اخطاء بتعملها اصحاب الشعر الكثيف !
الشعر الكثيف بيحتاج عناية خاصة اكتر من الشعر الخفيف او العادي, عشان كده لازم نخلي بالنا في التعامل معاه لانه ساعات بنقع في اخطاء بتخلي شكله مش حلو, واحنا النهاردة هنقولكم ايه هي الاخطاء دي عشان تتجنبوها وشعركم يطلع بلوك حلو.
ايه هي الاخطاء اللي ممكن تعملها اصحاب الشعر الكثيف ؟
1- تخفيف الشعر:
واحدة من الطرق اللي بتعملها اصحاب الشعر الكثيف هو تخفيفه بطريقة معينة والطريقة دي بتتعمل طبعا عند كوافير متخصص بيشيل او بيقص اجزاء من الشعر بحيث انه يبقى خفيف شوية وسهل التعامل معاه لكن الطريقة دي مش صح وبتبوظ الشعر والاطراف ده غير انه بيطلع شكله مش حلو عشان كده الافضل اننا نتجنب الطريقة دي خالص.
2- قص الشعر قصة قصيرة اوي:
كتير من البنات اللي بيكون شعرهم تقيل عشان يسهلوا على نفسهم التعامل معاه بيروحوا يقصوه قصه قصيرة اوي لكن ده للاسف بيجي بنتيجة عكسية لان قصة الشعر القصيرة بتدي كثافة اكتر للشعر وده هيخليكي تعملي مجهود اكتر مع شعرك وهيكون محتاج منك عناية اكبر عشان تحافظي على شكله حلو, لكن لو انتي حابه تقصيه وتغيري اللوك اعملي قصة شعر مش قصيرة اوي تكون بتكون معقول عشان تتقدري تتعاملي معاه اسهل وخليه دايما طويل من قدام يعني متقصيش من قدام ولا من الجناب اوي عشان تقدري تتحكمي فيه لو حابه ترفعيه او تلميه على ورا.
3- فرد الشعر كيميائيا:
في كتير من البنات اللي شعرهم تقيل وبيكون مجعد شوية بيلجأوا للفرد بالكريمات والحاجات الكيميائية عشان يسهلوا التعامل مع شعرهم, لكن فرد الشعر ده من اسوأ الحاجات اللي ممكن تتعمل للشعر لانه بيبوظه وهيبقى محتاج منك عناية اكتر وهيتعبك, لكن لو عايزة تفرديه احسن حاجة هيكون الكيراتين او البروتين لانه فرد ومعالج للشعر في نفس الوقت وهيديكي سمك اقل لشعرك لما يتفرد.
شوفوا من هنا دليلك الكامل عن بروتين وكيراتين الشعر.
4- استخدام شامبو وبلسم غلط:
استخدام شامبو وبلسم مش مناسبين لشعرك وكثافتة لان الشعر الكثيف بتتراكم فيه كمية زيوت اكتر ومش سهل التخلص منها وده هيقفل مسام فروة الراس ويسبب لك مشاكل ويخلي شعرك باهت ومش صحي عشان كده محتاج تنضيف كويس جدا عشان نتخلص من الزيوت المتراكمة عليه, عشان كده لازم نختار شامبو مناسب للشعر الكثيف وبلسم يكون نوعه خفيف على الشعر, ومتنسيش استخدام منتجات تصفيف الشعر المناسبة ليكي بعد ما تغسليه.
– ممكن تستخدموا شامبو L’Oreal Paris Shampoo – Smooth Intense ده فيه بروتينات الحرير ومناسب جدا للشعر الكثيف والطويل والكيرلي.
– وبالنسبة للبلسم ممكن تستخدموا Kerastase Masque Age Rwcharge مناسب جدا للشعر التقيل والمجعد.
تقدروا تشوفوا من هنا افضل ماركات الشامبو والبلسم وحمام الكريم.
5- اتجنبي قص الشعر مدرج:
لو انتي شعرك تقيل يبقى لازم تتجنبي خالص قص الشعر مدرج او طبقات لان ده هيدي شعرك سمك اكتر ويبينه اتقل وهيتعبك جدا في التعامل معاه, لكن لو انتي حابه تقصيه مدرج او طبقات ممكن تقصيه طبقات طويلة هتكون مناسبة لشعرك اكتر واتجنبي انك تقصيه طبقات قصيرة.
6- استخدام الحرارة زيادة عن اللزوم:
طبعا الشعر الكثيف هيبقى محتاج يتعمل سيشوار عشان تفرديه وتقدري تتعاملي معاه لكن في نفس الوقت حاولي متستخدميش الحرارة كتير او زيادة عن اللزوم لان ده هيضر الشعر وينشفه ويخلي التعامل معاه اصعب.
7- استخدام فرشة غلط:
لو استخدمتي فرشة غلط تسرحي بيها شعرك هتزودلك المشكلة وتكعبل الشعر اكتر انسب فرشة ليكي هي الفرشة اللي بتكون مفرودة وشعرها خشن وتخين دي هتسهل عليكي تسريح الشعر.
اتعرفوا من هنا على انواع فرش الشعر المختلفة و ازاي تختاري الفرشة المناسبة لنوع شعرك.
– تعالوا نشوف مع بعض تسريحات مناسبة للشعر الكثيف:
