4 طرق طبيعية لعلاج اطراف الشعر المقصفة

بقلمريهام محمود فيشعر visibility25827

معظمنا تقريبا بيعاني من مشكلة اطراف الشعر المقصفة وده بيكون ليه اكتر من سبب ممكن بسبب الجو حوالينا والتراب والحرارة والرطوبة, او بسبب استخدام السيشوار بشكل مستمر لان حرارة السيشوار من اكتر الحاجات اللي بتخلي الشعر ينشف وبتقصف اطرافه, عشان كده لازم نهتم بشعرنا على طول ونعمله ماسكات طبيعية تعالجه من الجفاف والتقصف عشان المشكلة متزيدش.

تعالوا نشوف مع بعض 4 طرق طبيعية لعلاج اطراف الشعر المقصفة:

1- الوصفة الاولى:

المكونات:

– ربع كوباية زبادي كامل الدسم.

– معلقة كبيرة زيت زيتون.

طريقة التحضير والاستخدام:

هنخلط الزبادي مع زيت الزيتون كويس جدا ونحط الخليط على الشعر ونسيبه من ربع ساعة لنص ساعة وبعدين نغسله عادي بالشامبو والبلسم, الماسك ده بيرطب الشعر جدا لان زيت الزيتون فيه احماض دهنية بتساعد على ترطيب وحماية الشعر من التلف, والماسك ممكن تعملوه على الاطراف بس او على الشعر كله حسب احتياج الشعر.

علاج اطراف الشعرالمقصفة
علاج اطراف الشعرالمقصفة

2- الوصفة التانية:

المكونات:

– صفار بيضة.

– معلقة صغيرة عسل نحل.

طريقة التحضير والاستخدام:

اخلطي صفار البيضة مع العسل وحطي الخليط على الشعر وسيبيه ساعتين وبعدين اغسليه كويس بالشامبو والبلسم, العسل يعتبر مرطب طبيعي هيساعد جدا على ترطيب الشعر وهيعالج الجفاف وهيشان الشعر, وصفار البيض مليان بالبروتين والاحماض الامينية اللي بتمنع تقصف الشعر وبتساعد جدا على زيادة كثافة وتقوية الشعر وبترجع له لمعته.

علاج اطراف الشعرالمقصفة
علاج اطراف الشعرالمقصفة

3- الوصفة التالتة:

المكونات:

– ربع كوباية زيت جوز هند.

– 6 نقط زيت روز ماري “اكليل الجبل”.

طريقة التحضير والاستخدام:

دفي زيت جوز الهند في الميكروويف لمدة 10 ثواني وبعدين ضيفي عليه زيت الروز ماري, وحطي الخليط على الشعر وفروة الراس, لفي شعرك بفوطة سخنة او طاقية الشعر وسيبي الخليط 20 دقيقة على الاقل يعني ممكن تزودي المدة عادي زي ما انتي عايزة وممكن كمان تعمليه من بالليل وتنامي بيه وتغسليه الصبح بالشامبو والبلسم كويس اوي عشان تنزلي منه الزيت.

ممكن بدل زيت جوز الهند والروز ماري نعمل خليط من زبدة الشيا وزيت الاركان ونعملهم على الشعر بنفس الطريقة هيجيب نفس النتيجة معانا.

علاج اطراف الشعرالمقصفة
علاج اطراف الشعرالمقصفة

4- الوصفة الرابعة:

المكونات:

– كوباية مية مغلية.

– معلقة كبيرة من نبات القريص او القراص او الحريق المجفف “ليه اكتر من اسم عشان لما تسألوا عنه موجود عند العطار”

– معلقة كبيرة مرمرية مجففة.

– معلقة كبيرة اكليل الجبل مجفف.

– 2 معلقة كبيرة من خل التفاح.

طريقة التحضير والاستخدام:

هنغلي كوباية المية ونحط عليها الاعشاب بتاعتنا ونقلبها كويس ونسيبها 10 دقايق لحد ما تبرد شوية وبعدين نضيف على الخليط خل التفاح, هنغسل الشعر بالشامبو وبعدين نشطفة بالخليط بتاعنا ونسيبها على الشعر لمدة دقايق بس وبعدين نشطفة بالمية, الخلطة دي بتنعم الشعر جدا وبتخليه قوي وبتمنع تساقطه.

علاج اطراف الشعر المقصفة
علاج اطراف الشعر المقصفة

اعرفوا معانا كمان 12 نصيحة عشان تتجنبي الشعر الهايش و فوايد ورق الجوافة للشعر.