل من الجيبة دي اكتر من موديل منها القصير والطويل , والموديل المنفوش بيدي لوك حلو جدا , وفي منها الصك او اللي واخد شكل الجسم والموديل الصك من الموديلات الكلاسيكية اوي اللي في بنات كتير بيفضلوا لبسه.
بس نخلي بالنا لما نيجي ننسق عليها بلوزة نختار البلوزة بلون واحد بس يكون من الوان الجيبة عشان يطلع اللوك حلو لانه لو لبسنا عليها حاجة مشجرة بردوا او فيها ورد اللوك هيطلع اوفر جدا وشكله مش حلو.
ممكن تنسقي عليها من فوق بلوزة او بادي او قميص جينز او بادي عليه بليزر او جاكيت جينز, يعني تقدري تنوعي في لبسها زي ما انتي عايزة وتلبسيها باكتر من طريقة.
ولما تيجي تختاري الجزمة اللي هتلبسيها على الجيبة لو هتلبسي الموديل القصير من الجيبة من الافضل انك تلبسي عليها جزمة بكعب لان اللوك هيطلع اشيك وانيق اكتر.
تعالوا نشوف مع بعض موديلات واشكال مختلفة من الجيبة المزينة بالورود في موضة 2016:
شوفوا معانا كمان ازاي تلبسي البنطلون الملون بطريقة شيك وانيقة و موضة الفستان المخطط لربيع وصيف 2016.