دليلك الكامل لــ منتجات غارنييه Garnier للعناية بالبشرة والشعر

منتجات غارنييه Garnier من المنتجات المميزة جدا والمشهورة عالميا للعناية بالبشرة والجسم والشعر, وهي ماركة فرنسية اتأسست سنة 1904 واتسمت على اسم مؤسسها “الفريد امور غارنييه” , وموجودة تقريبا في 65 دولة حول العالم, النهاردة هنتعرف مع بعض على افضل منتجات غارنييه.

– منتجات غارنييه Garnier للبشرة:

غسول البشرة:

1- غسول النيم لتنقية البشرة Pure Active Neem Power:

الغسول ده مخصوص للبشرة الدهنية واللي فيها لمعة والمعرضة للحبوب والشوائب, بيستخدم كل يوم مرتين في اليوم مره الصبح ومره بالليل.

2- غسول الفواكه Pure Active Fruit Energy:

الغسول ده كمان مخصوص للبشرة الدهنية وبينضفها من الشوائب, بيستخدم يوميا مره واحدة في اليوم الصبح.

3- مقشر الفواكه Pure Active Fruit Energy Gel Scrub:

مقشر للبشرة من الفواكه مناسب للبشرة الدهنية والبشرة المختلطة , بيحتوي على حمض السالسيليك وفيه حبيبات مقشرة بتنقي البشرة بعمق وبتساعد على ازالة الشوائب, وشد مسام البشرة.

4- مقشر لازالة الرؤوس السودا Pure Active Anti-blackheads Scrub:

جل منظف ومقشر لازالة الرؤوس السودا ومضاد للبكتيريا ,وبيزيل المكياج المضاد للمية, وبينقي البشرة والعيون.

5- منظف 3 في 1 Pure Active Wash, Scrub & Mask :

المنتج ده بيجمع تلات فوايد للبشرة, ممكن يستخدم كسغول للبشرة لانه غني بالزنك المعروف بخصائصة المنظفة والمنقية للبشرة وبيستخدم يوميا بلي بشرتك بالمية وحطيه وبعدين اغسلي البشرة, تاني حاجة ممكن تستخدميه كمقشر لانه بيحتوي على حجر الخفاف وده مقشر طبيعي بيفتح المسامات وبينضفها من جوه دلكي بيه بشرتك في حركات دائرية وركزي على منطقة الانف والدقن والجبين وبعدين اغسليه بالمية, تالت فايدة ليه انك ممكن تستخدميه كقناع للبشرة لانه غني بالطين الابيض المعروف بخصائصة الملينة للبشرة وامتصاص الزيوت الزيادة وازالة لمعان البشرة عشان كده هو مناسب جدا للبشرة الدهنية استخدميه كقناع من مرتين لتلات مرات في الاسبوع سيبيه على البشرة 3 دقايق وبعدين اغسليه بالمية.

 البي بي كريم BB Cream:

1- كريم بي بي الكلاسيكي BB Cream Franchise:

الكريم ده بيجمع بين الترطيب وانه كريم ملون بيقوم بدور كريم الاساس بتغطية خفيفة على البشرة لانه بيحتوي على معادن ملونة , وفيه خصائص مضادة للاكسدة لانه بيحتوي على فيتامين C , بيوحد لون البشرة , فيه عامل حماية من الشمس SPF 15 , وبيدوم طول اليوم, ومتوفر بــ 3 درجات, مناسب للبشرة الجافة والعادية.

2- كريم بي بي BB Cream Franchise خالي من الزيوت:

كريم بي بي مناسب للبشرة المختلطة وللبشرة الدهنية بشكل خاص لانه خالي من الزيوت وبيمتص وبيزيل اللمعان من البشرة , وبيقلل المسام وبيغطي اي شوائب على البشرة, وفيه عامل حماية من الشمس SPF 20 , متوفر بدرجتين.

3- كريم بي بي BB Cream Miracle Skin Perfector لمحيط العين:

كريم مرطب لمحيط العين, وبيداري الهالات السودا والانتفاخات, بيقلل من علامات التعب والاجهاد, بيقلل من الخطوط الرفيعة والتجاعيد تحت العين, بيدوم 24 ساعة, متوفر بدرجتين, مناسب للبشرة الجافة والعادية والحساسة.

4- كريم بي بي بيور اكتيف BB Cream Pure Active ضد الشوائب:

 كريم بي بي 5 في 1 ضد الشوائب , بيحتوي على حمض الساليسيليك المركز بنسبة 2% وده بيساعد في اخفاء اي شوائب على البشرة, بيوحد لون البشرة بشكل طبيعي, فيه عامل حماية من الشمس SPF 15 , متوفر بدرجتين.

5- كريم بي بي BB Cream واقي من الشمس:

كريم بي بي بيستخدم تكنولوجيا 5 في 11 لحماية متطورة من اشعة الشمس الفوق البنفسجية UVA- UVB بنسبة حماية SPF 50, وبيعمل تغطية عالية للبشرة, متوفر بدرجتين, مناسب للبشرة الحساسة.

منتجات تنظيف الوجه:

1- منظف ميسيلار المائي مزيل للمكياج Micellar Cleansing Water:

منظف مائي مزيل للمكياج مش هيخليكي تحتاجي للمية لازالة المكياج, بس بلي قطنة من المنظف وسيبيها 5 ثواني على البشرة وبعدين امسحي بيها بشرتك هيزيل اي اثار مكياج واثار الرطوبة والتراب.

2- مناديل منظفة بماء ميسيلار Micellar Cleansing Wipes:

مناديل مزيلة للمكياج بماء ميسيلار , بتشيل كل المكياج حتى اللي ضد الميه, مناسبة لكل انواع البشرة حتى الحساسة.

3- مزيل مكياج العيون Express 2in1 Eye Makeup Remover:

مزيل لمكياج العيون خفيف ولطيف على منطقة العين, مناسب للبشرة المختلطة والعادية.

منتجات تفتيح البشرة:

1- غسول تفتيح البشرة Fairness Face Wash:

غسول لتفتيح البشرة بخلاصة الليمون بيفتح لون البشرة, وبيوحد لونها, وبفتح البقع الغامقة على البشرة, مناسب للبشرة الجافة.

2- كريم لتفتيح البشرة Light Franchise:

كريم تفتيح كامل للبشرة بخلاصة الليمون, وبيوحد لونها, وبيعالج البقع الغامقة.

3- منظف للتفتيح 3 في 1 Light & Radiant 3 in 1 Fairness Cleanser:

كريم لتفتيح البشرة 3 في 1 ممكن تستخدميه كغسول يومي لتفتيح البشرة لانه غني بالطين المفتح للبشرة وبينضف بعمق وبيزيل الشوائب, ممكن تستخدميه كمقشر لانه بيحتوي على معادن مقشرة للبشرة بتزيل الخلايا الميتة, وممكن يستخدم كقناع للبشرة لانه غني بالطين الابيض اللي بيساعد على توحيد لون البشرة.

4- كريم الليل لتفتيح البشرة Light & Radiant Night Boost Fairness Cream:

كريم لتفتيح الوجه والجسم اثناء فترة الليل عشان البشرة تستفاد بيه بشكل اكبر وتكون بعيدة عن اي عوامل خارجية ممكن تأثر عليها, الكريم بيحتوي على خلاصة التشقير الجزئي الطبيعي للفواكه اللي بتساعد على تقشير الخلايا الداكنة في البشرة بشكل طبيعي وبتفتح البشرة اثناء فترة النوم.

5- كريم النهار لتفتيح البشرة Light & Radiant Fairness Day Cream :

كريم لتفتيح الوجه والجسم بخلاصة الليمون , ولتوحيد لون البشرة, والتخلص من البقع الغامقة لانه غني بفيتامين C, فيه عامل حماية من الشمس SPF 17 , وبيعالج اسمرار الكوعين والركبتين, وكمان لتفتيح الاماكن الحساسة ولكن يستخدم بحذر.

6- رول لتفتيح منطقة حول العين Brightening Eye Roll-On:

رول بخلاصة الليمون لتفتيح الهالات السودا وعلاج الانتفاخات, وبيوحد لون البشرة, وبيعالج البقع الغامقة.

– منتجات غارنييه Garnier للشعر:

1- شامبو وبلسم فروكتيس Fructis Color Last:

شامبو “Fortifying Shampoo” يحتوي على زيت بذر الكتان لحماية لون الشعر, ونازل من نفس النوع بلسم “Fortifying Conditioner”, ومناسبين للشعر المصبوغ.

2- مجموعة Ultra Doux Marvelous Ritual:

مجموعة الطقوس المذهلة هي عبارة عن تلات منتجات اول حاجة ماسك الطقوس المذهلة “Nourishing Mask” بيحتوي على خلطة غنية من زيت الارجان والكاميليا لتغذية الشعر الجاف والباهت.

تاني حاجة في المجموعة هو شامبو الطقوس المذهلة “The Marvelous Shampoo”.

اخر حاجة في المجموعة بلسم الطقوس المذهلة “The Marvelous Balm” .

3- بلسم Fructis Sleek & Shine :

بلسم للشعر العادي بتعتني بألياف الشعر وبتخليه اقوى وبتزود لمعانه.

4- مجموعة Fructis Goodbye Damage:

المجموعة بتتكون من تلات حاجات, سيروم “Split Ends Serum” سيروم يجمع ما بين زيت الامله وكرافيس بيعالج الشعر بعمق لاصلاح التلف الناتج عن الصبغة او السيشوار او الحرارة او العلاجات الكيميائية للشعر, بيغذي الشعر وبيخليه صحي وبيلمع وبيحميه من التلف, المجموعة مناسبة للشعر الباهت.

ماسك “Deep Repair Mask”.

بلسم “Instant Ultra Care”.

5- مجموعة Fructis 3 Oils Therapy:

بيتكون من حاجتين كريم “Smoothing Cream Deep Repair” بيحتوي على تلات مكونات مغذية ومرطبة للشعر وهما زيت الزيتون والافوكادو وزبدة الشيا, بيغذي الشعر بعمق من جوه ومن بره, والمجموعة مناسبة للشعر التالف والجاف.

تاني حاجة شامبو 2 في 1 “3 Oil Therapy 2 In 1”.

6- مجموعة Provence Olive & Rosmary:

بيتكون من حاجتين شامبو “Heritage Of Provence Shampoo” بيتكون من خليط من زيت الزيتون واكليل الجبل بيدي لمعان للشعر وبيخليه صحي.

تاني حاجة في المجموعة هو بلسم “Heritage of Provence Conditioner”.

7- مجموعة Plants 5:

بيتكون من شامبو خمس نباتات “Vitality Shampoo” بيتكون من خلطة سحرية من خمس نباتات , مناسب للشعر العادي والضعيف والمجهد.

تاني حاجة في المجموعة بلسم كريم “Vitality Cream Conditioner”.

8- مجموعة Citrus & Clay:

المجموعة بتتكون من حاجتين اول حاجة شامبو منقي “Purifying Shampoo” بيتكون من خلطة من الليمون والطين الناعم , مناسب للشعر الدهني بيزيل الدهون الزايدة من الشعر وبيعمل توازن للشعر الدهني.

وتاني حاجة البلسم “Purifying Cream Conditioner”.

9- مجموعة كنوز العسل Honey Treasures:

بتتكون من تلات حاجات اول حاجة بلسم “Replenishing Conditioner” بيتكون من خليط من العسل والعسل الملكي وبربولس لتجديد الشعر التالف والضعيف.

تاني حاجة ماسك كنوز العسل “Replenishing Mask”.

تالت حاجة في المجموعة  سيروم “Serum For Hair Ends”.

10- مجموعة Avocado Oil & Shea Butter :

بتتكون من تلات حاجات اول حاجة شامبو “Nourishing Shampoo” شامبو مغذي للشعر بيتكون من خليط من زيت الافوكادو وزبدة الشيا, بيغذي الشعر الجاف جدا والمجعد.

تاني حاجة ماسك “Intense Nutrition Mask” .

تالت حاجة في المجموعة كريم “Intense Nutrition Cream” كريم تغذية مكثفة للشعر.

11- شامبو فروكتيس الجاف Fructis Dry Shampoo:

نوع شامبو جاف بيحتوي على زيت بذور الليمون لامتصاص الزيوت الزيادة في الشعر, وبيزود كثافتة وبيجدده وبيديه ريحة حلوة, مناسب للشعر الجاف والضعيف.

12- شامبو Nutri Repair:

يحتوي على فاكهة مركزة وفعالة لعلاج الشعر التالف والجاف والضعيف, بيرطب وبيعالج الشعر بشكل فوري.

– صبغات الشعر من غارنييه Garnier:

1- كولور ناتشورالز Color Naturals:

بتدي لون طبيعي للشعر, مغذية للشعر, وبتدوم فترة طويلة,  وبيضم مجموعة كبيرة جدا من الالوان بكل الدرجات.

2- كولور انتنسيتي Color Intensity:

بتدي لون مكثف للشعر وبتحتوي على زيت الزهور عشان تدي لون كثيف وجريء, وبتدوم فترة طويلة, ومتوفرة بجميع الالوان والدرجات.

3- غارنييه نوتريس نورشينج Garnier Nutrisse Nourishing:

من انواع الصبغات الخالية من الامونيا وبتديكي لون غني وطبيعي اوي, وبتغذي الشعر وبترطبه وبتنعمه لان مكوناتها فيها زيت الافوكادو وبذور العنب, وبتغطي الشعر الابيض بشكل كامل, والميزة في الصبغة دي انها فوم يعني زي الشامبو وده هيخليكي تعمليها لنفسك بسهولة.

الاسعار المكتوبة تقريبية يعني ممكن تزيد او تقل من مكان لمكان.

اتعرفوا معانا كمان على منتجات ماركة مايبيلين و منتجات اوريفليم و منتجات ميك اب فورايفر.